5.31.2010

給失意的你



XX
昨晚得知妳工事,私事齊失,一時間,磨碌又忙碌的我,想不到任何回應,當回到魂的時侯,你已經走了......
其實「失去」是一件好事,因為只有失去了,才有空位填上新東西,組織新的一個「你」,幾多人都恨突然間推牌從頭開始,但最後都係無勇氣,現在個天安排各種遭遇,令你可以重頭再來,就算你唔恨,呢d始終都係妳「福氣」,好好享受吧!不要「折福」呀!

終有一天你回望呢一刻,你會感謝所有令你失落過的遭遇,因為你已經從這些遭遇中成長,變得更成熟,更堅強,為那一個美好的「你」努力吧!

撐 下去X1

5.30.2010

New Moon


很久沒有試過,看那套電影的時侯,就決定一完場就立刻去買那部戲的SoundTrack,然後一直聽都唔厭,上一次有這種魔力,已經是「Lost In Translation」,呢隻「New Moon」SoundTrack真係好勁!,聽咁耐一d都唔厭!
我唔鍾意「Twilight」,但好鍾意「New Moon」,可能因為呢集由Bella出發,乖女愛上吸血彊屍,就等同富家女愛上古惑仔一樣,這種「天若有情」式愛情故事,一定浪漫淒美,再加上d迷離音樂〈http://www.lykkeli.com/〉,〈http://www.youtube.com/watch?v=g13z1Kfmp5E〉
隻Soundtrack,我每日至少聽一次至頂到癮,一邊聽腦海一邊出現戲中畫面,同Bella同步去追憶男主角 Robert Pattinson每一個型到爆的畫面!我認為Robert Pattinson一定係新一代Johnny Deep,甚至會超越「哥」成就!其實我認為唔係甚至,係一定會超越!



我刻意係未睇「驚動了愛情」之前,發表對Robert Pattinson的高度期望,係唔想睇完之後會有所動搖!所以大家就算睇左,都唔好話我知「好唔好睇!」等我自己去發現!


未睇之前,繼續睇我的「New Moon」,聽我的「New Moon」,突然覺得自己好Edward Cullen!又唔駛噓,無人話「吸血彊屍」唔可以係肥,「吸肥彊屍」專吸人d肥膏,所以至搞到自己變肥屍,掂呀!呢條橋直頭拍得啦!名都諗埋,就叫「Fat Moon」 啦!

5.26.2010

慢嘆



其實現今年代,每日我們要準備同其他人些榮的「資訊」,真係多到未消化得切,下七單已經殺到,「FB」、「WB」、「BLOG」、「Twitter」、「MSN」、「SMS」、「EMAIL」、「Forum」......各地盤的料不能重覆,而每單料最多燒你一兩個鐘,一日無一百幾十單料,都幾難係網上稱雄!

我們的日子應該這樣囫圇吞棗嗎?活得快速就等如快樂嗎?

我和你一樣,一邊鬧,一邊繼續參與,因為我們都怕被時代淘汰!但我信真正的快樂,是可以last好耐,過了一排回味,依然精彩!

http://www.youtube.com/watch?v=Ljs6NhsyMzc&feature=player_embedded

感謝「阿SAM」,在忙到甩轆之中,仍然抽時間幫我剪出這個「最後版本」,雖然當中有少許東西,我私下修改了,但絕對是因為怕煩到你,絕無侵犯你作品之心

一個多月後再看,依然笑到氣咳,快樂應該是這樣恆久的~`

5.24.2010

背後的人




我會背後保佑大家,誰會在我背後massage?

5.17.2010

歐standing



當我被脊醫按得痛苦萬分,面容扭曲之際,我聽到他們其中一個說「嘩!呢個歐凱光,其實都幾靚仔!」

我鄒凱光真係代歐生好多謝你地!歐生確係 歐standing 的 ~`

5.13.2010

緣份又到


收到天窗出版社的電話,說「愛情補藥黨」會出版e-book,仲話會有什麼icon係i-phone,facebook出現,各位i-phone朋友,記住留意留意,多多支持我!臨收線之際,出版社的R小姐問我「你幾時再出書?」呢兩年有人問我呢個問題,我通常都會答「我都諗唔到寫乜?」,但果刻我竟然不加思索就答「我READY架喇!不如妳聽聽我呢本書想搞乜...... 」然後我係完全沒有想過之下,用了一分鐘把我想做的告之,然後連書名都出埋,仲要聲明不要在七月的「o靚模展」搞簽名會.....
又一次証明「無計劃,就係最好計劃,要發生的事,未發生是因為時機未到,急也沒有用,不如去做其他事先,總好過齋坐係度浪費光陰,所以切記「與其坐係度發呆,不如等突如其來

5.11.2010

望穿秋水


今日跟高層談論咁個演出的時侯,他說「講左通常唔會做,所以不如唔好講就去做吧!」,這個道理我當然明白,所以我通常都唔講,亦唔做,但人活到幾十歲,可以的話,講得出都最好做得到!所以我聲明,UB.COM仍然不間斷在進行中,係遲左好多!但信我好快好快就會面世,同到時你一定唔會失望!而曾經講過「418」事件,會剪輯成MTV,我無呃過大家,但負責剪片的好朋友,用超慢工去製造超細貨,所以過左成個月都未起到貨,幸好我仲有其他朋友肯出手,剪了一個MINI版,俾大家吊住癮先!拉落右邊有得睇!睇完鍾意記住留言,俾D壓力果位超細貨大師快D起貨!



OK!高高高`~` Go to Currently Playing~`

5.09.2010

First time whenever I saw your Face~`



都唔好話俾咁多女圍,晚晚見住都係仔仔仔,真係女都好耐無見過,(迪偉唔計數),我興奮到無法按捺,腳都豎起埋!啋~`真失禮!




我覺得從前的妳肥一點比較現在好看,因為我認為有肉地的女人比較性感~`


不經不覺,已經識左佢十幾年,不過我仍然覺得「衫戀無限touch」的最好看!

人總是先入為主,所以第一印象是好重要,就算無法令人第一眼就愛上你,都不要讓人第一眼就開始討厭你 !

5.06.2010

什麼人做什麼事



他名叫麥卡倫,是足球教練,曾經令英格蘭歷史性無法晉身歐國杯決賽周,成為英國人的罪人!今年他帶領荷蘭足球隊川迪,歷史性地奪得球隊首個聯賽冠軍! 某些人是負責產造歷史的, 無論是名留千古,還是遺臭萬年!


你是負責什麼事,就會有什麼遭遇!

5.05.2010

愛妳沒理由

我總覺得「格仔衫」係好襯「屋村」

而我又好襯佢


我呢期好鍾意佢,因為佢越來越o靚妹,別扭撤野,喜怒無常,精力充沛.... 令我想起曾經聽人講過「女人到六十歲,就會重頭由一歲開始過,而男人就到四十歲都依然像個十八歲少年」,咁一個十八歲少男愛一個十三歲少女,都應該唔算係忘年戀,或者戀童僻掛



其實我最愛妳的地方,是還可以近距離活生生的看到妳!