7.30.2008

關你屁事




我有個男友,年少時一齊出去玩,佢無次臨入場前,就後突然向後退,以發號司令的語氣叫出 『放埋個屁先!』,每次一定係響屁,每次都一句送尾加句『響屁唔臭!』風雨不改,總之臨入場前,就算kate moss同其他超模經過,佢都唔理要暢快完成為止,我同其他朋友試過因為咁,成晚係場內避開佢,唔肯認係佢朋友,因為我地試過遭全場人,逢經過我地就掩鼻!佢放屁,關我屁事咩!

但後來我發現呢位朋友係我認識放屁朋友中,最坦誠,最為人著想的一位!放屁的原因大致有兩種情形,一種是因常吃一些產氣的食物,例如地瓜、 洋蔥、高麗菜、豆類及其他豆制品,所以會有放屁的情形,另外則有可能罹患 「激躁性大腸症候群」,此症臨床上也會有腹痛、腹漲以及放屁等現象產生....而我認知當緊張時亦常常會放屁,我這位朋友是那種一年三百五十日都留在家讀書、溫書、睇書的人,每次出街就像探險一樣,緊張是難免的!但難得佢夠坦白,事先聲明,有時間俾大家走避,有時行動快過把口,佢仲會補多隻gag娛賓 『屁乃肚中戲,誰叫貪心嗦入鼻!』肯聲明自己會放屁是一件好型的事!吳君如每次放屁都開聲『放番個屁先~~』放完仲會撚個表情,樣衰衰咁加句『舒服晒!』,唔型都有得笑,我以前同佢做節目之前warm up,我都會要求佢『喂!放個屁黎笑下先啦~`』,佢每次都好坦白 『aiya!岩岩放左,又唔早d開聲!』、『今日無乜屁放~`』『等我試試......有d可能喎...你等等...』

王晶係現場寫劇本,一集中就會放屁,大家附近位置,一見到佢個身向外側,另一邊臀部微微蹺起,一秒內你走避不切,不但中屁彈,仲要俾佢叫住你『阿matt!你過黎聞下,唔係你d女俾我媾晒!』說罷放聲大笑....

有幾多人可以坦白面對自己個屁,做一個〈真心測試〉,在電梯內,你知已經無法控制,一定要放一個屁,你會點處理?

A:坦白開聲『唔好意思!我忍唔到要放個屁,對唔住!』
B:放完之後道歉
C:唔出聲放屁,當有人不悅質問『邊個放屁呀?!』,你會承認及認錯
D:唔出聲放屁,當有人不悅質問『邊個放屁呀?!』,你死都唔承認
E:唔出聲放屁,當有人不悅質問『邊個放屁呀?!』,你第一時開聲否認『唔係我呀!果邊飄過黎架!』
F:唔出聲放屁,當有人不悅質問『邊個放屁呀?!』,你反問對方『你咁大反應,個屁係咪你放架?!』
G:其他

請踴躍作答,做個勇敢放屁人`~

7.28.2008





地球已經不適合人類生活,Fly ME to the MOON Please!!

7.27.2008

又一年



由於大部同我合照的靚女們,都表示不願意把合照登出,但就放係自己facebook,anyway,為尊重當事人,我只可以揀呢張最多女的相出來做開頭!要搵就上facebook啦!

珠如,妳開始似我經理人~`妳快d接多d野我做!



Chloe,希望妳唔會怪我先斬後奏,還有為感謝妳幫我影相,送上薄酬,kitty 一套
























佢唔駛排隊,因為佢識飛,兩歲大的issac超人,感激你....媽媽,害妳俾老公鬧,第時介紹番個wonder woman俾妳個仔補數!



靚表妹,好多人話妳個friend仲正喎!點先~`幾時介紹我識先?




感謝一眾黑咭會員,個個都靚靚,係唔明最左邊果件想點?可能見得女人小,因為恐懼而變得膠膠地!樣衰衰!



不過講到衰,邊有人衰得過佢!正衰婆`~



















妳們的支持,比飲到一杯二十年佳釀更感動!



看到咁多人撐,我可以專心去做其他野,今次活動中,聽到最多的問題是「你幾時有新戲?」,跟住日子我就努力去寫劇本,寫周杰倫,寫劉德華,寫鄭秀雯,寫木村拓哉,寫麥迪文,寫鞏莉,寫動物,寫鬼怪,寫搞笑...好!醉醒就開始寫~~ 等著瞧~` yeah``

7.24.2008

約定




很喜歡這篇訪問,感謝MILK的THEO,難度你像添叔(愛多八十年)一樣,懂閱心術嗎? 正! 我唔駛一日賣三千本,亦都唔要大班人舉字牌,叫我個名,我只係想聽晚大家著得靚D,一齊影D靚相,令到我地永遠記得2008年七月某一個仲夏晚上![WE WERE THERE!]
聽晚見!早D到,可以撐埋林慧美,高高高~`

7.22.2008

給予妳最大的祝福`~





My dear衰婆!在做節目時收到妳的sms,差點兒無法繼續下去,但終於我還是完成需要的工作,就像妳在這個時侯,仍然靠我弄出這個相片mv,因為我們都是專業的!
「我來不到你新書會了!」
「妳來不來,我也感到妳在現場!」

我不懂說安慰說話,我只會給予妳及家人最大祝福!

『My Dear!everything gonna be alright`~」

7.20.2008

Annchoi最大競敵



此妮子剛滿十歲,學影相三個月,每次見她我都問「點樣影得我瘦一點?!」,她每次都不厭其煩以堅定專業的語調回答我 「只有一個方法!你減到比上鏡更瘦!」
最近我將新書封面給她看,問她覺得如何?佢盤起雙手聳聳肩,不亢不卑地簡單回覆我「ok啦~`顏色幾特別!」,我想再追問關於相中model(我),佢已經遞起手「唔好要我難答啦!」,「咁妳下次幫我影得唔得?」她仍然是同一個答案「唔好要我難答啦!」


























果然有藝術家脾氣,大家又睇睇呢位up & coming o既攝影師o既作品


有玩構圖
有玩動感

有玩自拍






佢叫做chloe,佢應承書展果日會來幫我影相,唔知咁樣會唔會嚇怕左阿ann,定會逼阿ann再出功夫,總之受惠就係果日有份影相o既人啦!呢d咪叫「坐享其成」 羅!

7.18.2008

721~騙徒出現





在愛情世界內,我們都比騙案中的主角更愚昧,更可悲,因為我們都寧願被騙,總好過寂寞難耐!

「在愛的世界內,幸福只是偶然,受苦才是必然~`」

7.16.2008

邀請你~~




我成功爭取到「新書會」在晚上進行,現在正或誠邀各位於以下時間,地點見面

Venue: HK Convention and Exhibition Centre ( Hall 1) 1C26 and 1C28

Date: 25 July (Friday)

Time: 8pm – 9pm

Activity: Book Signing





新書資料會繼續更新

7.15.2008

給親愛的



今年書展我會在二十五號(星期五)出現,但我現努力將時間調到六點後,放便各位有心人可以A:唔駛咁熱,B:唔駛咁趕,C:唔駛客氣

時隔一年,很掛念,下星期見~`

新書消息會繼續更新~`

7.13.2008

Time Flies



回家總是最快樂,縱使這個家已經不復當年勇,但能夠留低的,總比已經離開的勇敢!有些人,無論幾多年後,感覺依舊不變``




雖然沒有像從前,永遠都在你身邊,但遠看你,比十年更年輕,比十年前更勇,恭喜你!

「愛得起!唔駛要生又要死,唔駛刀仔吉大脾!」





很久不見,可能沒有十年,客串「嚦咕嚦咕新年財」時匆匆見過面,跟你最接近,還是十年前做「喇沙仔」的時侯





跟妳總算接近過,但我還是享受與妳的距離感!有些東西總是「這麼遠,那麼近!」



無聊四圍蹓躂,竟然俾我發現一本名為「香港88」的大事回顧,隨手揭開就看到下面的圖片,給君如看,她只講了一個單字粗口,然後就推開唔肯睇,所以我無法追索相片出處...






時光飛逝,十年,二十年一轉眼就成過去,但其實我們又跟十年前、二十年前有幾大分別?
「年月變但我未變!」 是幸福還是悲哀呢?

7.09.2008

放心``


好怕選擇,找到一個完全信任的人,所有決定都交晒俾佢!其實我寫書都係為左搵佢影相,我地從不溝通,亦沒有研究如何合作,我交出她就會拍下,就算出錯了,佢都會在過程中修正好!然後所有決定,就交晒俾佢,我只負責飲飲食食....

我同阿ANN都係過歐洲人生活,但我係倫敦人,佢係柏林人,我節奏係快佢兩倍,但呢個都唔係最大問題,同佢合作,你要預佢失驚無神揀揀下相彈起身 「死!我買漏左野!」













人家說攝影師乃藝術家,行徑異於常人,這我一早知道,但怪到揀揀下相要去幫家人買胸圍,我真係第一次見!









搞左大半日,佢終於肯坐低幫我揀相`~




雖然我已經等到好眼訓,但佢一肯做,三十分鐘內已經揀好最適合的相片,有妳我就「放心晒!」

7.08.2008

底睇



以前還跟家人住的時侯,每每在寫稿的日子裡,總會聽到媽媽無奈地說 「你一開工就搞到家不似家!」,檯面放滿紙章、雜物、書本、零食、垃圾、煙頭(未戒煙前),情況有時會蔓延到床上,而應該放在床上的枕頭、被單,卻在家裡每處出現,梳化、廁所、露台、大廳.....再加上我會幾日才沖涼,洗頭,剃鬚,如此環境加如此造型,同街上的露宿者無甚分別!

現在自己住,一切都逆轉,無逢要創作的時侯,我會一日拖四次地,吸五次塵,三個鐘就剃一次鬚,早午晚臨訓,起身後都會沖涼,每次沖至小一個鐘,有時更會洗衫,燙衫,最過份試過煮三菜一湯,炒埋飯...目的都係唔想返去書檯到工作! 直至到遲無可再遲然後再遲之後,才肯咬實牙關一股作氣直衝到底!這個過程絕對是傳說中的比死更難受!然後還要面對其他無窮無盡的壓力,我估減壓最佳方法就是降低期望及做其他工作分散注意力,所以我知今年經濟差左好多,但我本新書仲加左價,我估都幾難破到舊年成積,但我只係想保持到上年成績就心滿意足,所以希望舊年撐過我,今年繼續撐!唔撐我都唔今撐我落地,謝!咁我安心開始其他工作~`

好快!兩星期後就見面,會繼續更新書資料,現在俾個封底大家睇睇先!今年本書好「爆」!

7.07.2008

水退



感謝各位無限的創意,上榜人兄人姐請EMAIL給我,等收野~`

HAPPY FRIDAY,水浸眼眉,LETS CELEBRATE.~ (Chrixcape),每局都光怪陸離(YMAN),ITS MY TIME TO DOMINATE!(happy)話咁快又黎到blue Monday....(sugar19sugar)闊佬懶理 超記鹵味!!!(dear d)

做完野一齊聽「WAWAWA打到黎~~」

7.04.2008

繼續水浸眼眉




第一個估中的CANDY請EMAIL我!橫豎我都就沒頂,玩得咁開心,繼續...
HAPPY FRIDAY,水浸眼眉....請對落去~~對得好又登出繼續有獎! 高高高~`


HAPPY FRIDAY,水浸眼眉,LETS CELEBRATE.~ (Chrixcape),每局都光怪陸離(YMAN),ITS MY TIME TO DOMINATE!(happy)

繼續努力~~

7.03.2008

猜猜螃




在這個杯內的男孩,猜一個四字形容詞,貼士:我的情況




再睇清楚d,最早估中,我送一份lam2禮俾你,就算你身在海外,我都留住份禮物,等你返來取! 高高高``

7.02.2008

傑仔~~



很久很久沒有一個噩夢,令我「傑仔」式驚醒!噩夢裡我被判收監,找不到劉律師救援,所有親朋都沒有出現,那種孤立無援,被困在漆黑的驚恐,像有一百個壯漢正擁上前雞姦我,逼我幫他們口交!那一刻我自責為何要抗拒「逃」,一集也不肯看,否則現在還有機會逃獄...此時,黑暗中傳來監倉閘門打開發出的「吱吱」聲,我即是撲起身,跑向光明!我碰到很多我認識的親朋,但他們全部都跟跑相反方向,我轉身朝他們方向而往,他們又旋即轉身,逆方向而往,越跑越遠,捨我而去!我感到傍惶無助。欲大叫又發不到聲音!

我就是這樣地驚醒,然後無法再入睡,工作又沒有精力,於是我終於開始睇「逃」 !竟然好快我再睡番!好羅!又搵到粒「有機無糖安眠藥」,可以睡得好d~`