12.31.2009

十年如一日...



回顧以往,展望將來,我都只是想做個「毛柿」


「毛柿」 性喜高溫、潮濕和半陰的環境。其耐鹽性佳、抗風力強,而「毛柿」拉丁學名的屬名Dios源自於希臘語的Zeus,也就是天神宙斯;pyros則是果實的意思。Diospyros也就是天神享用的水果之意。要做到「毛柿」其實都不是件易事,所以往後我會繼續努力!

12.27.2009

迷思


有沒有想過,你一生會著幾多對鞋,轉過幾多個髮型,戴幾多副眼鏡,吸幾多支煙,喊幾多次,飲幾多酒精,睇幾多本書,笑幾多次,病過幾多次,遊幾多個國家,同幾多人有過關係,選揀過幾多次,駛過幾多錢,結過幾多緣,欠下幾多債,爽過幾多約,積下幾多孽... 你想過幾多次,得到幾多個答案,其實只要想想你失去幾多,就知自己曾擁有過幾多`.~`

12.26.2009

令我退步的先進禮物



BOXING DAY!做野!我係少數唔多鍾意玩「新科枝」O既直男,可以的話,我想間屋係無電器用品,所以我對住果幾個「解碼器」,成日問自己幾時可以戒甩「TV Surfing」呢個惡習,一個惡習,令自己個廳多左三舊好Q醜樣電器,可惜到現在我仲未戒得甩,不過我會繼續努力!

Printer fax Scanner Copier一直無法入侵我家,都拜果幾個〈解碼器〉所賜,但實在有太多私人東西,不能在街上或公司copy scan或者print,加上現在都是「屙現溫」,自我安慰避見一舊總比避見四舊容易,所以終於買了這部個四眼Sales哥哥話「家下最先進」的眼冤電器!

呢個世界,通常你越想擊敗最憎果個,你就越係會輸俾佢,然後你發現最憎果個,原來係自己!我最鬼憎呢d死人電器,唔研究都要試試點用,試到個Scanner,我竟然失控去做出一件自己經常提醒唔好做的事,懶懷緬走去摷d舊相出黎試scan!好憎自己,被最先進的東西,搞到自己大倒退,不過既然都做ed,不如放埋俾大家笑下!

以下幅相應該有二十年歷史,你當時做緊乜?我強烈建議要click大幅相睇,咁一定好笑好多!

Are you ready?








































































夠唔夠喉?唔夠就再黎多野!下面幅相係二十五年前影,你出世未?同大家玩個遊戲,大家計時,幾多秒內搵到我

準備``




















































我還記得影這幅相時,攝影師苦口婆心叫各位同學「笑下啦!」,然後我大聲說「大家睇下我幾靚仔!」即場傳來不少笑聲,縱使當中九成都是恥笑,但咁又有咩所謂,由細到大,我都只是想引到其他人笑,希望今次我都可以做得到~

12.25.2009

吉7 二十四



阿Ann話出年唔搞PARTY,只係去人搞果D!算罷啦妳!就等如妳話飲過d靚酒,再飲d渣紅酒,就係想嘔同寧願唔飲,出面邊有Party好玩得過妳果度丫!


























大家知道露天飲酒同室內飲酒個分別嗎?
















































露天飲醉d人,行為特別奇怪




例子1:朝偉,王家衛御用化妝師竟然主動話要同我化妝,話我化女人妝好睇(當時迪偉未走)




例子2:憑「意外」得到亞太影展最佳編劇的司徒錦源竟然放低支筆,拿起個鉗不停燒牛扒俾大家食!而最大問題係燒得好難食,但仍然繼續燒,又無人阻止,我DEE!





例子3:右邊「六角」老闆娘竟然話自己似鍾舒漫,而大家睇下阿ANN個樣,再對比佢件TEE個LOGO,係咪覺得個Planet好有希望呢~


最離奇係呢位來處理燥音投訴的警察先生,一眼就認出我「你係電台主持...咩光....香港電台果個...李志岡!」 「咁都俾你認得出,今次DJ先生俾警察先生周到正!」「我認得你,不過你又有d似拍戲果個....又係唔知咩光架!」 「劉南光呀!Sir!」「一定唔係啦!唔知...鄧浩光...定吳浩光...」「係呀....好多人都話我似吳浩光...」「好喇!講番個投訴喇!你地真係唔好再咁嘈,再多一次投訴,就要拉番差館!」 其實我地咁嘈,都係因為你實在太 爆笑!

感謝你帶給我們的歡樂~



感謝妳 Ann,妳慢慢執拾羅喎~`

12.24.2009

想盡興 先準備



誘惑



酒精 ---- 貓



虎視瞻瞻



互相保護








切勿自以為是,單獨對抗




否則被咬住唔放,無力反抗



呢個時侯,只有超人至救到妳,而懂得保護女性的,其實都是超人





快換上令你變身的那一「套」




跟身~ Must 用~

無後顧之憂才可盡興




12.18.2009

Sorrish



有些人很容易說「I Love U」及「Sorry」,容易說I Love U,當然就容易會說Sorry!例子:向情人提出分手時,情人死纏「你親口同我講過I Love U 架!」「Sorry呀!真係好Sorry,妳就當我當日無講過或者講錯左啦!」由於要一再強調,所以會用好多個「Sorry!」,因此到頭來講Sorry係多過I Love U 好多倍;而後來差距變得越來越大,就算減少亂說「I Love U」,但「Sorry」就依然越說越多,就比見面時Say HI還要多,因為好多時我們跟其他人見面,第一句就係say Sorry!「Sorry呀!臨走俾老細捉住,搞左我半個鐘,唔係唔會遲到!Sorry!真係Sorry!」遲到半個鐘都講三句Sorry,更何況有時遲交貨,「Sorry!真係Sorry!我知遲...所以我真係好Sorry!總之聽日一定有...Sorry...我知道遲左好多,但係...總之真係Sorry,我應承你呢次係最後一次同你講Sorry,聽日一定有....我點會熄電話失蹤呀...上次...Sorry羅,今次信我啦.....」而到另一日依然未有貨交,就只可以繼續用無數Sorry去回答及抵擋老闆的爆鬧,令Sorry的使用率達到OVER的程度,但都未夠激嬲情人時的使用量驚人,簡直係達到「濫sor」的地步「Sorry呀!Sorry呀!Sorry呀!我真係Sorry呀!我講真架,我好Sorry呀,你要點先信我係真心講Sorry呀?我無誠意同你Sorry,都唔會Sorry咁多次啦!Sorry呀!你俾次機會接受我Sorry啦!你唔原諒我,我就繼續講Sorry,Sorry到你原諒我為止,Sorry......」真係一sor sor到尾,Sorry N次方!如果環保份子有日關注到「濫用Sorry」的問題,這類「濫梳人」,一定被上街示威聲討

「Save the World,Stop Saying Sorry!」

物以罕為貴,過濫就當然唔矜貴,但最濫的東西,往往就是最大眾化,事實上,「Sorry」常掛嘴邊的族類~Sorrish,佔了人類族群的大部份,就等如唔環保的人,一定比環保份子多。你有試過一日未聽過一句「Sorry」嗎?除非你又聾又啞,仲要盲埋睇唔到人家口形啦,否則你無可能一日遇唔到一個Sorrish,尤其做office的朋友,辦工室是Sorrish盛產地。而成為Sorrish的好處是,你只要用一個最簡單,無人不曉發音的字「Sorry」(就算讀成Solly都一樣通,等如英格蘭同蘇格萬一樣,都是來自大不列癲),就可以肆無忌旦,不負責任去回避一些難辭其咎的錯誤失責行為,無論面對上司,情人,親人,朋友,同事,一有做錯就講Sorry,就算對方聲大夾惡回敬「講Sorry有咩用呀?!Sorry可以解決到問題咩?!」,然後你都繼續死狗地繼續講「Sorry...真係Sorry....」,即使對方拍檯大罵「唔好再同我講Sorry呀!」你仍然可以垂頭極懊悔地,低聲+些微抽泣地說「.....sor..ry....」對方就會自動走開,你未能解決的,對方會係「怕左你!我自己搞」的情況下,幫你去解決晒,而你就可以逃之夭夭,繼續消遙快樂!

所以做Sorrish有咩唔好?!

成為Sorrish,有問題而遇上同類時,就會「梳」來「梳」去,「Sorry!真係唔好意思,我真係幫唔到手!Sorry!」「我Sorry就真,你想我幫,但我幫唔到你,真係Sorry呀!」「你千祈唔好講Sorry!你講Sorry我覺得自己幫唔到手好無用呀,咁我唔單只要同你講Sorry,仲要同埋自己講Sorry呀!」係兩個或以上Sorrish梳來梳去dum波鐘的時侯,就會有「唔抵得頸」的其他族類出手幫你搞掂問題,Sorrish又可以繼續去 梳肝!

成為Sorrish,出到去交際應酬,好容易就可以同人打開話題「Sorry呀!我係咪係邊度見過你呀?」 「Sorry呀!我知好冒昧,不過你真係好似我一個舊朋友,其實係舊情人!」「Sorry呀!你地講緊果個話題,我都想參與呀!」「Sorry!實不相瞞,我今晚真係好需要,妳可以跟我走嗎?」「Sorry!我知我咁講可能嚇親你,但我真係好鍾意妳呀!」

「Sorry」簡直係打開溝通天空的密碼

成為Sorrish,回到家裡,無論你家中的母親,太太有幾煩「問長問短又逼你飲湯」,Sorrish面對她們都頭頭是道,總之無論對方問乜都答「Sorry....」行先 「做乜咁夜返,電話又唔聽?!」「Sorry!今日發生左好多事,不過解決晒,Sorry!我好已經好疲,唔想再講野,Sorry!碗湯聽朝起身飲,Sorry!我想訓先!」,梳到佢貼貼服服,自己就可以舒舒服服!

成為Sorrish,你就可以欠債唔還 「你幾時清番條數呀?!」「Sorry!真係未有!」「咁幾時至有呀?!」Sorry!真係未知!」然後就算換來拳打腳踢的皮肉之苦,Sorrish仍然是意志堅定「Sorry!就算打死我都無用,我真係無!Sorry呀!」

成為Sorrish,你就再不需理會「自尊」、「負任」、「禮儀」、「廉恥」... 能夠放下這些枷鎖,做人一定快活消遙,可惜我對「認錯」仍保持守舊的觀念,就是「減少犯錯,減少認錯!」,所以若要我成為Sorrish,我只能說

「Sorry!我做不到!」

12.14.2009

年聚



由於一月要做黐膠花園,相信聖旦期間會相當忙碌,所以今年聖旦唔搞GATHERING喇!等到出年至搞!大慨係一月十七或二十四是旦一個星期日,至於地點我好想去戶外,我計劃一齊去行山,中環撘船入榕樹灣行過去索古灣,慢行兩個鐘內完成,唔太辛苦,然後有興趣者可以一齊食晏,正到爆!

我深信呢次會好多人參加,嘩!過百人去行,包船入去幾型!詳情時間盡快落實俾大家,但為求搞興呢單野!大家有小小興趣到時會去,都留個言,如果留言都過百,咁到時一定唔止呢個數目,嘩!嘩!嘩!正呀!



立此為証

12.11.2009

我們都是天使



二十多年前,我隔著大銀幕,在柏林穹蒼下,看到墮落凡間的天使~娜塔莎金絲姬,不可能的淒美,不可能的意境,不可能的發生,永遠只會出現於大銀幕裡,FARAWAY SO CLOSE

我不相信背後有翼,頭上有光環的生物會存在,至少在大都市我未見過!但我深信〈天使〉是存在的,而事實上我們大部份都會見過或碰過〈天使〉,放心!我不是說「萬勝節」或「夜場」做promote時,你見到的火辣天使,我是說你曾幾何時總會因某某人的行為,態度,不開口亦暗地裡說過聲「佢點解對人咁好!」,那一位「佢」其實就是〈天使〉!

「點解對人咁好」呢句包含了難以相信的反問,自慚的慨嘆,唔抵得的苦澀等多個層次,而凡人都相信凡事都是等價交易,所以無事獻殷懇,非奸即盜,所以面對的而且確仍然有不少數目存在,唔相唔識,無緣無故,不問回報而對人好好的人,在無法解釋之下,於是就以「天使」去加冕他們,說穿其實是話他們「唔係人!」

凡人努力為薪水,換來只有滿肚苦水,成份最濃的,叫「做人」,難度你不認同做人好苦嗎?所以不如唔好做人,去做天使吧!放心!我不是說要你去開間「天使吧」 Angel Bar,我是說像天使般,無私地待其他人好,如果你立刻就答「你都黐x線,我日日俾人小緊呀!你叫人對我好d先啦,扮偉大!」其實你更加要對人好,盼以身作則,令到更多人明白以德報怨這訊息,進而傳達開去,就像病菌一樣,一直蔓延開去,每一位都變成無私助人天使,而當天使多過凡人的時侯,你想再有「人」對你差其實都幾難!如果你聽完仲火過之前,少安無燥!咪當吹水廢UP~`撈碧刁

You may say I'm a dreamer
But I'm not the only one

I hope someday you'll join us
And the world will be as one


上星期朋友傳來一個短訊,看到萬千星輝領獎禮,李添勝先生在奪得「演藝大獎」後的致謝詞,說令人感動得淚流披面,我到今日才有時間觀看,簡單的幾句「做人小D私心,多d公道,對待上司下屬多一份尊重!」這是他四十年來的態度,我想添哥也不是一開始就做得到,但只要你不放棄,終有一天,你可以做到無私助人的小天使!

頭上的天使,其實都是我們的倒影~`

12.06.2009

什麼是快樂



這個景永遠令我快樂
聽到朋友的好消息令我好快樂
不停工作令我更快樂





又回到ATV,財神到,當然快樂




她很快樂,因為她好清楚自己要什麼



當你去一個地好多次,而有半數都是免費,你點會唔快樂,嘻嘻~`



有工開,仲係電影,仲係港產片,無可能唔快樂




可以同佢地同台,咁榮幸點會唔快樂~`

如果你對呢個人有點印象,你見到佢呢個死樣,你點會唔快樂



呢個組合,呢d顏色,呢次合作,你睇到一定好快樂,因為我快樂,所以你都快樂





後記:令到其他人都快樂,自己就會快樂,若然辦不到,至少亦不要令到其他人不快樂!記者朋友把我「frozen」的blog放了上報紙,當中我為求效果,寫大左Janice Man有個鏡頭 NG左十幾次,令文小姐形像受損,我一萬個不該,希望文小姐無因此而不快樂,影響演出,否則我要同導演郭子健及黎生再要講聲「唔好意思!」,不過最緊要都係搵人睇完同佢地講番,因為我知道呢篇記者朋友一定唔會登,就算登都只會登相片,無文字~

12.04.2009

是堅 茄牙



我認識唔係「基佬」,但又好注重皮膚護理的男人,就只有吳鎮宇一人,其他有經常護膚的男人,通常都係女友幫佢護,女友越多,皮膚越靚,大家見到我皮膚狀況,就知我有幾多計仔啦!關於是堅茄牙,我只是認識皮毛,不過咁就夠啦,咪就係要認皮毛之麻~`

買本DEC 3出版果期MILK睇,就唔止睇到皮毛咁簡單~`

11.30.2009

Frozen



這部電影還未有中文名,但英文名「Frozen」,我就覺得改得好貼題,「冰封了愛情,才可歷久常新~」,正!






















我一個星期五晚都係對住一班仔,難得有機會一晚見到咁多「女」,話無野唔高興,你都話我「虛偽」啦!所以我怕咩話你知「我真係好興奮!!」亦都唔怕再坦白話埋你知,「最令我興奮都唔係班女,而係一個男人!」






星期六咁岩睇到有線電台二台翻做「情迷大話王」,我先發現上次同佢合作,已經係八年前,上次是演佢的朋友,今次亦不例外,正!








同黎生開工人是一種高級享受,佢係「精神領袖」,不但有自己態度及精神,仲不停會令身邊的人好精神!「想提神,去幫其他人提神!」

Janice Man有一個鏡頭,拍了十幾個Take仍未演得到導演要求,JM問黎生「有咩方法可以演到導演的要求?」黎生微笑答她「只有一個方法,就係唔好去諗有咩方法,繼續做,妳做到之後,就會知道係用左咩方法!」

「要convince到觀眾,一定要令觀眾唔覺得你係度convince緊佢!」

嘩~嘩~嘩~

我點會唔為你而興奮丫!









不知不覺,郭子健已經拍到第四部作品,時間過得真快,就像黎生所言「同時間競賽,會輸雙倍時間,同時間拍拖,會無輸無贏,真正的贏,是我們都忘記了時間!」同黎生「金句」一樣,有些東西,還是諗少d為妙!

11.27.2009

我愛校園生活





































如果晚晚是這樣,我會好有興趣重返校園~` hee~`