5.12.2006

精英大師


一年前唔夠,全港有邊個唔識「精英大師」,有邊個唔支持「精英大師」,十七連勝打破世界紀錄為港增光!時代雜誌選為一百個風雲人物其中一位,作為一隻馬,佢都算威盡!不過可能佢真係威盡左,自日本遠怔後,其健康,狀態一直無法回復馬王級水準,直至上星期再出賽,被捧成大熱門,但慘敗而回,前幾天更收到消息
,發現「精英大師」前肢動作僵硬緊促,一對前蹄球節腫脹。即是話精英大師再出賽都唔知係幾時,唔好講幾時會再贏!呢幾日,已係不同網上面及其他地方聽見「叫佢番歸啦....」、「唔跑得上場唔好出啦,輸死人咩..」之類難聽評語!
我一點也不驚訝!打從「精英大師」連勝十七次那天開始,我就知道佢會有如廝下場,世上並沒有不敗之師,在未敗前引退,就可以得到永遠的勝利,但又會換來閒言閒語謂怕輸唔敢再跑,要做皇者就要付出代價!
香港是一個「來得快 走得更快」的地方,所有時興東西,包括偶像崇拜,今日愛到死,聽日趕佢地出屋企,因為唔興了!因為「精英大師」唔紅了,大家便回復本性!不許人間見白頭!
若能在適當時侯「放下」,便是真正的勝利者!
可以承擔得起失敗,勇於接受挑戰,也是值得尊重的強者!

3 comments:

Anonymous said...

唔﹐自古英雄如名將﹐所以我信有神
人是微不足道﹐到走的一日﹐我們得到甚麼﹖我曾經很困惑。。。人會說﹐我活得精彩過。但精彩“過”﹐又不是永恆﹗﹗sorry, 不是想在傳教﹐只是有感﹐討論討論。

Anonymous said...

想眼光好,首先無近視
http://www.shimizu.gr.jp/lasikl.wmv

Anonymous said...

來得快去得更快, 不嬲都係香港嘅特色... 我好認同呀...

而家都好呀, {精英大師}可以喺呢個時候引退都係一件好事, 起碼都曾經光輝過...唔使等之後跑咗好多唔好嘅戰績先嚟引退...

尋晚聽你個節目好warm呀, 搞到我都喊埋一份~~