5.13.2006

世界杯夢碎


仲有三個星期,就知道朗尼究竟有冇上屆碧咸咁好運,奇蹟地出席到世界杯決賽周!不過我就已經肯定今屆出席世界杯的夢碎了!
舅父在上次外婆生日時,曾邀請我跟他兩父子一齊到德國睇其中一場,去睇世界杯已經一直係我得個講字的心願,邀請我的竟然是舅父,真係開心到癲!點解咁癲?!
舅父係成長中我最敬畏,欣賞的一個長輩;小時侯,舅父係我眼中,是一個高大威武,果斷,小說話多做事的「男人」,好MAN!真係好MAN!佢鐘意踢波,我就去學踢波,我的第一對「波砵」,就係舅父送給我,我第一場去大球場睇的賽事,亦都係佢帶我去,我好記得,總督杯決賽「市政對精工」,然後我每星期日都會走到外婆家,如果舅父心情好又有時間,就會帶我過海去大球場睇波,回程時到中環撘船回到美乎,在船上還可以吃一碗「餐蛋麵」!
舅父結婚後,要照顧家庭,已再沒有跟他一起去睇波,到八十年代尾,佢舉家移民加拿大,我們聯略小了,但我一直留意著舅父的消息,知道在加拿大的日子捱得好辛苦,又要兩邊飛,有傳舅父患上抑鬱症,孰真孰假熟不再重要,現在看見他談笑風生,過去的都捱去了...轉眼間,表妹、表弟已成人,舅父、舅母亦開始鬆下來,可以把臂回北京睇「阿RAIN演唱會」(真係SWEEEEET...)仔大女大,早十年前無時間做的事,現在慢慢享受都未遲....舅父完全接受仔女大了後倒會離開,各散東西,所以襯表弟入大學前的暑假,計劃約埋我一齊去睇波(所以你話對我幾重要),但今日收到佢電話,可能係三十幾年來第一次,佢話要過去大屋搬細屋,因為表妹要離家到多倫多工作,舅母將回港跟舅父住,所以只剩下表弟一人自住!搞完搬屋都完世界杯!所以要下次!
欣賞舅父的責任心,更加欣賞佢的人生態度,從未想過養大仔女後,要他們供養
「責任完左,就各散東西架喇!」
「你捨得咩?」
「唔捨得梗硬留佢地係身邊,咪盞搞到不歡而散,佢係會見你就見架喇!無得逼!」
相信遲下再約舅父睇波會易好多了,不過可能舅母會跟埋黎,無所謂啦,一齊去囉,但我唔會陪番你地睇阿RAIN架!

3 comments:

Anonymous said...

唔怪得之你咁鍾意睇波, 完來受你舅父影響... 雖然我唔睇波, 但希望你支持嘅球隊可以得勝!!!

Anonymous said...

your uncle is so funny, went to rain's concert! Your family is very warm!

unkle beach said...

唔駛比啦!俾妳再揀,都一定係嫁俾阿rain架喇!

hahahaha