12.31.2006

4seasons




無法再upload其他相,單單這一幅,已花了我五個多小時.....

人生是由季節組成,今個季節失收,只要肯守侯,總會有豐收的一天,共勉之!

percy、angela、eric、家盛、hilda、ken、carrie、charlotte、fred、queenie,see you all in next SEASON~~`

to all my 老友,大家咁話~`! 下年見!

12.26.2006

M.I.S.S




MISS這個字很有趣,一般情況下,Miss是小姐的專稱,又可解作錯失,亦可解作想念....

『我MISS左同MISS X 見面機會,我而家好MISS佢...』

一句說話,三個MISS,分演不同角色,小一個MISS,事情就不會發生,無錯過,就不會想念,無MISS X出現過,就不會因錯過而想念.....

你有無試過因為自己太「純」,不敢向喜歡的人表白,白白MISS左一個同MISS乜乜發展的機會,自己只好繼續日又miss,夜又miss佢;有D人,機會一miss左就要等好耐,怎至再無機會,所以趕快「行動」 『MISSION』啦!miss左D「純」去,坦誠同人家表白,唔好再扮野係度等人問有冇MISS佢時,你就答「有時啦~~」
有時掛住你即係「MISS U SOMETIMES!」 咁即係M.U.S.T 啦! 不如坦白同對方講聲「我曼聯!」 好掛住你!有時你以為對方 明白你做的一切,可惜對方往往MISsUNDERSTAND!

miss HK係香港小姐,並唔係掛住香港,表錯情好鬼尷.....講白d穩陣好多!

然後到第六十個掛念日當天,去MISS SIXTY 買份禮送給對方,又或者送俾自己做個紀念,不過揀左係果件就果件,唔好羅錯,否則就會變成MISsTAKE,亦都會miss lead你地發展!對一個你miss人,除左要miss左d純,仲要add另一個唇!action啦!

MISS U MUCH MUM

12.24.2006

大家咁話




客氣野唔駛講 ,你想講乜,我講乜,大家咁話!玩得開心但要自律,咁就為之完美狂歡!



至所有黑咭會員,娜娜子、清卡啤娜、pvc、scarred v、賀少、jer先生、macau lucia、小朱飛刀、pessimist、bo、percy、sugar19sugar、lemonsheep(我唔可以日日睇你blog,會肥死)、qt芝士、silverbell......我地唔駛講野!CHEERS~~`

今天應該很高興


我無乜大節狂歡慨念,我要狂歡,是因為我心情,不是因為某個節日。大節對我黎講,是與一些很久不見的朋友聚聚的好機會....


阿立,阿山,很久不見了,慨嘆從前拍戲朝見晚見,現在要約飲茶先碰到面,不是大家都忙,是大家都無工開,邊有心機飲茶!不敢奢望明年香港電影市道會好轉,只希望仍以這份工作養活一家幾口的,可以繼續有工開,糊到口~``



飲飽食醉,夕陽西下,風開始冷, 身體比我更瑟縮的, 是遠處一位身穿婚紗的少女,比我個樣更悶,是一位新郎打扮的廿零歲男子....








我堅信他們只是為雜誌拍照,如果不是為了工作,節日前夕,尖沙嘴碼頭,十幾度天氣當街影婚紗相做show,提出果個,一定是為了驗証對方有幾愛自己,對方肯做,只是因為對方傻。
或者有人總會認為這是很浪漫,對方肯為自己做這些事,才算偉大,我也認同,很多偉大的行為,與傻人行徑雷同!
驗証對方是否愛妳,並不是靠繁文縟節,婚紗背後,只不過是另一場馬騮戲,當然有人喜歡睇,所以有人喜歡做......

我其實並不喜歡看,因為總會忍唆不禁,還是轉身同阿立打番場友誼乒乓波好過~~`

12.22.2006

何解



李小姐在搞乜?












原來在打機
子華,你究竟做緊乜?真係令人費解.....



希望這並不是新興的SM玩意,就算係都一定經過好長期訓練,大家千萬唔好模仿,唔係過節流流,火燒後欄就唔好~~`

12.20.2006

M without Hat








一直以來,我戴帽都係「超低能,勁搞笑」,呢帽算係我一生戴帽影得最好睇的一幅,所以唔介意俾塊肥dum面大家睇,因為呢幅已經係最最好睇的一次!

12.19.2006

無人分享



從前一個節目好唔好睇,簡單就係睇收視率,現在,尤其在這個「目標觀眾係晒度」的頻道,雖然日日重播,但全港得十份一人有cable,睇唔到就睇唔到。

父子 下廚


朋友告之,節目應該無乜人有興趣,因為網上的新聞組,無人BT,無人DI,甚至提出有冇人可以放上去,都無回應!

我應該慶幸嗎?

SIGH~~``

12.17.2006

Block Me



我MSN上的朋友不多,on list都係黑咭會員,會規專制,我一不滿就block左人,所以成日同朋友chat時會有句口頭禪「係咪想我block左你呀?!」

今朝我收到一個朋友的mgn「please block me from your msn list」 我問點解,一直無回覆,終於我尊重對方意願...但進行過程原來好痛苦,似唔知犯左咩死罪,仲要自刎....那日我block人,今日自己block 自己,有因必有果,block得人多,總有報應,仲好應添~``

Desperate House Wine







在匈牙利遊wine museum買了這支白酒,原本是因為試飲後,覺得岩飲,想買來在匈牙利最後一晚晚膳時大家飲用,但想像和現實永遠是相反,當以為工作完畢後,大家會盡情暢飲時,才發現收工第一時間回酒店休息,才是最熱切想做的事。

回到房間,我與她對望,通常是酒精令人會說出『Take Me to ur Home please~`』,想不到那個晚上,是一瓶酒向一個完全清醒的人提出這個要求!

我不是FIR的迷,但那一刻,我緊握著她修長,結實的脖子,就只得「我們的愛...」這首歌曲迴旋在我心坎裡....於是我與她攜手由布達佩斯飛往倫敦......

『This country looks like one big car park,The winters are so very long.....』

當時希斯路機場正受恐佈襲擊影響,行李運送非常緊張,能夠帶她入境,絕非輕易,與她千辛萬苦才上到subway
『You & Me were just two CREATURES on the Run~~``』

本來打算在倫敦跟朋友開這支酒,但朋友並非好酒之人,飲邊支其實無分別,終於我在餐館開了另一支house wine,而他們跟本毫不在意。
我抱著她,我們也很珍惜對方,好像我跟誰分享她,已經是我跟她的事。我並不想自己變成一個戀物狂,所以我決定把「她」與一個快將生日的人分享.....

很可惜,朋友生日前一星期,我們鬧番,雖然現在已經和好,但過左氣,無左mood,分享她的人選已不是這位朋友....當時是十月尾,我跟她已相處了兩個月,朝夕共對,情愫漸生~``

朋友滿月唔適合飲
全家人食飯唔夠飲
朋友帶酒party,眼見個個開完樽酒,有七成倒瀉,三成打爛,唔值得咁飲

唔捨得飲到開始驚打爛,變壞,開始為她覓居所,開始緊張過養七哥....終於在昨晚,一個嚴寒的寂寞工作夜,我需要一些酒精取暖,我竟然再遇到她....

見她倚欄獨憔悴,流落異鄉,責任又未完,幽怨而變成Desperate House Wine,是可以理解的。應該大放光芒的東西,卻困在死角裡,無人理會,跟被冷落閨中的Desperate Housewives遭遇一樣,但變成wine唔輪到她選擇,做唔做housewive,絕對是妳自己決定!

我把她帶到另一個地方居住,那是一個老人區,有五六位年過三十的佳釀,她聽罷這班老前輩的故事,才發現自己是多渺小,在世上一兩個年頭,就如斯難堪,看看那位年華三十有多,流落個多個地方的蘇格蘭威士忌,又或者只懂日語的陳年日本米酒,每年在佳節前,總會聽見有人說「大時大節就開左黎飲」 但年又復年,他們仍然訖立不倒....
物件存在是為了一個目的,佳釀最重要的目的,可能並不是要來飲,是歷史見證,見證你的成長,見證你的情義,見證你跟她的愛情,是漫長的,不是那些來去匆匆,打開樽塞,一喝而盡,頭也不回,無after taste的下三流貨色...

她想通了,我亦終於放低應該跟誰分享她,她已成為見證我的
『Distinctive House Wine 』

12.14.2006

Not My Day



久不久就有一日係咁,諸事不順,無名火起,問題越要解決,就衍生更多其他的問題!

向今天受過我氣的人,說聲對不起~~`

12.13.2006

齊學擺鋪



我認識的明星中,擺鋪皇一定是吳鎮宇,挺胸收腹,雙手輕插褲袋,側身回首,堅定凌勵眼神,收緊的嘴唇,令面頰更感嶙峋,更有男人味!觀眾的目光是他的收視率,閃光燈是加冕的光環。

大家就試下跟以上程序,對鏡做一次,如果你做足但唔嘔,仲覺得自己有型,你咪以為咁就可以挑戰擺鋪皇地位,做一次梗係易,你試下一年三百六十五日,都處於呢個狀態,仲日日都唔嘔,仍然覺得自己型,咁你就有可能係新一代鋪皇。

扮型擺鋪並不是最難,最難是影硬照,但主題係搞笑,又或者係開心d、熱鬧d...個攝影師會不停同你講
「開心d、好笑d、得意d、搞笑d、趣怪d、鬼馬d、搞鬼d、賤格d、衰鬼d、淫dd、黑人憎d、慘樣d......」

大家又試下跟以上程序,對鏡做一次,不過限時三十秒,仲要每個表情做三款不同,如果你試過覺得自己得,咁你入到複賽,請你在眾目睽睽下,重新做一次,限時三十秒,但如果做完一次,圍觀的板口板面,一d都唔想笑,請你再做多次,因為何為收貨,就係要聽到有人笑,同好興奮話「咁咪好笑羅!」

但每一次聽到呢句,心裡面都會覺時好難受,原來自己最唔喜歡的表情,是人家最開心的東西!

扮型難,扮好笑更難,乜都唔扮仲難

「自然d...放鬆d..做番自己得架喇!」

越想自然就越唔自然,越想放鬆就越緊張,迷茫究竟自己係點,最後就會換黎一句 「你表情好生硬!」

三樣都難,做到其中一樣都好叻,如果你試完,做到晒三樣,記住留低個聯略俾我,我要我向你拜師!

12.12.2006

RM





國聯酒店,united hotel,聽講話全國第一間簡約主義的hip hotel,但係部電視唔係上牆LCD,已經Hip極有限啦,周未八舊水一晚,是否值得?真係見仁見智







北投春天酒店,我覺得,有私人浴池,我覺得休息一流,不過呢個係四人房,我一個人住,梗係舒服啦。所以我唔敢推介俾大家~~`

溫泉水加溫泉腿

溫泉水加溫泉腿,會唔會變成洗腳水

未試過按腳咁樣浸腳,好似將對腿放落公廁d鋼屎格,跟住個技師仲要戴住膠手套同我按腳,好似戴住紅A膠手套d阿嬸洗碗咁,怪怪怪~~`





之後我對住呢煲野,無晒胃口~`` 慘慘慘~`

12.09.2006

出。走



捉我如果能~~``Hahahahaha

12.08.2006

邊個話唔得



有人話下面個女仔幅圖好唔掂!好HURT下!我灘叔會有唔掂的女,簡直係 彥仆實泡!為左証明,即刻SHOW個一定掂俾你睇下!

如果呢個都唔掂,咁....可能你...係講緊真話!HA~。`

12.07.2006

Unicode



下午開機load唔到個畫面,求助前blog長Angela之後,就變成而家咁,跟住會點我都唔知,或者等angela訓醒會搞架,暫時用unicode睇住先啦,不好意思~。`



在《八十年代訪談錄》的封底,武打巨星羅烈對八十年代的「關鍵詞」是:激情、貧窮、反叛、浪漫、理想主義。

我也是屬於八十年代的,充滿希望的年代,是因為我們都窮,我們不滿現狀,有活力,有熱情追尋理想,這個是一個浪漫的年代!

我在想,九十年代的關鍵詞又是什麼呢?

風花雪月、遍地黃金、逃、浮誇、滑落、過渡、迷、回、完了..還未開始....

來到新世紀,「關鍵詞」 應該是: 泛濫、人造、懸殊、負面、批判....

還有什麼?你是屬於那個年代?你的年代還有什麼關建詞?請你在空白的當言上填上

12.06.2006

四眼。龜




好可惜,你們的生活模式跟七哥完全相反,無能力同精力再置多個家俾你地,帶唔到你番屋企了,不過你地真係好可愛!

btw,我細個好憎人叫我『四眼龜』,不過呢幅相,除左呢個名,無其他比佢更貼切~~`

12.05.2006

去左邊



自從你搬左之後,一直無辦法搵到你個新地址,打電話去check又話無左登記,當然係可能個operator唔識打個「攤」字,所以搵唔到啦,因為d員工確實係俾到個電話號碼我喎<27109953>,唔知地址自己打上去問

我就無心插柳下,撞到呢個大招牌,就好似見到咁間夜總會,即刻想入去捧某位小姐場一樣!


個新場相當麻麻,又細又暗,d小姐..sorry!d貓又小左好多,我專程上黎捧阿 mini 場,唔見左?!無番工?!原來係轉左場!
個場一分三,分別係尖沙嘴同深井開多兩間,開分店但係唔請新小姐,搞到個場冷冷清清,我希望大家幫我同佢老闆講多句,請番多d唔同種類小姐黎啦!

家下真係得小貓三兩隻!


所以今次黎,只可以同幼齒玩!









又即本得閒 睇埋另外兩間分店,都係咁景象,一定要搵個老闆出黎傾下!

mini i miss u so much~~`