4.30.2010

為新組合命名



呢隊玩全「真人發聲日夜哦二重奏」o既樂隊,經過多年閉門苦練,終於製成佢地第一張LP EP 3CD 1USB NONCOVER,網上無得DOWNLOAD,街上無得買的全新絕版豉油碟「Once Upon A Time,當殞石遇上天際,個個變得溜溜廢」,大碟即將發行之際,樂隊發現一個問題,就係呢隊樂隊乜都有,係未有名!

作為樂隊經理人,我其實唔係無俾個好名佢地,好似「at seventy〈@70〉」,但佢地兼呢個名太後生,同老人家怕人多怕逼,怕人山人海;於是我再俾另一個名佢地 鴛鴦二人組合「甩鬚胎」,但佢話佢係鄒生,唔想似何山,咁我唯有再sell另一個我認為襯到絕的名「My Older Airport」,但女主音又話「飛機場」呢個名,同佢實在太唱反調......





咁一係「Remote of your life」,佢又話太電子化
我投降喇!




大家幫我改改名,最好可以配合到佢地全新派台作品「張開你的十字懸垂的愛」

4.29.2010

We re the Same~`



唔好問點解,但我覺得呢兩張相是一樣的!



面貌不相似,但感覺是一樣~`

4.27.2010

好眼訓等唔到過二百萬人次時的領悟



「每個人都會有一個階段,見到前面座山,就會諗座山後面究竟係乜,好想爬過去睇下,但其實座山後面,只不過係另一座山.....」 節錄於電影「東邪西毒」

幾年前開這個blog,到達一萬人次的時侯,我在想幾時先會到達十萬人次,到達十萬人次時,又想幾時先會到達一百萬人次,到了一百萬人次,又想到二百萬人次時,我的心情會是怎麼樣?其實一切都只不過是一個過程,山後面只不過是另一座山,想如何爬過高峰,倒不如想一想這個過程可有快樂過?

這二百萬人次的過程,我很快樂!而我希望大家由從前到現在,展望將來的過程裡,我們依然很快樂!可以的話我就心滿意足了~`

4.25.2010

歸零



只要我們當作什麼都不懂,由零開始,像白紙一張,我們學到的,得到的就最多,如果能夠每日入睡前,都可以歸零,新一天就會好精彩,好豐盛!但千萬不要為了歸零而去食龜靈膏,我會憎死你!

每個月試一試



良朋給了我十二個做法,說一定可以令人層次提升,統稱為「升呢十二大法」,大家不防試試做

1〉真誠
2〉喜悅
3〉寬恕
4〉捨得
5〉接受
6〉鎮定
7〉平靜
8〉耐性
9〉自信
10〉謙卑
11〉歸零
12〉感恩

排名不分先後,亦沒有由邊樣做起,只要你肯開始就可以,十二個行動,咪一個月試一個,你又邊個無從入手就開聲,我同你一齊研究方法,高高高~`

最緊要肯試,就會升層次~`

4.24.2010

上半場


今日天氣好到爆!唔外出對唔住自己!




但偏偏外出的原因,是要到黑沉沉的studio,為郭子健的新電影補配對白,但好彩搞掂之後,都仲係四點幾,立刻爭取時間飛去「海灘」一轉




「海灘」真係可以令人好快樂,你今日無去到,明天點都抽時間去走一轉,海灘+現在天氣,四個字「心曠神怡」



上半場玩住咁多先,沖個涼今晚再出動,有緣遇到,記住問好!

緣份到



我曾經成功戒甩過一個月,知道自己可以放低,就繼續去放肆,直到今日與你四目交投,你讓我知道「緣份到了!」

各位朋友請放心,以後可以繼續叫我去「打邊爐」,我食少一樣,但照會夾足錢的!

4.23.2010

別問


別問1:葉問2幾多號上畫,咁大個上畫日期,無理由仲要問



別問2:點解我有咁多贈卷同埋有冇得送俾你地,我已經將導演俾我D贈卷送晒俾老人家,我自己會再俾錢買票去撐場
別問3:葉問2有冇葉問1咁好睇,上微博見到今晚[22/4)北京首影後的反應就知道!

別問太多,去看吧!

4.20.2010

請注意



真的不要睇低這一股力量,自己開心就可以令到其他人開心,當其他好多人因為你開心,你就會得到好多其他人的能量支持,我其實由落旅遊巴開始,就收到無數個要解決的難題,但我渾身是勁,一眾難題都被我那股開心的能量嚇得自我解體或轉身拔足而逃,些天些地些人些狗,你開心多一些,其他人就開心多一些,這就是「些些」









我雖然仲好開心,但依然清楚呢個世界係等價交換,無免費午餐,也無免費禮物,你可以收到一份鍾意的禮物,是因為你之前做了很多好事,又或者因為這份禮物,你要開始去做些好事!大家同我收到份咁快樂開心禮物,唔應該獨享,應該分享!

最佳去同人分享呢份禮物方法,就係去幫人,唔係見到至幫,係主動去幫,未有能力幫遠方,就幫幫我們的「自己人」,我係呢度宣佈,有什麼朋友或機構需要義工請留言,我深信這裡有一大班「天使」可以幫手!被幫的快樂,幫的更加快樂,襟襟襟~`將呢股開心能量盡情發放出去吧!

ITs WONDERFUL!














謝天謝人謝己~`

4.19.2010

我真的受傷了


我未知妳叫咩名,但如果我可以為妳改一個名字,一定會改一個好似「幾米」咁詩意o既名!我諗到喇!不如就叫做.........「粟米」啦!


大家睇睇,佢真係人如其名,粟米去到邊都羅住支粟米

就算借機過來親近我,粟米手中粟米都無離開過......

粟米小姐樣子娟好,性格爽朗,其實甚得我歡心,但我作為阿灘,對粟米小姐有d行為係好接受唔到,就係「渣流灘」



左邊黃衫果位!個個雙腳跳,妳雙腳貼到個地實一實!妳係咪真係當我流灘呀!


大家從另一個角度再睇睇黃衫果位粟米小姐,佢完全以為靠上身演技,就可以彌補到下身個流灘~

而其實粟米小姐妳飛唔起,我阿灘係可以幫幫妳,總好過終日靠渣流灘渡日丫~


但就算妳有幾唔想學,妳開聲講「我唔學!」就得啦,點解妳要唔答而選擇用江湖中最毒o既虎尾腳傷害我~`嗚










致各女仕們,最近表現每況愈下,實在是有苦衷的~`

4.18.2010

What a big Joke大美篤〈1〉


有幾好玩?自己睇啦!


































































































待續......