5.30.2007

七陪



陪坐、陪寫、陪食、陪悶、陪錢、陪罪....



同埋陪.......

5.29.2007

進行中

5.27.2007

我的法蘭茜式崇拜




成長的年代,身邊人崇拜的,皆是日本偶像,中森明菜、近籐真彥、虎柿隊....唔想咁跟風,可以選擇順便學埋英文的英倫偶像,如DM、Duran Duran、Madoona、bananarama.....

年青人分三種,潮流興乜,我就跟乜,他們是「盲流」,盲目死跟潮流,另一種是「潮流由我創,創之不盡」,他們是「下流」,下意識製造出新潮流,等盲流去跟,跟到佢喘晒氣,而第三種是「風流」,我當然話我是屬於這一流啦,哈!但我的而且確曾是,經常留意其他主流以外的風,希望早人一步,你興緊日本、英國風、我已經留意緊法國,到你興法國風,我已經去左拉丁果邊....

從前我曾經我是法蘭茜式崇拜者,就大約在八十年代初至中期....

年輕時為了告訴別人,我是法國迷,會迷戀法國電影,高達、杜魯福、依力盧馬拍的電影,我全部睇晒,雖然有九成以上係完全唔明佢講乜,但總會覺得「唔明咪型」羅!就等如你對Matrix又有幾明,總之型就得啦!然後其他時間梗係渣住樽PIRRIER,你咪理我裡面係屋企暖水壺隔夜水,個樽緊要丫麻,如果有BUDGET,就梗係買多條法蘭茜長麵包,夾係腋下,「C est la vie~~」

當時真係「迷」得好緊要,係好迷,連去茶餐廳都淨係叫「西多士」食,屋企把牛角扇都叫做「croissant fan」;講到天花龍鳳,高達的斷了氣,其實就是春光乍洩的前身,leo carax的 the night is young不是墜落天使的法國版嗎?拉埋王大導落水,無非都係想拉高d自己level,其實又有幾型丫,到而家最記得咪又係得幾個性感女星~~

不過呢幾位,絕對見得人




敢問我輩男孩,有邊個未為蘇菲馬素付出過?! 但自從雲上的天空正面全裸後,我的夢完了,近幾年更加慘不忍睹,還是回到記憶中最美麗的畫面好!




我無辦法推荐一部近年juliette binoche好看的電影給大家,行霸的推介當然是「藍」,其實她最好是初出道,跟男友導演leo carax的幾部電影,The Night is young(中譯虎父無犬子),還有我認為是近代靡爛愛情經典的Les Amants de Pont-Neuf(新橋之戀),都已經是八三年作品,但最近重看,依然重人...
好友也是她迷哥,看罷侯孝賢的新作《紅氣球》(Le voyage du ballon rouge),發了一個短訊給我,「無論導與演,都是從前的好」

我的回覆是 「我們不是懷舊,只是想東西停留在最好的時光裡」







近年最迷的法蘭茜女星就只有Audrey Tautou,她絕對是我杯迷茶,眼大大,一臉茫然,美麗又性感,高貴但又親切,Far away so close....唔明我講乜?!迷左梗係咩都靚,我把呎點會同你果把,除非你都係迷左~`





但以上講的感覺,其實全是來自一部戲,咪就係呢部羅!



其實部戲勁係導演Jean-Pierre Jeunet到,通常奇幻片的世界,總會披露人性黑暗面,好小有一部咁好心腸,幫人幫到人靚d,世界靚d,咩人做咩野,無呢種情操,導演又點拍到出黎!

極力推荐93年舊作 「Delicatessen 」(港譯妙不可言)

能夠遇到個可以將自己最好一面情呈現的伯樂,是AUDREY福氣,也是我們影迷的福氣,但我好清楚幸福不是必然,愛美麗的好,可能是不可再,因為太好了,所以我其實一直就只看過Audrey Tautou這一部戲,經驗告訴,花無百日好,無謂到好像其他女星一樣,某年某月某日看到的,仍然是懷念從前的好!



咁點解又會再去睇呢部戲,因為我窮途末路,需要一部愛情片沖擊!睇頭十分鐘,見到Audrey Tautou又乾又瘦又殘,我真係好後悔入左場,諗住睇多陣就走,但後來俾我搵到個位續繼睇落去,佢咁乾咁瘦咁殘,係為左配合個角色,通常d風塵女子,又煙又酒又夜生活,皮膚梗係差d,但為左搵食,又要繼續行性感,無錯!audrey 真係PRO,為左演出,不惜一齊,細看佢依然美麗、明艷、性感、好戲~``

終於我睇晒部戲,仲覺得幾好睇,王晶橋法國人拍,感覺似曾相識,但又截然不同,仲幾幫到手添,如果你睇左唔認同唔緊要,一切都是供與求,我需要愛情片,它滿足到我果一刻需求,我決定未清醒要續繼迷,所以我看到的,都是 Audrey Tautou的好處...

崇拜也是一種需要,你夠崇拜自己,駛乜駛祟拜其他人~`

5.26.2007

有心無力




罪大惡極~`

5.24.2007

千斤重





青筋現,嘔晒電,仲未可以食碗麵,因為仲係未搞掂,有時間淫賤,無時間大便,我係咪犯賤!

5.22.2007

見死不救








阿七!救命呀!我炒左車呀,幫幫手翻返我丫



無用!

你自己諗方法~~


喂喂喂~~`



阿七`~`





阿七,妳唔救我......都唔駛撞到我dum dum轉架!


邊個把聲咁鬼煩,邊到跌,咪邊到起番身羅!自己整跌自己,就要自己拉番自己起身......

阿慈,你係邊呀?周圍都唔見佢,奇怪!

5.21.2007

集體回魂




星期一,落雨,食飽,攻心,釣魚,已經衝左入廁所訓左五分鐘,但訓完仲眼訓過未訓,好想掟低所有工作,一聲bye,然後飛的士番屋企,衫都唔除就伏在地下喪訓....

大家都知無可能,但摑極自己都唔醒,咁不如大家叫醒大家,捱埋下半場,照計車仔對曼聯果百二分鐘都捱得過,家下無理頂唔住!
















真係頂唔住就要出聲,我都係因為寫完呢幾行,個人醒晒!你睇,d自信心番晒黎








如果幫到你手,回到魂,記住以後都用呢個方法,如果仲眼訓過之前,咁留低個更好方法,不過要快,我唔頂得好耐!

5.20.2007

那裡來的熱情



通常都會形容為「天公不造美」,如此惡劣天氣,仍然有六千多球迷捧場,如果天空放晴,應該過萬。我總認為眼前事是最重要,「如果」有時未必一定會「梗係」,總之

『 I was there!』




























一大班人 支持,當然是一種力量,但身處劣勢,仍然有人默默支持,這種暗火,非同小可!


用近兩個小時沉悶,去見証你第一個足總杯,呢d怕且都係「愛的力量」了!

5.19.2007

七慈伴奔馳




頂住~~~`




你睇下企得幾硬!好野~`!

5.17.2007

Cruely Hot




烈日下飲啤,點曬都唔駛遮

摩亞




阿菲唔知我係呢度幫佢promote緊,知道實俾貨鬧死,係我死之前,希望大家可以俾多「拾撲慈」佢,即係買飛捧場

有買左飛記住留口訊,如果睇同場,可以約埋一齊.....叫阿菲個名!

5.16.2007

出來吧!



自小以為有事匿入廁所,無論外面怎樣叫,都扮聽唔到,過一陣要捉你d人就會無癮離開,到時就可以大刺刺行番出去!可惜從小就知道一切只是一廂情願的幻想,當外面的人說到第三十四次「出來吧!」,然後廁所內的人繼續無反應,外面的人就會加重語氣及拍門「你再唔出來,我撞門!出來吧!」,通常廁所內的我是不為所動,電視劇咩,撞門?! 對!外面的人是不會撞門,但他們其實是有廁所鎖匙,「剔撻」一聲,下一個鏡頭已經是被追打,逃也逃不了~``

對不起,我也想出來,但有心無力,我又何常不是正大力拍門,叫應該出來的東西 『出來吧!』

5.15.2007

阿菲...我支持妳``



瘋女社 girlie MADHOUSE 音樂劇場
有時唱歌,有時跳舞,有時早禱,有時鍚阿嫂,女人唔補好易老~
女人的感情總是給社會秩序帶來不安的成份。~ Balzac. Honore de, 1799.5.20~1850.8.18

2007年6月29、30日& 7月1日.晚上8時 29, 30 June & 1 July 07 (8pm)
香港藝術中心壽臣劇院 Shouson Theatre @ Hong Kong Arts Centre
(粵語演出 in Cantonese ; 喜劇含現場演唱 Comedy with Live Singing)


拾樸慈`~~

詳情過茜皮妹個blog睇下就知


http://hk.myblog.yahoo.com/hyper-bitch/article?mid=2917

5.14.2007

Gallery










我無睇 溏心風暴 ,因為我過左紐約投藝術品,用億三係騷褲脾投到五件藝術品,錢都是其次,最緊要係買到心頭好!

大家又一齊討論下,如果參與唔到,咁你可以番去繼續你們的溏心風暴同師奶兵團,藝術呢d野,真係唔係人人識!

先講番上面果幅,買左二千幾萬,名叫『異男張開眼睛雪沉詩』,當中把城市人喬裝多愁善感活靈活現,充份表現到藝術家與大懶蟲唇寒齒亡的淒美









接近三千萬的作品,『 C9 上牆 』,打破傳統c9年紀限制化,力証C9也可以年輕,非鄧萃雯,葉童之流可以高攀.....
























其中一幅近五千萬的作品,『 Elvis Resurrects 』,有識之士多次認為,呢幅作品拿到貓王墳前參拜,皮禮時利絕對有可能即時彈起身!











飲下午茶時,一個年輕法藉藝術家力荐給我的一幅未成名作,照法文直譯,名字是『兩鞋三錶搞傳銷』,睇個名就知是代表住年青一眾,虛蕪迷失,有計劃地無計劃,歷史見証,昇值潛力極高





其實呢次過去,最主要都係為左以千萬金圓投以下呢幅心頭好,各位觀眾,stay tuned....

scroll down











































































































『香港一定得』

一幅四十年代魔幻寫實主義的作品,代表住未來的太空人,以大姆指表達出,遠古人類的未來世界的憧憬,冀盼。
我會送呢幅巨著給「慶祝回歸十周年」的主辦團體,就當我出番一分力,希望呢幅畫可以帶出香港人對「悶親慶回歸」的恐懼..



唔明我講乜唔緊要,藝術並唔係人人都明,等如我都唔明 溏心風暴,師奶兵團有咩好睇~~`

5.12.2007

溜溜廢廢.....又一年



老友約我星期五晚飲野,我話要去我阿婆生日派對,老友「哦..」了一聲後回贈多一句 「真係快...溜溜廢廢又一年....」,我不其然放聲大笑。婆婆,你睇幾多日記得妳生日,定其實記得妳溜溜廢廢呢? 乜溜溜廢廢唔係話我咩?!話邊個都好啦,最緊要係「年年都仲可以溜溜廢廢~`」

妳唔溜廢,我地就閉翳~`





睇番一年前「溜溜廢廢」,我那個尊敬舅父撩我去睇「世界杯」,最後卻胎死腹中,呢位前輩,尋晚臨走時歷史重演,約我出年去睇「歐洲國家杯」,堅定流先?奧地利 定 瑞士 先?我呢次學曉好淡然咁回答,「好呀!出年年頭再搞丫」 「搞丫!你搞好叫我去,我一定去!」 「下!?我搞好叫你去即係唔駛去!」 舅父面露不悅 「趙!叫你做小小野都唔肯!」 「OKok~~我做埋手頭上工作,都應該明年頭,到時得閒咪搞羅!」

話題結束,一眾歡天喜地送外婆回去,臨去前,我鬼上身跟舅父說了一句 「得喇!睇波d野等我搞!」,舅父沒撘嘴,只伸手拍拍我肩膊,我突然鼻子一酸,面容扭曲,凝住要奪眶而出的淚水,別過臉,連隨說聲「有事走先!」 頭也不回就跳上的士去....

敬愛的人如醇酒,點點滴滴在心頭,久別輕嘗已足夠,竟然再約我去睇足球,都唔知呢次係堅定係流!

5.09.2007

We'll be Back~`














COMING SOON~`

5.06.2007

假日並不等如放假




『你的感情表達很戲劇化,可能真誠但經過計劃,不是自動自發的,卻也不是虛偽的......感情略顯激昂,不能盡情享受快樂時,則有慾求不滿的現象產生。』

以上是朋友給我的性格分析...

究竟什麼是真,什麼是假,你看到的是真,還是我收埋了的是假,做演藝的個個是真心演假戲,還是虛假地扮真感情,什麼是快樂,什麼是不快樂,激昂時是否快樂,傷心時是否不會激昂,佔有是一種慾望,慾望是無邊際,我愛你是否你就要愛我,得到的是否已擁有,失去的卻長留心裡,凡事又何止兩面,假日並不一定寧靜~`

5.05.2007

不龜路













































他的名字叫「阿慈」