5.07.2006

樓上樓



每日放工,當我問「食唔食飯?」,馬莉同馬糞即刻面有難色,推我又唔敢,應承的話,佢地知我只會話「咁去打邊爐啦!」 無錯!我係超級邊爐迷,一個星期如果唔打過一次,我會抑鬱!
去過好多地方打邊爐,「方榮記」、「有骨氣」、「輝哥」、「名城」,我始終鐘情 樓上樓

地方乾淨,有裝修,光暗適中,從前音樂方面係一個好大問題,打邊爐不停播HIP-HOP!不過家下已經接受左鏖大意見,播番普通正常大路音樂
食物方面,呢度d牛肉各式其式都有,有咬口,重牛味,肥瘦厚薄,樣樣齊! 佢仲賣埋生野,d蠔,d魚生極新鮮!
湯底其實好多選擇,不過我食極都係呢款

真抱歉,我真溜肺,次次叫但我都唔記得個湯底叫乜,應該叫「火焰蟹」

燒下燒下,倒d湯落去,煲下煲下就可以開始.. !
其實每次食呢個湯d料,有蟹有其他海鮮,加個牛肉就已經好滿足,但係老細建哥實在太好人,次次都請我食好多其他野,又甜品,全部都係自做,好味都癲!
以前食自助餐,我會下知唔食飯,當肚,有時去樓上樓我都會咁做,除左食,仲要飲呢!淨係建哥,都起碼要留半打俾佢啦

14 comments:

撐你的人 said...

邊度黎架..我都想去試下喎..我都好鍾意打邊爐架..咪只係引誘我啦...講埋比大家知點去啦..

Supercalifragilisticexpialidocious said...

輝哥麻麻地。
小肥羊仲衰。

wang said...

wow looks yummy, really got the feel haha

Alal said...

好想去試, 一定會去......約齊人啦!!

ALAL said...

想問之前個對TIGER鞋邊間連卡佛? 去過TST個間搵唔到...., 待覆!

unkle beach said...

to alal

係elvisu到

Rei*** said...

我都唔鍾意小肥羊...成日話北京名牌店...
但其實北京好多小店食羊好味好多囉...
北京人都好少去小肥羊...呃遊客姐...

你的聽眾 said...

你成日都去好多地方食嘢, 好羨慕呀...
我只有住家飯食...

你的聽眾 said...

好鍾意你個blog嗰幅圖, 好有夏天feel, 陽光與海灘萬歲!!!

我自己個blog都係用海灘嚟做wall paper(唔係你,係真嘅海灘), 所以我會上多d你個blog~~

Supercalifragilisticexpialidocious said...

幫襯小肥羊果d人咪就係小肥羊囉。
呢個名改得幾好,真係有個人風格。
名副其實小肥羊。

Sum said...

可否講下幾錢同邊度黎架?? 好想試個火焰蟹喎!

亞u said...

譚魚頭都好好食呀,佢個番茄湯好得

serina said...

好貴下﹐係明星食府。。。都唔係人人捨得食呀。
地址﹕尖沙咀金巴利廣場一字樓

Rei*** said...

哈哈哈哈...係呀...好彩我未食過...XDD"
因為去北京果時有當地人教路...好好彩...