10.30.2008

快樂時要快樂



熱戀時,情人跟你說「我唔理!我要!」,你會覺得好性感,好sweet,好感動,好想大力攬住對方!
分手前,情人跟你說「我唔理!我要!」,你會覺得好煩,好任性,好唔成熟,好想大聲叫佢「同我收聲!」然後即刻消失!

熱戀時,你跟情人說「你令我無法集中工作呀!」,是因為情人像洒下的香水,把你重重包圍著,他(她)的味道,令你心跳加速,呼吸困難!

分手前,你跟情人說「你令我無法集中工呀!」,因為情人像洒下的污水,把你重重包圍著,他(她)的味道,煩厭令你心跳加速,快要按捺不住的情緒令你呼吸困難!

熱戀時,情人跟妳表示「有點唔舒服!」,你會立刻買藥買粥買埋慰問咭.. 飛的士去探望對方!
分手前,情人跟妳表示「有點唔舒服!」,你會立刻責怪對方「咁大個人你都唔識照顧自己?!快點去買藥吃啦!」

熱戀時,情人一身臭汗走過來親近你,你感到有無窮的慾念要爆發!
分手前,情人一身臭汗走過來親近你,你感到有無窮的粗口要爆發!

熱戀時,暱稱是「甜蜜」的!
分手前,暱稱是「嘔心」的!

熱戀時,「你愛我嗎?」是必答題!
分手前,「你愛我嗎?」無聊IQ題!

熱戀時的「海誓山盟」是動力!
分手前的「海誓山盟」是壓力!

熱戀時做的一切都是感性的!
分手前做的一切都是理性的!

不知道有沒有一生一世的愛情,但我肯定熱戀是有限期,所以快樂時要快樂,等到落幕人盡寥落,醉下來,休醒覺,何況忘掉醉中的承諾!

Relax ~~ Just enjoy this Moment ~`

10.28.2008

這是愛

















維護愛,我們都會不措一切

10.25.2008

失戀BINGO




最怕安慰失戀的人,因為失戀對我來講,比痛肚「all lance」咁不值一提,世上有咁多緊要野唔理,掛住失戀,即係無病呻吟啦!扮醫生安慰一個假病人,呢d AV三仔劇情,我唔識寫更加唔識演,所以每每有人失戀找我要傾訴,我就會興高彩烈地回應「我最近識左個新情人,我他好到不知咁好,諗緊結婚... 定生仔先..... 」九成人聽見都會知難而退(就算知我是說謊,但都明我係拒絕聆聽)但總有種人是基本我答什麼都推唔甩,這種人叫「騙人」

朋友片仁來電說買了支Glenlivet Cellar Collection 1967,唔跟朋友分享會折福,於是純情的我,就被約到其家中,門一打開,見另外有位朋友阿呆已經早過我來,我已經有不祥之兆,因為阿呆是不飲酒的... 甫坐下,阿呆便跟我擁抱,拍拍我背「巴打,麻煩晒!」,我望向片仁,見他回避我的目光,已經心知發生了什麼事,所以支Glenlivet Cellar Collection 1967好唔好飲?我完全唔知,因為全部都係背脊骨落....

我去廁所sms片仁過來傾傾,片仁有備而來,我來不及開口,佢已經搶快開腔,「有個遊戲好好玩,係由〈開會bingo〉演變過來的..... 」
我討厭玩遊戲,因為我討厭守遊戲規則,但這個遊戲我喜歡玩,玩法好簡單,把失戀者常說的九句話或者十六句,二十五句都可以,視乎你想玩得快d定耐d,然後填上這九格、十六格、二十五格上... 我當晚初入門,由九格開始,我的九句話是「我做錯左d咩?!」「我有咩比唔想佢(新歡)!?」、「點解佢要咁對我?!」、「我真係無左佢唔得呀!」、「我無事喎!」、「我係咪好無用!」、「我好想打電話俾佢呀!」、「分開左成個人解脫晒」、「點追番佢借我d錢呀!」

遊戲開始,就跟玩Bingo一樣,只要朋友阿呆說中我格中的說話,而連成一線,就算中獎,分別是Bingo中獎是叫「Bingo!」,開會Bingo中獎是叫「Bullshit!」,但失戀Bingo則是誰中獎,另一方就要叫一句大家對失戀者最想講,但最唔夠膽說出來的話,那晚我們的說話是「你咁Q蠢!抵俾女呃同飛起你過喎!」

終於我中了「我無事喎!」、「分開左成個人解脫晒!」、「我做錯左D咩?!」,但同時也輸了給片仁的「我無事喎!」、「我提出分手先架!」、「男人大丈夫,何患無妻!」
有得玩,又有得鬧,原來陪失戀者可以咁開心,仲可以有重大發現,問阿呆最近聽最多的是什麼歌?聽開歐瑞強的阿呆,答案竟然是 James blunt的Same Mistake!

失戀就是重新犯錯,犯上相信愛情的錯,受苦也是活該!

10.22.2008

叫爆!


日日都難過,但星期三是一個星期最難過的一天,好悶好眼訓又要做,我都知大叫可以提神,但邊度可以大叫呢?有人話廁所,有人話天台,有人話後樓梯....如果邊度都去唔到,不如係度呢叫!?!


幫幫自己幫幫人再幫幫我,留句你大叫的說話來!



『我Dee爆你丫!七隻手八個腦咩!又唔俾個時間停頓器我,點趕呀!DeeDeeDee你!』

10.20.2008

焦急三寶




好好彩!遲小小呢個睇波團都難成行,因為呢個原因,我會永遠懷念這次旅程!希望可以將我們的福氣及歡樂跟大家分享!

http://www.my903.com/my903/offside/afterTrip.jsp

不停更新,直至你滿足為止!

10.18.2008

黐(UP)


每次走在歐洲的街頭,都會想如果香港像這裡一樣,人煙稀小,寧靜,緩慢,我們可以享受走過的每一步,不需要同時思考十個問題的解決方法.... 那我們就不用再攀山涉水,長途拔涉,舟車勞頓來換取「安逸」!

終於這個願望實現了!



這兩個周末外出,街上的人比歐洲更小,沒有塞車,因為根本馬路上只有數部無客的士,空氣比歐洲更清新,夜店人客不多,就算有亦玩得好冷靜,適可宜止並不是去玩宗旨!整個城市像個混沌旋渦,比歐洲更寂寞,更凄清!

我們都擔心未來,因為不知道會有多可怕!要面對恐懼,首先要了解恐懼的由來,這一方面我有長時間訓練,每日我都會想過收到「自己患絕症」、「家人患絕症」、「朋友患絕症」、「朋友被裁走」、「自己無工做」、「家人被降職」等消息時的應對。

黃霑叔生前在一次訪問中透露他收到自己患癌時的反應「輪到我喇!」,然後就想想今生活得夠精彩嗎?!活得是否精彩因人而異,但如何活得無悔其實好簡單 「我們要「活過」,不要「過活」!」當發現自己已經在倒數階段,才驚覺這一生白活,比要面對死亡更難,更恐懼!
「命運」誰都逃不了,生、老、病、死,高、低、興、衰是必然定論,只要居安思危,就算危機出現,都可以迎韌而解,有危亦有機,冷靜準備未來,機會只給有準備的人!

我沒什麼可以幫到大家,除左搞下笑!



借用朋友發現的一張玩具說明書,此遙控直昇機不能掛於胸前,不能用肛門操作....








狗隻不能使用遙控,但無講貓、雀、羊、牛、龜得唔得?









用腳可以操控,Newbits都可以操控,但New住bits就唔可以同時用腳操控,咁用腳Newbits同時用手操控應該得,不防試一試~`





希望可以帶給大家一點歡樂,如果你真係笑唔出,咁不如你大聲鬧丫,切記
「舒服就叫出黎,唔舒服就嗌出黎,總之千祈唔好唔出聲,傷身呀!」

10.14.2008

低b




阿Bu不見了電話,他立刻借用朋友的手機給自己撥了個電話,他說 「世上最低b的事就是自己聽著自己所選的接駁聆聲,然後期望某人,接聽你打給自己的電話..」

我認為更加低b的是,你知道MSN上某些人永遠再不會SEND MSG給你,但某日突然收到她的MSG,明知是病毒來,但卻看著燈色的不停閃著...我永遠不打開MSG,也有可能是她給我的說話....

低b...真係可以低處未算低!

10.13.2008

片場定情場



談戀愛跟電影一樣,千篇一律但頁頁新奇,投入的時侯,都是會迷失於奇異國度!如果你問我「片場好玩定情場好玩?」,我會用行動話你知個答案!










係情場,點會影咁多咁傻,咁無聊o既相!咁你話邊個場好玩d丫?



古生開始有男人味,未來香港仲有冇名星,就睇你喇!如果有睇呢個blog又是現在工作人員,幫我同鄭導演講聲「呢次o既痛苦係絕對值得!加油!」

10.12.2008

SEE~`




Some people asked me from time to time on and off..., Ann will you teach, you should teach, do you like teaching....balabalabalalalala...? Actually I have been thinking of teaching children photography for such a long time, one day i talked to my dear friend Matt 鄒凱光, i'd like to do some charity work for the children. Yes, please count me in......, so thing just happen like this.. 〈Gut7〉



你眼中的世界 - SEE 望未來
AnnChoi x Commercial Radio 1 商業一台為小晴朗的一天出發 Stay Tune!



http://www.881903.com/Page/ZH-TW/LittleClearDay_photography.aspx
(Check this link for details)

10.11.2008

Gap



什麼是Gap?一程火車就知道。

上年紀的一上到車就戴上太陽眼鏡,把強光過濾成溫柔,抱著我一起看走馬燈!喜不快哉~





年輕的一上到車就戴上耳筒,NSD強勁音效聲劃破死靜,風光盡在營光幕中!喜不快哉~~




上年紀的竭力睜著眼睛,不想錯過與風景的擦肩情緣~`


年輕的疲了就睡,來日方長,錯過了日後再看罷~`


十幾年前,英國朋友車我去溫莎,刻意行山路讓我欣賞沿路風光,但我卻訓足全程,現在想起來,我當時的損失,到現在仍然無法彌補;有些東西,錯過了就是錯過,可能根本個天就係要你錯過,咁下次你至會懂得珍惜!好老土呀呵?!有日當你發現自己因為怕老土而錯過了很多東西,你就知道....你已經長大~`

10.09.2008

開小差




宇宙之內,我們只是世間微塵,什麼風暴,什麼海嘯,捲走的根本都不是屬於我們的身外物!為過眼雲煙的東西而不快樂,太傻了!

我快樂是因為我有工作,因為有工作,才可以有開小差的機會,五分鐘,三分鐘,就算一分鐘,都是一種恩賦的享受!不要放過它!沒有天台,就走後樓梯,無後樓梯就入廁格,廁格爆棚就走落街去....想一些工作、家庭、感情以外的事情,例如中了六合彩如何去享受,例如幻想自己身處喜愛的國度,例如對心儀的人性幻想.... 差一差之後再博殺吧!高高高`~

10.07.2008

混沌





山中方一天,世上已千年!去英國七日,要多小日子才可以回來香港?其實係回到地球?!
在英國每每遇上慢吞吞的員工們,當每想說「快D啦!」之際,就同時有另一把聲音叫自己「放鬆!不要把香港節奏放於歐洲!」,事實上,英國已經比其他歐洲國家快,如果係西班牙,買買下野,佢地夠鐘「Siesta」,要午睡後再繼續服務,可以這樣想,人就會安定下來!還有在歐洲其實無甚節目,最大的嗜好就只有望著蒼茫茫的天空,在冷冰冰的寒風下,胡思亂想!所以在歐洲寫詩畫畫,並唔係扮野事情,基本上係同香港人去唱K、打牌同腳底按摩一樣咁普通... 其次可以做的就只有去睇波同到其他國度遊覽,無論英國定歐洲,要看的實在太多,一個地方,一個城市,無可能一日,一個星期就可以了解,你唔肯放下香港的節奏,就唔好去歐洲,又或者咁講,我們都應該久不久去歐洲,調節一下我們急促的生活節奏!

不要說我「晒命」,事在人為,人生好短暫,當你後悔一生只在一個繁碌的國度渡過時,想離開已經有心無力,恨錯難翻!

英國的節奏及態度,令我困在機倉二十多小時,仍然沒有生理、心理不安!人家本應在香港準時落機,然後轉機、轉車去深圳,但卻困在深洲機場外十多小時,然後飛十分鐘回港,再轉截到深圳.... 卻沒半句怨言!橫豎要不滿,不如化成歡樂,給予這件慘事一些掌聲、歡呼... 到落機時,我們帶著離開的,都不會是負面情緒!何樂而不為!「急matt丫!難得鍜練EQ的好機會啦!」

感謝一眾事件給我的啟發與鍜練!

可惜回到香港,情緒、心情可以慢但動作唔慢得!「星期三十一點開會?快覆」「XX問你幾時再有野睇?」「節目主持問題」「球來球往之後FORMAT」「幾時去睇脊椎醫生」「行李幾時執」「今日星期日GATHERING?如果得你聯略阿媽定我聯?」「幾套劇十幾套戲幾時清」「朋友隻貓有事」「無買手信點面對同事」

我混沌是因為我仍然以歐洲節奏,面對香港問題!係香港你想一日做一件事,就算是坐監也沒可能!但一下子要由天堂回到煉獄,不免要些時間適應,希望各位見諒!
「急matt丫!難得鍜練EQ的好機會啦!」

10.04.2008

Enjoy the Journey back



笑著來,要笑著離開~``








「英國!如非工作,短期內我們都不會再見!珍重!」

10.03.2008

Never Walk alone~`




開估先!Candybei同Chi Wai果然係英國居民,CHI WAI都仲有點猶豫,但Candybei就準確無誤地拆解到什麼是「HomeDrop Boots」,好可惜當我知道要撘HUNDRED BUS時,巴士已經收工,所以我們始沒有去到TRAFFORD CENTER,我亦深信應該不是太大損失,因為當時我們已經凍到不似人形,堅持要去,一定有人要入廠,其中一個人定是我!

曼城比倫敦凍,比倫敦多雨,比倫敦大風,但想不到,利物浦比曼城更凍,更大雨,更大風!係倫敦同曼城,我後悔帶唔夠衫,亦無衝動買厚衫,因為我根本唔想出街,但去到利物浦,我看到第一個街景後,我第一句說的是「快找件厚褸!我要行街!」










我鍾意利物浦,因為個城市好通透,前後左右,高低上下,視野寬闊,建築物不多不小,構圖整潔;到處仍然播放著Beatles,.Smith,.Oasis, Blur的歌曲,街上迎面而來都是典型「英國仔」、「英國妹」,即殘舊大長褸,窄褲,大頸巾,皮鞋或爛波鞋,不修邊幅的髮型,或戴上冷帽,再加一個好型皮袋,手抽或斜也可以,女的再加上小許gothic rock的化妝,及比彩虹更多顏色的,比安全套更多款式的髮型,而其他的就是身穿利物浦球衣的男女老嫩球迷,同行問我「點解香港人著波衫出街咁肉酸,這裡的人卻穿得如此有型!?」

「因為這裡是利物浦!」






















倫敦給你的熱情(如果有)都帶點商業味,曼城給你熱情帶點土氣,利物浦給你的熱情是一份滿足感,滿足來自我曾到此一遊!我曾經都係呢個城市型過,凍過,叫過.....












我終於明點解要唱「Never Walk alone」,於這個城市,你一定想與某人把臂而行!

10.01.2008

Homedrop Boots



曼城最多是學生,事實上這個城市好適合讀書,因為你在這裡,除了讀書外,沒什麼其他東西好做!又冷又悶的城市,但充滿住歡樂,因為在這裡的人,活得很簡單,沒有試過多姿多彩生活的人,是不會怕悶的!而沒有接觸過曼城人,你會錯過很多歡笑的機會!



參觀完奧脫福後,本應想去附近大型的商場,但由於截不到的士,於是我們便問路人、商場sales、護衛員、學生.... 但最後仍然是聽到他們說同一個,但我無法聽得明的答案

「U gu out to take the HOMEDROP BOOTS!」

我PARDON完再PARDON,都係聽到TAKE the 「HOMEDROP BOOTS」,究竟係咪一對係屋企滴製的靴,穿後就可以去到目的地呢?

大家幫手估估個答案係乜?