5.06.2006

假如讓佢錯下去




今日係太子「巴黎cafe」開會,如果「星巴克」認左第一,「巴黎cafe」一定係第二,香港、九龍,要搵到佢蹤影,易如反掌。論環境,呢度真係算OK,雜誌又多,當然收費比一般即貴啦,我地坐左六七個鐘,發現呢間d客路都幾多元化,十四五歲至三四十歲都有(當然三四十歲可能只係得我!)














我鐘意呢度,因為呢度好有特色,六七個鐘不停上錯飲料、食物,班so call 服務員(呢個term好大陸,但唔想叫佢地待應,因為...一陣講)真係keep到水準,KEEP住不停「錯」(大家話佢邊有資格叫做待應!同大陸果d一樣,錯晒!)咪以為呢樣勁,最勁係d飲料同食物,可以同一樣野,杯杯唔同味,碟碟唔同口感,正常情況,一間錯漏百出到咁o既cafe,脾氣好就埋單走,脾氣差就拍嘈佢..之後都係走!
但係我地又覺得當佢地錯成咁,不停錯單送上黎的食物,飲料變成RUNNING GAG,服務員變成我地循環再用o既調嬉對像(不論男或女),而飲到一杯好味飲料、食到一碟好味意粉,全是當日的超級福氣所致;所以當們食到那碟好味肉醬意粉,就好似開到枝最好年份紅酒一樣咁開心,一條條慢慢食,食一條就小一條....我們因而學懂了珍惜,感謝!
呢度簡直係樂土,一方面可以工作,另一方面可以開心笑,又可以測試當天運氣,仲可以有人撩,還可以見証時下上樓CAFE與年青人文化,如此這般的一個地方,仲唔係『樂土』
大家要好好珍惜呢遍樂土,要包容、寬恕,我仲會求神拜佛唔好執!唔係又要搵過另一間,好難架!

3 comments:

Anonymous said...

海灘先生..雖然我係太子好近..都未去過..成日就係經過..你講到咁樂土..都要搵機會去感受下

Anonymous said...

樓上cafe比我feeling水準係差D

Anonymous said...

冇錢去呀~~