1.30.2008

誰 〈守基的故事二〉







從前,我為左引起心儀女子注意,我會扮電話無電,然後問佢借電話一用,靜雞雞自拍一張相片,然後將之變成我來電的圖片顯示,然後某天我突然打電話給她,當對方發現我的圖片時,接電話開腔便是 帶笑地 「你幾時整左幅相落你個電話到架?」 「有好多野妳其實都唔知,就好似我....妳...」 「咩我...妳呀?」

我們就是這樣打開溝通o既天空,跟住梗係開始dating,然後到某日佢喜孜孜話我知,佢好辛苦至借到心儀男子個電話,好緊張地影左幅好cute 口既相,放左落去做自己來電圖片顯示,然後佢仲要問我,「係咪等佢打俾我先發現,好過我自己打俾佢咁cheap?」 「Cheap?!Cheap得過妳偷我橋,仲要偷我媾妳。既橋去媾第二個?!」 呢番話我係心裡面講左就算,表面上我仍然是好大體,教佢用第個電話打俾佢,然後突然話唔講得,叫對方轉頭打番俾佢....

我唔知到頭來佢成功定失敗,我淨係知由果日開始,我就無再見過佢,亦都無再用呢個方法,更加可能因為有陰影,我電話極小借俾別人,亦甚少將佢放係當眼地方,永遠都跟身;亦因為我怕有相片留在電話內,所以每影一幅,入了電腦後就立刻delete,因妄,我亦從不會check我電話內的My Pictures,因為根本裡面就無相...


點知係上次換電話時,果位天使好好心地,幫我將舊電話所以資料過落新電話到,我先發現呢幅相



妳是誰?! 妳幾時入侵我世界 ?!妳現在身在何方?! 好驚呀~~~

1.28.2008

總有一天....



我會養一隻貓 !

1.26.2008

來不及反應



韓國男子換好裝備,挺起胸膛,一鼓作氣,就向跳台直衝去

「I am ready!」

「But we are not....」

韓國男子此刻才發現,原來前面還有人未跳,他要跳,要先「等」他們跳完,才輪到他....



韓國男子面懵懵的回到等侯的座位,開始他比跳下去更難捱的時段,幾分鐘後,他開始感到不安,再過幾分鐘後,他說身體有點不適,他的朋友紛紛上前慰問,他稍安定下來,然後說想去廁所,借勢再追問還要等多久,當員工俏俏地回答他「不要急~~很快就輪到你~`」 他突然發脾氣,「我沒有緊張,沒有急燥,我要清楚知道還要等多久,是你沒有回答我問題,是你的態度有問題!」

終於韓國男子憤然脫去身上的裝備,直衝向電梯去,頭也不回,拂袖而去~~




「等....發生..」是一件很可怕的事,小時侯,等第二日去旅行,會成晚訓唔著,千辛萬苦約到心儀的女子,等約會來臨,比等死更難受,每日做節目,最忐忑就是等開騷的時侯.....所以我永遠希望「來不及反應」,想跟我「分手」,連分手也不要提出,就突然消失得無影無蹤就可以, 我希望多做好事,令自己唔駛患大病等死,最好突然就...死左!

1.24.2008

技癢




吳小姐一見面就急不及待講 「我有好多好好笑o既笑話....講個你聽.....」 「係好笑先好下!」
「有個人病左去睇醫生 ,醫生呀,我家下食乜all乜,食完碗飯就all番碗飯出黎,食完隻雞就all番隻雞出黎,食完碟菜就all番碟菜出黎....咁點算呀?!我好驚呀!醫生話唔駛驚,你(吳開始笑緊)以後...(笑到唔係好講到野)食屎咪得羅~~(然後笑到面都紅,流晒眼淚至停到..)」

吳話除左笑話,仲有佢最耍家o既「無聊IQ題」,大家一齊估估

「有咩動物係最鍾意聞(嗅)人底褲?」

1.23.2008

一鼓作氣.....但










呢位南韓哥哥其實好勇猛,佢根本意識唔到咁高,亦都一點也不似會怕,佢一換上裝備,就一鼓作氣直衝向起跳點,就準備跳下去,但佢去到起跳點,發現.....佢唔可以跳......因為...

1.22.2008

1.18.2008

算數吧~`




















更..大PROJECT



有傳人到絕境,內在無限潛能就會發揮!我係因為太懶出街吃東西,又唔想叫外賣黎到凍晒,更加再頂唔順食即食麵,係窮途沒路底下,我無限潛能做出了一件不可思議o既傻事~~~`





坦白講,做得出唔代表夠膽食,但唔食又好浪費,所以我決定隊番大半杯,借D酒意壯壯膽,襯個喉嚨仲無乜感覺,快D掟晒落肚算...

如果見我好耐都唔UP-DATE呢度,我應該係為左食晒而飲LUM左!

大Project



通常傾大單野,都唔知從何開始,有時真係諗唔到「開場白」,就不如直截了當,單刀直入!

HOMAS是一間精品店,一間我朋友(MAMA)開的精品店,賣的當然是精品,即是什麼?什麼都有,如果你是我老友,今年有黎「人間有情Gathering」,收到我送俾大家果個聖旦公仔,就係出自我朋友呢間HOMAS

前幾天收到MAMA 電話,話有禮物送俾我,「又有?!」,因為她很喜歡送禮物給朋友,看見覺得適合的,就會買下送給朋友,「妳會唔會覺得某架名車,某座豪宅適合我,也會買下送給我!」

HOMAS地址 『謝菲道 501號,銅鑼坊RED MALL ,總統戲院間萬寧向前行,投注站前,得一層,SHOP95 』

妳呢個回覆令我覺得,落到妳鋪頭可能就見到妳已經買左架AUDI送俾我,於是我第一時間撲落佢間鋪,收到是下面一大堆的東西...








自從公開左我O既「龜取向」之後,一半以上收到的禮物,都同龜有關....「幾隻夠啦,駛唔駛咁大袋呀?」
「送俾你送俾的《老友》」

「嘩!乜咁有心呀!」

首先假設各位老友有興趣想要,用咩方法送俾大家呢?係咪玩遊戲呢?然後中獎去邊到取,電台?為左隻咁野走上廣播道取?

咁假設你地有興趣,願意玩遊戲贏左仲肯上廣播道取,但玩咩遊戲呢?


我地商量過之後,有左決定,個遊戲就係大家諗個遊戲出黎,最好玩O既四位,可以得到每人半打,講到好似叫田螺咁,咁如果你有良心,咪可以分一兩隻比其他老友,點交收就你地自己傾,可能因為咁,製造出一段浪漫邂逅...Yeah~`

咁自動留Game羅喎~~` 高高高~`




呢份係聽日送俾表妹結婚O既禮物,都係係HOMAS買,大家如果行開去,又上開去睇下,仲咁岩睇中野想買,記住話「鄒凱龜介紹黎!」 MAMA話會打拆俾凱龜老友! 高高高~` 撐`

1.17.2008

我想...



叫DHL 速遞呢件TEE俾我! 哈哈哈~`

Pole Dance



因工作需要,要研究Pole Dance這個東西,發現有無數關於這東西的資訊,有些好看,有些有意思,有些好好笑


http://uk.youtube.com/watch?v=PDxiTBFJ0wg&feature=related(入門)

http://uk.youtube.com/watch?v=Ue1fwG5yOcU&feature=related(學)

http://uk.youtube.com/watch?v=Saks4JkZXZ8&feature=related

http://uk.youtube.com/watch?v=-WamLkAROAg

http://uk.youtube.com/watch?v=eOqagt1JJ9U

http://uk.youtube.com/watch?v=egei_BE4yeA&feature=related

http://uk.youtube.com/watch?v=GM5zBOVwYlI&feature=related

http://uk.youtube.com/watch?v=msy7TtyAVIc&feature=related

下面呢條係最有意思,高高高~~

http://www.aabc.org.uk/campaign/dancer.html


睇完晒之後o既感覺係,蔡依林跳得好渣,連住家水準都未到!不過大家都係望住佢個假胸,其他都唔重要`~

1.12.2008

又一年




時間過得真快,咁又一年,場地由添馬艦轉左過黎西九,即係早排有得睇Drive In果個場,細左好多,加上今日下午天氣好悶熱,我雖然成五點先到,仍然覺得好熱,或者因為聽日就開始凍,所以今日特別熱!TIMING真係爭一秒就爭一秒,不過今日都總算還可以~`







我總覺得個台放另一邊,睇SHOW之餘,咪可以連埋維港景色一齊睇到羅~`
















有個記者訪問我「黎撐邊隊場?」 「我黎撐好多,張繼聰、何超、二四味、農夫,最主要當然係捧范曉萱場」 「有邊隊如果出年唔黎,你會唔黎捧場?」 「咁梗係飛輪海啦!」

個記者係咁笑 「真係睇你唔出...」 呢句說話認真可圈可點~`哈``正!








終於我睇完無令我失望O既小萱就離場,錯過左飛輪海演出,又要等多一年了~``

1.09.2008

守基治療 (守基的故事三)




我是那種怕死,但畏疾忌醫的人,唔病到唔醫唔得,都唔會去醫!我終於覺得要面對呢個病,是由前上星期一次開會時發生的事引發.....

上星期在某處開會,中途要一眾外出接見「人」,由於只是外出一會,於是我把我的「行裝」全放進書包裡,然後把書包留在開會的地方,便外出去....

目的地是半島酒店,我們一行多人早了一點到達,就是因為時間多,我們都各自做自己的事,打機、sms、上網....而我就無所事事在「數手指」,就在這時侯,我發現我大姆指的手指甲,出現了白邊,就是一般一隻手指甲必然會有的東西,也是我最怕的東西,我看到而不能把「白邊」清除,我會渾身不對勁,對!這是「強逼症」,但想不到會那麼嚴重...

我的指甲鉗跟鎖匙扣在一起,但我的鎖匙連同其他「行裝」都留在開會的辦工室內....那一刻,我儼如一個癮君子毒癮發作,沒指甲鉗,不如就狠狠的用牙把安咬掉!但坐在半島,怎可能做出這樣行為,但身邊又沒有人有指甲鉗,於是我襯還有時間,便一枝箭撲出去,希望可以在附近買到一個新指甲鉗,但可能因為我太心急,又或者在那個地區,根本好難會搵到一個地方有指甲鉗賣....我站在尖沙嘴街頭,傍惶無助,但時間又已經夠,我一定要回去,否則再找下去,回去告之人家自己因為找指甲鉗而遲到,認真貽笑大方....

我心神恍惚回到半島,看見要見的人已經到步,但自己卻無法回魄,跟住如何做PRESENTATION呢?!我終於爭取最後時間,飛撲入去廁所,把自己鎖入廁格內,然後用口把指甲....

那個會之後,我決定要找方法治療!還一定要自己去刻服!

一切由根部著手,點解我要令到D手指甲咁貼手指,經過苦思後,我終於找出原因,原來並不是因為對「白邊」恐佈,而是我覺得長了的手指甲,是多餘,是污穢,是嘔心,是危險的!因為我有童年陰影,小時侯見過人因開汽水而 反甲,也看見過一男子把一隻大肚蒼蠅引到他巨大的手甲上,然後慢慢放到鼻前,用力一嗦...蒼蠅不見了~@~ 所以我認為「指甲是不應該長過手指!」

找到了源頭,即是說如果我能夠令到我的手指甲有用處,它就可以留下!但苦思良久,我仍找不到長手指甲的用處,直至前幾天,我的天使出現了....

她在一間手提電話店外呼喚我....

「先生,我地XXX呢個月推出一個新優惠,如果你係客戶,凡購買XXXXX型號手提電話....」

守基對我來講,只是打出打入就可以,所以基本上只要守基不是太YESTERDAY,我極小跟緊潮流玩換機,通常都是守基身心都出了問題,我才會去換新,當然還有另一種可能,就是遇到個如天使般美麗的SALES....

「呢部岩你丫,又唔係咁商家佬,又唔係BLACKBERRY咁日理萬機IT FEEL,呢部簡簡單單岩晒你,LESS IS MORE..你知架...」

本來我真係數緊錢準備買,但我最怕呢D專業SALES口吻,天使不再,俗套得令差點想立刻離開,但佢始終係美女一名,望多一陣,無可厚非...

當望夠了,我準備作個不滿電話的原因後就走

「咦``呢個電話TOUCH SCREEN架,我D手指咁大隻,按唔到D掣架!」

她不慌不忙

「佢好敏感架,只要你有小小指甲,掂一掂就CONTACT到架喇!」

我乾笑了兩聲,張開十指

「我一DD手指甲都無架!」

她呆在當場,專業面容失守

「...咁呢部可能唔係咁岩你...」

其實部守機是可以用筆來操控,她竟然失措到忘記了,她的真情令天使的面臉再次呈現

「其實咁唔係幾好架!」

我看著天使,她有點難為情,像突然覺得很多管閒事,但就因為她這一句,我就買下了守基!


就像一些毒海浪子的回頭故事,往往令他醒覺的,總是一些小事,一些小人物,而我就因為深信這個SALES是天使假扮,墮落凡間,就是為了用守基來醫治我的病...




理由、原因,只不過都是一個說法而已,總之我現在是有決心,上面是我最後無手指甲的模樣!

1.08.2008

絕 !



如果要儲定D只要講一句對方就無聲出的說話,呢句絕對日日放係袋旁身,我認為無其他一句可以絕過咁鬧人『You are So YESTERDAY!』,簡直係毒!話你OUT,你都仲有機會IN番,但YESTERDAY永遠都是過去,你永遠追唔番! 完全配合我現在做人心態,前望不懷舊 『I am So TOMORROW!』

下午我活學活用,致電朋友 『星期五去唔去鹿鳴春吃飯?』 ,朋友的回覆是 『鹿鳴春我上兩星期去過...』
『問你星期五呀,講以前做咩呢?!You are So YESTERDAY!』

哈哈哈~~`

1.06.2008

喂 喂 喂 〈守基的故事一〉



我最憎厭的接聽守基用語:『講野!』

我最憎的守基開場白:『係邊?』、『做緊咩?』

我最憎的守基通話:『你幫我搞好dxxx....你地叫tea,我又要..我要.....』 全段對白都無問題,問題佢
係同緊我講電話,但不停同其他入講野,同當住情人面前偷情無分別!

我最憎的守基接聽鈴聲:『所有近期大熱K歌!』

我最憎的守機鈴聲:『一個唔知邊Q個翻唱吳卓犧隻「別怪他」版本』 我拍ATV時,其中一位拍擋就係用呢個
鈴聲,已經開左聲叫佢換,但仍然不時受到滋擾,引起身心不良反應!

我最憎的守基voicemail:『你已經進入9xxxx892o既留意信箱,請係bi一聲之後留言,仍後掛斷電話,或
者按二字留低聯略電話...』 然後仲要等三秒先bi,唔聽晒又唔得!唔係話要你
好有創意錄個超勁口訊,但如果你體貼小小,錄「留口訊」,跟住bi一聲就可以
留言,咁你話可以慳幾多時間

我最憎的守基Wallpaper: 原則上是沒有,但如果你刻意把電話放於當眼處,讓人看到你跟情人的肉麻合照
呢個就會是我最憎

我憎厭的守基收線方法:『你等等,好快....』,但Call Waiting HOLD住分幾鐘都仲係DO DO DO....咪無癮收線羅!

我最憎的守基型號: 『所以自製金粉、閃珠、彩色、透明、迷彩外殼及長過密過DRAG-LOCK頭的電話繩』,
因為我每次見到,都會覺得自己好老!

我最憎的守基牌子:『MOTOROLA』 無得撈喇!啋! 啋! 啋!

我最憎的守基號碼: 『當然是舊情人的』 ,所以我從來只會記錄於PHONE BOOK內,一分開就DELETE,唔
記得就唔會忍唔住打俾佢,或者飲醉SEND SMS俾佢!



有無漏?有冇補充? 請係睇完之後當言~~ 高~`

勃勃



病左成個星期,打電話給好友撒嬌

『我食左成個星期藥都唔好番!我應該點算好?』

『食藥唔好...不如試下...食飯!』

『我病到咁咁,可以食乜?!』

『你病成咁,梗係襯仲有機會,食自己想食o既野啦!』




以前睇電視劇,d親人有絕症,個醫生都係咁同佢地家人講,『多d時間陪下佢,去佢想去o既地方,食佢鍾意食o既食物,最緊要令個病人開心....』

感謝好友,It really WORKS !



病的時侯,能夠見想見的人,吃喜歡的食物...揀喜歡的酒杯...




飲喜歡的酒,然後半醉時,找你最喜歡的按摩師,一覺醒來,精神爽利,自信心返晒黎!


你睇,連佢地都咁朝氣勃勃!外面好好天氣,無論你處於咩狀態,出去走走,俾陽光晒一晒,好過匿係屋企睇色戒! 佢兩個咪就係睇到咁朝氣勃勃羅!

1.03.2008

不服不服還需服



嘩!把聲就黎變「O靚坤」,就算過到人都過唔到自己,無辦法都要放D藥落肚,快訓幾個鐘,將D會改晒去夜晚.....咦~~有個會改到去十點,聽日星期五要返工喎?!AIYA~~ 乜都唔好理住,急叉一陣先!再見喇 ~`

1.02.2008

前望...




小時侯,媽媽愛聽除小鳳,我當時當然覺得聽佢好leung,但潛移默化,其實她的歌曲一直已暗藏我心裡,而當中最記得是「吹呀吹~~」 的「風的季節」,但其實有一隻歌,我成日唱,但到最近我至真正領悟當中意思...

隨想曲  詞:鄭國江 唱:徐小鳳


前望我不愛獨懷舊 名利我可以輕放手
是我的雖失去他日總會有 不慣全力尋求

難辨你的愛真與否 緣盡我可以輕放手
若你的心想變怎樣都會變 想要留亦難留

渴望是心中富有 名和利不刻意追求
請收起溫馨的愛意 留在心中好像醇的酒

存著要經過春與秋 內心也經過喜與憂
讓我一生擁有輕鬆節奏
心裡無慾無求

要「有求」過,先可以達到「無求」境界,我自問仍未做得到,但現在我每天起身都重覆唱著第一句,提醒自己不要回望;感激鄭國江老師,感激一眾有份大力推廣「集體回憶」的朋友,無你地,我唔醒起做人應該像JOHNNY WALKER一樣
『KEEP WALKING!』

玩夠喇!病夠喇!前面的路再唔起步就唔趕唔上,高高高~`

1.01.2008