5.31.2006

高


黃金少年編劇火火半小時獨立另類製作,點解要用咁多個形容詞去形容呢部戲,因為而家個個都可以係導演,人人都可以係演員;以前拍一部獨立電影,好似陳果導演「香港製造」,要用人地利底果d菲林尾,蓄蓄埋埋先夠拍一部戲,而家住部電話有拍攝功能就可以變成導演,或者不知不覺成為演員,我相信呢個風氣隨住「巴士阿叔」事件後,將會如雨後春荀,有排我地受!
所以做電影呢行,有得拍真係要訓身拍;火火部戲唔算一嗚驚人,其實佢都係自己拍黎過癮下,係屋企睇,如果知道可以上到畫,應該會多點製作費,成件事會更加好d,不過見到尋晚星光熠熠,証明火火好多人俾面啦,的而且確火火其實係行裡面好出名,又做演員,森小歌劇團佢又有份搞,自己又擁有「六一」製作公司,eo2的歌mv都係佢地搞!相信未來佢成就會更加大!努力呀!

係我同benz後面果個就係火火







入到場撞到EASON,佢依舊熱情又親切,我同佢算傾到兩句,又合作過,但始終無發展成朋友,或者時機未到,或者咁樣關係先係最好,然後我發現原來我同EASON得呢幅合照
攝於「金雞」慶功宴






記得拍「百份百感覺二」,EASON當時仲未算大紅,剛出「K歌之皇」,我同佢講,呢隻歌之後一定會紅,我講完好後悔,鬼唔知咩?!佢紅係遲早問題啦!
之後每次見到佢開工,都唔會特別多野同佢講,到「愛作戰」時,我經常到現場探班,佢好奇怪問我「你咁得閒O既?!」其實我係去見下你!見到佢無野講係好驚講錯野,嚇怕相識一場!
寫寫下開電視就見到呢幕,我地真係有緣!


7 comments:

Anonymous said...

邊個係火火呀 /_\ 後上...? 姐係benz雄後面果個呀??

嘿嘿 第一個留言! 加油 灘叔~

Anonymous said...

好記得第一次聽到Eason既K歌之王﹐係經過太古城溜冰場。

Eason一開口既第一句﹕“我唱得不夠動人你別皺眉”﹐我已經被歌聲深深吸引﹐問身邊既人“咩歌黎架﹐邊個黎架”。返到屋企﹐聽radio又會留意有無播﹐之後經過溜冰場又特意放慢腳步。

他唱歌好似講故事0甘。。。之後有shall we talk﹐十面埋伏﹐葡萄成熟時﹐都係我好鐘意既歌。。。

面我最鐘意Eason既電影係“神經俠侶”﹐真係一部有heart既戲﹐絕對唔係笑片(當時叫我家姐同我睇都差D比佢“苗”)。。。其實係改壞左名+張海報粗製濫造大堆頭擺哂陣就算數。

unkle beach said...

「十二夜」做得好好多,神經太電視演出了

Anonymous said...

的確﹐Eason在神經的演出不是最好的﹐不過我欣賞部戲個message :)

unkle beach said...

我不太欣賞,ENDING EASON捉到個SERIAL KILLER,個KILLER竟然話「駛唔駛咁博呀?!」
?!果個SERIAL KILLER黎喎,突然變左正常人咁理性!
成個戲都係「講」通晒,電視劇咁

Monkey said...

你都可以一鳴驚人!!!

ps said...

o係粉嶺影既張相係咪?