5.16.2006

心寒

我就黎黐線,日頭要度鬼片,要逼自己入心驚膽跳的狀態,夜晚就要逼自己開心搞笑,終於,日頭度唔出野,係咁係度傻笑,而夜晚因度唔到好笑野,個人好驚!好驚!
搞笑始終係我強項,好易pick-up到,但係嚇人就真係要逼自己入,四圍搵野睇,羅感覺,俾我搵番呢幅相


呢幅相係拍「煎釀三寶」時拍的,千嬅旁邊的是副導演小慧...我每次睇呢幅相都會心寒,櫃窗內唯一那件在半飄揚白裙,女鬼feel到呢!仲有,無端端有一家人若隱若現係中間出現,仲唔係「見鬼之三更餃子回家陰陽路咒怨版」
似乎我都係適會度喜劇多D,不過呢幅相我真係驚

6 comments:

Anonymous said...

係喎!好詭異喎!仲要最邪係相中見唔到揸機嗰個嘅倒影呀!!(在玻璃)

撐你的人 said...

海灘先生...今日聽返你星期五的節目...簡直令我由頭喊到落尾..好令人感動...另一方面我自己都好內究..很想跟媽媽道歉我曾對她過份的事

小可愛 said...

我覺得,其實對於你黎講,度鬼故同搞笑咪一樣,你咁好想像力,一幅相你都諗到咁多。我都好似你咁,成日比故事落d無聊野度,只不過唔想自己嚇自己,所以成日都將佢變做搞笑野,唔駛成日疑神疑鬼,好易精神病架....

Supercalifragilisticexpialidocious said...

有精神病? 我幫你醫。

菜肉包 said...

好彩幅相唔係夜晚影啫, 如果唔係我覺得仲恐怖...
睇你對住一幅相都可以有咁多嘢講到, 真係好佩服你有咁好想像力, 放鬆一d啦~~

P.Tea said...

呢張圖真係有d驚,放大圖睇張圖睇好d,
因為見到果家人係睇ing 拍戲,個樣唔恐怖.

我諗你d鬼片劇本會唔會好似以前d猛鬼壩王花咁, 又驚又笑.