2.28.2007

珍而重之




其實幾怕收禮物,尤其是那些過時過節,生日收的禮物,有八成以上都其實唔鍾意,但為顧人家感受,繼續要交出影帝級數的演技 『嘩~`你係邊度搵架,我想買好耐架喇~~』 『你點知我想要呢樣野架?』
而更加煩厭的是那些因工作上收到的禮物,寫那一封回謝的EMAIL,比完成一個劇本更艱難,例如收到一個化妝師的手繪畫,我要番睇那化妝師的所有歷史,就是為了回email時,可以對那手繪畫有真實的讚美、尊重....然後等到對方再回email,問我有冇興趣用他們的化妝品,如果我真係用,又要研究d化妝品?!

所以有時我會好串(我估一直都給人這感覺)「多謝喇,我估份禮物唔係咁岩我,不如唔好浪費,轉贈俾第個丫!」
但有些人送給我的東西,我是會珍而重之的

舊年黃偉文送他的作回「潮騷」給我,這本書並不難買,但從他親手收到,那種幸運加幸福感而形成的震撼,簡單來說就是心情忐忑,是需要交戲來平伏的;我沉實冷俊,嘴角一戚,好淡地回左一聲「多謝!」,然後我揭開書,見黃生在上面寫了一段文字,我登時把書收好,一直唔捨得打開來看,文字有價,仲要係黃偉文私人寫俾你,真係大時大節先捨得羅小小出黎睇下,於是我珍而重之收埋本書係一個之後我都搵唔番地方,我試過飲醉酒,爭小小就send左個SMS俾黃生,問佢其實寫左乜,好彩呢個世界真係有酒醉都有三分醒,唔係如果真係send左去問佢,後果難以想像...
恨都無用,你唔緊佢,佢就會死番出黎,有次我見個家務助理幫我執房,我有副舊麻雀唔要,助理照單全收,「sir~`a book inside~~`」 我終於搵番你喇,我忍唔住第一時間打開本書,就係個助理洗緊馬桶時,我知道裡面寫什麼了~~~


『鄒海灘,這是前四後六年的生日禮物,唔好話我無送呀!』

『車~~`』

唔駛交戲真係好,我可以車得好大聲!




















林公子第一次做「是旦up,發花癲」時請假晴朗,亦都是我做替工的原因,事後佢竟然送左張感謝咭俾我,雖然基本上全電台同事都有,但能夠成為其中被重視的一員,而所為他做過的東西其實有限,所以我是受寵若驚的,但更震撼的是他寫給我的東西,同圈但不相識,原來人家一直有留意你的作品,簡單幾句便知道他是一個外冷內熱的人......

張咭我又再珍而重之地收藏好,今次我唔怕搵唔番,那幾句已永遠埋藏腦裡面,多晒~``
















如果你收到朋友給你的其中一頁日記,係同性,內容當然關你事,你會咩反應?



日記是一九八九年十月二十二日,內容大致是我這位賢弟,罵日記的主人翁沒出息.....但在我的記憶中,我只記得他來找我借五十圓,到現在仍未清還.....日記內還夾著一封信,最後一句是
「當日我的頭垂得很低!」

現在看從前,我並不知道是否這一次令到這位朋友奮發向上,最後成為御用大律師,我只肯定記得,對方仍然欠我五十圓未還,如果有日對方終於肯清還,我會照樣把這五十圓,聯同這頁日記與那封信,珍而重之收在一個永遠搵唔番的地方。

忘記了的東西,不是記性差的問題,只是那樣東西其實未夠資格成為腦裡面的黑咭會員~`

2.25.2007

出發



一九七八年的十一月二十一日,百惠的第二十四张single出版《在晴朗的一天出发》

一九八三年,陳潔靈改編重唱《無言地等》

一九九三年,林海峰、彭羚,商台鏖播劇《在晴朗的一天出发》

二零零四年十月二號,林海峰、吳君如、杜汶澤、盧覓雪,《在晴朗的一天出发》首播

二零零五年九月,鄒凱光以替工形式,與林海峰、杜汶澤、盧覓雪主持《在晴朗的一天出发》

二零零七年二月二十六日,鄒凱光正式加入,與林海峰、盧覓雪主持全新七至十《在晴朗的一天出发》

2.24.2007

初七人都癲日




我知今日係初七




我知今日係人日



我知呢d日子係要舞龍舞獅



我知你地都係打工,我知你地舞得好辛苦,我知樓上唔裝修已經係恩賜左我





但你知我下星期番早,難得再可以訓晏d嗎?!家下十二點唔夠就摷醒左我,咁我應該做乜?!仲要家下我醒晒,你地就收檔...





咪走呀!你地賠番個我個訓俾我呀~~`

韋婷貨騷啷



在黃偉文After Ten的演唱會上面,阿Y大概是這樣介紹Amanda出場

曾經我地一班朋友望住佢到達百德新街,再穿過糖街,但當我地到走過維園之後,回頭望住佢,發現佢仍然係銅鑼灣,大家不無慨嘆,講左一句 「下一站。天后」

當時我聽完呢番話,再聽住佢唱「站在大元前,細心看看我的路....」,我默然點著頭,似是回應阿Y的話。

再講多次,唱得唔唱,同有身材唔著比堅尼一樣,都係暴殄天物







其實我無咩幫到手,我出現最主要都係表示支持,同埋証明大家的苦等是值得的!






這就是我所說的二人企立式唱K房










我覺得型號絕對是 『on99』

2.22.2007

你好嗎?



「我很好~`」

向外婆拜年時,我問她「外婆妳話我係 溜溜廢廢,定 榮華富貴 ?」,外婆第一時間回答我 「阿光唔富貴,淨係溜廢!」 「喂!妳其實係咪想話淨係富貴,唔溜廢 呀?」 外婆答案竟然係 「...我都幫你唔到羅!」

新正頭,妳唔係咁講野呀~``



妳好嗎?我很好~~

君如個女好似阿媽,好活躍,好多表情,完全唔似同齡的 嬰兒。多謝呢封咁「掂」的利事,祝一切安好~`

2.16.2007

一口氣




成長後,我只是試過一次年三十晚去行花市,仲要去維園,果次真係沒齒難忘!

話說當年有個英國外藉朋友,專程到港感受中國人新年的氣氛,我作為一個香港中國人,當然要盡陀地之儀,就因為咁,九九年農曆新年除夕,我第一次感受到中國同胞在打仗走難時的痛苦!

地點是維園年宵花市,時間是晚上十點(現在寫這個地點與時間仍有點餘悸),由離開地鐵車廂到銅鑼灣地面用了四十五分鐘時間,甫出地面,我的英國朋友已經說不適 「agoraphobia」,但前無去路,後有追兵
「What can We do?」

我叫朋友向天望,放鬆呼吸,但那種會被人群淹沒的感受,像倒數死亡的來臨,極恐佈!我捉住朋友發冰冷的手,我同佢講「唔駛驚,一口氣..衝出去!」,情急的我,也忘記他是外國人,但當我醒覺自己在說中文之際,我竟然看見他,深深的吸下一口氣,緊握著我的手,與我排眾而前,已經忘記走到多久,只記得終於發現遠離人群時,我與朋友都呼了一口很長的氣!

「一口氣完成一件事,是為了儘快可以......鬆一口氣」





自那此之後,花市我只會在開市的頭一兩天去行個圈,買些花回家放。近年花市主打「吹氣玩具」,但今年產品只是一般,那些Cutter、鐘樓等等,都不及回家發現仍屹立不倒的「石油氣樽」吸引。




上年有世貿事件,所以出產了這個「樽」,我其實不太喜歡吹氣東西,包括公仔,我怕看到它們一沒有空氣支撐,就一厥不振,貼在爛泥上,無法站起的樣子,雖然我知道跟本不是它們問題,是製造它們的父母急功,只求數量,不求質量,反正都預大家玩完就算,無人會保存,容易損壞,你掟得大條道理,安心舒服。


而它是我遇過最強勁的吹氣東西,自舊年給它泵過一次氣後,經歷一年的風吹雨打,衝力小孩們的撞擊,它依然屹立不倒!

就憑一口氣!



憑一口氣,我們可以撐到最後最底,我們可以衝破最困阻的局面,驕傲地呼出最後勝利的氣息!這一口氣更是我們的態度,堅持,力量!

就算你中途不慎洩了氣,放了氣但不要放棄,你要為自己打氣!到最後是黯然嘆氣,定係做出一場好戲,就看這你「一口氣」又幾好氣!我都講到無氣,祝大家新春贏輸都唔會勞氣,情人互相調戲,家人一團和氣,敵人放下武器,唔會被幸運之神嫌棄,個個都好有氣福! 恭喜~``

2.15.2007

桃花依舊笑七....



一隻龜要大定先睇到佢真正性別,條尾越幼,尾上面的「silverlone」越近龜殼,就係女。



對唔住!

我唔可以放相証明俾大家睇,因為佢係女仔,唔可以咁暴露於人前!總之對唔住,佢唔應該叫七仔!

但我實在無辦法改口叫七女,登時令佢真係「七」 晒!以後妳就咁叫阿七,七巧個七,七夕個七!



家長引導如果錯誤,會直接影響兒女性取向,為左盡快拗番直阿七,呢個桃花依舊扭七陣,希望可以幫到阿七搵番自己個ID。

其實一隻同性戀龜都幾型,外國叻到盡都係「忍者龜」,我香港有全世界第一隻「TB龜」,Her name is

T.B.SEVEN

2.13.2007

555555

2.11.2007

Chestnut in Love


從前我是瘋狂喜愛吃栗子的,現在不是不愛,而是不會再瘋狂迷戀一樣東西,愛得深就會恨得深,難以歷久常新。我曾經同好朋友講過,我死後回魂的晚上,一定要有的食物,其中一樣就是栗子,要死了之後還愛它,就要好好保養,不要讓激情的火焰把理應細水長流的感情線焚毀。





從前,栗子是其中一樣「節令性」的食品,有栗子食就代表秋冬來了,秋冬正是戀愛的季節,年輕時總憧憬著,在寒冬之中,與情人瑟縮在一角,把雙方的面貼落載著栗子的紙袋取暖,然後我突然把紙袋放下,我們的臉就貼在一起了.....她推開我後,我努力地,手口並用,務求要除殼後,可以把完完整整的一粒愛心栗子獻上,情人甜蜜過,拿出濕紙巾,一絲不苟地清潔我手指頭上的炭屎漬,然後別扭地說 『手咁污漕唔好掂我!』
之後答什麼,適隨尊便,而我一定會咁答 『咁而家隻手乾淨晒,我可以掂你邊度先?』




在juliet in love內,本來栗子是男女主角發展的重要道具,如果大家有機再番看,留意吳鎮宇與劉以達在小巴內對話時,鎮宇看到車外,君如正在買栗子吃...

原先劇情是這樣....鎮宇正趕入元朗拯救被黑幫脅持的阿達女友,亦即是他的契妹,花了二百多圓的士錢來到,才發現二人已安全脫險,鎮宇為之氣結,坐小巴回去,與君如第一次遇上,就是在小巴站外的栗子檔,已經滿肚火的鎮宇,竟被君如手快買了最後一包栗子,鎮宇火上加油!上到小巴後,鎮宇坐在最後,而君如坐在最前,車開著,君如一直沒有回頭望鎮宇,不久後,一粒栗子慢慢從車頭位置滾到仍然氣憤難平的鎮宇腳旁邊,鎮宇拿起栗子,剝殼把安吃下,此時,另一粒又滾到,鎮宇取之又吃,然後下一粒又到,當鎮宇狐疑著,君如此舉是否在媾自己之際,方才發現原來君載栗子的紙袋穿了,此時,袋的底部份完全裂開,所有栗子向後滾過去,千兵萬馬,沙塵滾滾...
鎮宇慌忙替君如執栗子,最後有一粒攝了入罅隙,鎮宇不忿氣,但最終仍然無辦法把它取出來,此時,君如亦要下車,鎮宇襯機向君如撘訕
『喂!爭住妳一粒,一定會還!』

想不到這個承諾,到鎮宇死之前,仍沒有履行,君如如常上班,走到小巴站,發現栗子檔已不在,上到車上,驀然發現坐著當日鎮宇的位置,車開著,君如憶念鎮宇,想起他說 『喂!爭住妳一粒,一定會還!』之際,一粒栗子不知從那裡滾到君如跟前,君如茫然四顧,覺得他就在身邊......





我唔知同全球暖化有無關係,從前四季分明,有西瓜吃就是夏天,吃雪梨的時侯,總是黃色火災危險警告訊號,因為秋天總是風高物燥,有栗子、打邊爐、飲熱維他奶、食煲仔飯只會在冬日才會出現,今時今日,以上所有東西,你一年四季有邊時食唔到...

我們再難靠一種食物而喚醒我們,什麼季節已經蒞臨,但每種不同的食物,總有「令」你想起一些故事,到現在,我每次食栗子,仍然會想起童年時的憧憬,沒有拍到的那個情節....
如果每一樣食物,都會「令」我們想起一些人與事,我最不想見到的是「炸雞翼」,我最怕就是這東西,偏偏在飲醉後就食最多,因為無得揀!
「炸雞翼」總令我想起很多飢不擇食的故事~`

2.08.2007

收集型仔



商台無野多,後生仔最多(女就都係得阿E同阿WING)仲要件件都唔錯,阿MING、阿郁、阿金係我認為最好三件!

至於陳強,我覺得你企係阿MING身邊,都係SELL才華好D

阿MING家下都未收BABY FAT,個人內外都仲未夠SOLID,係唔係好夠高,不過俾佢過多幾年,又肯充實自己的話,萬人迷是也,最緊要呢個MOMENT佢仲係直!

有冇D似壓縮左 木村








呢位商台洪天明,地道香港仔,陽光少年,活力充沛,我其實識左阿金六七年,但點解佢而家仲係二十幾歲!



仲有過癮阿郁,好火豪子,好實幹的阿BU,充滿動力的一班新血,努力呀!下一代就到你地接捧,如果地球仲未毀減的話!

如果你覺得佢地唔夠型,又者你識d更型人,留幅相落我image station cool guy 內睇睇.~~`


http://www.imagestation.com/members/unklebeach

寫乜揮春




做演藝呢行,尤其是近年,放假的時間,總比開工多,所以好怕比人問
「最近搞緊乜?」
「休息緊」 「job都唔想接,咪放下假先羅」

為何不可以直接回答 「我無野做,無工開!」

因為每當我這樣回答,對方一定報以一個難以置信的面容「你點會無野做呀?」

已經無工開,還要費唇舌向你解釋嗎?!於是我在無工開的日子,已經度定幾句袋住傍身。

「家下搞緊咩呀?」 「家下搞緊肚,好想ALLS!」

「呢排有咩做緊?」 「做物弄人!」

如果問我「呢排寫緊乜?」,我就一定答

『寫緊揮春!』

有次我遇到個高手,我答完「寫緊揮春」,佢即刻再問 「寫乜揮春」,我海灘並非旺旺仙貝,更絕不是泛泛之輩,我以零點零一秒極速回答高手

「小見瘟神」「多見旺人」

高手即時還以顏色「唸精學懶」 「搖頭輕嘆」

我無心對戰,所以好快就出絕招

「咁多人死」 「唔見你死」

我與高手惺惺相惜,相視而笑!

「地動山搖」「繼續無聊」



所以寫乜揮春,我一直係知架!但想不到今日我在這些英勇義士面前,竟然落得如斯下場

「後生仔,你想寫乜揮春?你講得架喇」

「唔該幫我寫「攤開黎講」丫」

「!?邊有人寫d咁野架?」 「你又話講就得?」

「都唔係寫d咁野架!」

然後義士諮詢身旁的另一位義士「佢話寫咩「攤開黎講」喎?」,那位義士聽罷即開腔
「唔會寫d咁野,揮春唔會寫埋d咁野!」 「咩咁野呀?」 「總之唔寫啦!」




做人最難開心見誠,因為攤開黎講之後,往往得不到所要,卻洩露了自己所想,得不到並不是最痛,讓人家知道你恨,才是在傷口上洒鹽!

但我仍然相信那個講到爛的說法,「試就五十巴仙機會,唔試就零機會」,今次義士認為「唔知我up乜春,所以唔肯幫我寫揮春!」,但終有一天,「灘開黎講」不但會成為新一代長壽揮春,銷量比「出入平安」多出幾百倍,「灘開黎講」更加會成為大家解開心鎖的百合匙!


BTW,如果大家要寫揮春,又會寫乜揮春呢?

2.07.2007

妙思淫一夜

如果你唔係外國番黎,係應該要去試一次,但睇d唔駛用腦,錯過左都無相干喜劇,呢部Night at the Museum應該可以做得到



我自己就嫌現場無乜佈置,係咪可以嘉年華feel多小小呢?黑到咁,相都影唔到幅,大家有機會去完,番黎話我知你感受, 我真係好想知!

2.05.2007

After Ten




投訴皇,咁又十年喇,清卡啤娜問了我一個問題 「你估十年後你會係點?」
「未諗到,不過會盡快諗,唔知死左未?」

睇番十年前,計劃未來十年,一來一回,二十年,人生要搵到個目標,已經用左二十年,達到果個目標仲唔知要幾耐,最後仲可能失敗,咁煩,不如算啦!我唔算,唔係代表我有毅力,有理想,只是人生太悶,無d野追求下,D時間真係好難過....所以真係要諗下十年後應該點!

2.04.2007

見好就收




今日是曾被稱為香港之光的前馬王 精英大師 最後一次出賽,看見牠尾二過終點時,我想起黃偉文舊年某夜在某不可能碰到他的夜店內的一番話,內容大致是他會在填詞方面減產,原因是「花無百日好」,再好的東西也有倒下來的一天。當時覺得很可惜,但今天看到牠的遭遇,如果有得揀,牠還想跑到今天,爛尾收場嗎?


相信黃偉文如果繼續寫,短期之內,他的詞仍然是首首佳作,但寫多一年又如何,寫多一千首又如何,繼續寫下去,終會有一天你聽得多,睇得憎了,無新鮮感時,如果你仲愛佢,你會心裡面不由自主地說了聲「咦~`開始唔得羅喎!」 如果你會開口說出來「嘩!家下佢唔掂啦,out晒!」無論是你無情,還是你愛恨分明,總之 「是旦啦,無野啦....你唔愛我喇」

既然如此,倒不如見好就收,你有權選擇唔買我,我早一步自己唔賣,你唔捨得我,總好過到頭來俾你捨棄!

「到你看我,就要錯過」

能夠在高處,毅然抽身下來,需要的智慧、膽量,所承受的壓力,往往令人臨門卻步!
「做得好地地咪繼續做羅」

你想要 穩定,但最令人不安的,可能就是安穩,我們懶惰,是因為不求突破,安於現狀,到一天大環境改變,方才發現自己生存的板斧沒有增值,悔當初不懂得居安思危。

人生如戲,起承轉合,沒月轉變,就沒有新發展,在每個美好的階段結束前離開,到第個地方再闖吧!放諸四海,感情亦一樣,有些人,有些感情,到某個位置就已知再沒有發展餘地,留住最美好時刻,見好就收,總比勉強發展到窮途沒路,最後要互相憎恨,才找到分開的理由,咁又何苦呢?

我害怕事情結束的一刻,所以去玩一定中段就走,燈膽用了差不多時日就會換,其實還有很多話想說,卻在這時收筆!

2.03.2007

黐底人



多謝美男余宜發俾呢個稱號我~``

2.02.2007

仍在意



我的量度已經比年輕時大,但有些東西,我仍然在意,應該是介意,例如仍然有人寫錯我個名,作為稱呼,當然是無所謂,但希望大家記住,鄒凱光是跟周海光不同的,仍然唔信,自去去睇下!

http://www.18job.com/226074/

2.01.2007