5.02.2006

飛甩雞毛

原則上,我同女性係好有緣,愛情上,我總碰上「天蠍座」的人,神秘、性感,對我呢d好性獅子座黎講,真係好吸引;另一個同我有緣星座係「雙魚座」,重要男人有馬偉豪,女人就係我阿媽同我阿妹!
由細到大,我行為上唔算好錫呢兩個女人,甚至對佢地有點不敬,我叫阿媽係佢全名「艷芳」,而我阿妹名就得到「珠如」呢個花名(但其實佢好高大),全因佢最後一個如字,媽媽常說她是「多餘」的,言者無心,但我知這話妹妹一直緊耿耿於懷,我地算係窮家人,能養活一個我已經好不容易,不小心有了我妹妹,壓力之大,不可言喻,父母子女是無得揀,劇本如此安排要同場演出,想唔做不如想下點做好去,對戲過程中總能找出良好的相處之道。
我個妹跟大家成長一樣,迷失過、放任過、終於近年開始找到清楚方向,當然你問佢,佢仍然繼續答「我都唔知呀~~~」但佢現在做的一切,絕對係正確之路!

最近佢由貝沙灣做PR轉左去時裝大品牌「ferragamo」工作,不論環境、工作性質全是她全新接觸,有難度,但有挑戰,雖然妹妹口口聲聲話寧願份工悶,有人工收就得,真係「garlic dog broom」 蒜狗掃把! 妳會甘心咁平凡咩?! 可以同JAMES FERRAGAMO見面喎,可以到意大利開會,可以遇到好多勁人,UP-GRADE自己喎!
現代女性其實個個都一樣,恨嫁但發現無個男人係好人,就存心放在工作上,希望可以在工作上尋回失落的不安感;年輕時,我們總是反叛,覺得親人好煩,想脫離佢地,但而家睇番,最肯無條件關心你,咪又係D親人。


老人家成日話「佢有毛有翼就會飛走架喇!」 但係「飛甩雞毛之後,佢咪又會番到黎你身邊!」

15 comments:

Anonymous said...

都係果句,我真係覺得佢好叻!十個叻,有二十個!同當年崇拜你做小粉絲兩回事!因為我相信我一世都做唔到佢!勁呀!

unkle beach said...

妳做到佢咪多個佢囉!妳無料到,我唔用妳啦,不過小宇宙未發揮到之嘛!

Anonymous said...

相中拖住女孩的是你妹妹嗎﹖

unkle beach said...

to serina
拖住女孩的不是我妹妹,被拖那個才是,攝於二十五年前,當時我還未變性

Anonymous said...

嘩!海灘嗰妹真人好model look. 好得!我係工作上見過佢一次,人人都讚佢又叻又靚!!不過有d傲氣!!有人話我知佢以前做過model.但佢冇載眼鏡喎!

Anonymous said...

嘩!海灘嗰妹真人好model look. 好得!我係工作上見過佢一次,人人都讚佢又叻又靚!!不過有d傲氣!!有人話我知佢以前做過model.但佢冇載眼鏡喎!

Anonymous said...

長髮那個係妹丫嘛。

「番埋o黎」總係o向你沉晒時「背起」你那個組織。

Anonymous said...

長頭髮那個係妹丫嘛!

番埋o黎係o向你沉晒時背起你那個組織,無錯,到時到候你就會番埋去佢度。

Anonymous said...

係天蠍座,唔係「蝎」!愛你o既女人會唔like你竟然寫錯天蠍個蠍字架!
仲有你阿媽我個女唔係「雙魚座」,而係「水瓶座」
仲有你阿妹我個孫女應該好靚女,你做乜影到佢咁失真?
最後仲有你唔好咁漏漏肺肺,成日寫錯字!
仲有你阿媽個阿媽,你阿妹個阿婆,你阿婆我會以你為榮!

Anonymous said...

呀 unkle呀 我諗你都係變返性好d 喇 哈哈.... 你以前都charm 架 呵呵

Anonymous said...

唔好再話我成日開冷氣嘥電!因為有個咁窩心o既哥哥,雖然我地住o係荒山野嶺,間屋24小時都超warm!Home Sweet Home wor!唔開冷氣點得???

Anonymous said...

給瑪莉的信:

瑪莉!多謝你o既讚美!
但...我從來都唔覺得自己叻!...可以成日唔滿意自己,但唔可以對自己冇信心!我夠好想學似你咁寫得一手流利中文(我咁講並唔係踩你英文唔好呀!)!

p.s.我唔多鍾意人地讚我叻!係讚就讚我又叻又靚!但最好係又靚又叻,或超靚又叻!

Anonymous said...

..你地的對話真係好warm喎...好溫馨..hehe..有dd羨慕...

Anonymous said...

睇得出你同屋企人關係好好, 好warm呀~~

Anonymous said...

見到你同個妹o係屋企生活得咁溫馨,我都覺得開心!你以後都要錫晒佢呀!