5.31.2009

你安樂,因為我安樂``



據說「貓」喜歡逗留的地方,都是不太好的地方,但龜肯住的地方,就一定是好地方,而龜只會住得安樂,才會有胃口食東西!



見住你地食得咁暢快,我都好安慰,做人做龜都好,都係求可以食到餐「安樂茶飯」,不過搵食難,搵餐安樂茶飯更難,所以「你安樂,即是我安樂,希望你們永遠安安樂樂!」












搵食真係好艱難,所以一定要有個好強的動力在背後推動,「我唔食,D龜仔都要食架!唔食邊有力表現單臂大回環你睇..」,用呢個心情去面對「又要返工」的星期一,未必一定有幫助,但至少個心會好過一點~`

5.26.2009

醒晒~`



「Ann Choi!想聽聽我對妳泰國新果輯相評語嗎?」
「講啦!八公!」
「妳輯相令我第一次覺得婚禮係好玩,好正同好型!」
「只要件事開心就會好玩,好玩就會型!」
「但點解係Facebook到睇,正過係妳blog睇!」
「你又問「點解」喇!」
「咁我真係想知點解丫麻!」
「解左你都唔明架啦.....」


唔解就算!我自己慢慢研究!(唔該各位幫幫拖)
http://annchoi.blogspot.com/

http://www.facebook.com/album.php?aid=22092&id=1451273225 (睇唔到add佢喎)

5.25.2009

Let the memory live again



她告訴我們,就算起步不順利,只要放輕心情,開心的走每一步,最終還是會看到朝陽!

and soon it will be MORNING~`



LOOK! a NEW Day has Begun~`

5.23.2009

心麻必必蹺



很喜歡今日的天氣,灰茫茫的一個保護罩,能抵擋著狂風暴雨,讓人可以安安樂樂的入定發呆,沉澱淨化心靈,然後相信這一刻的感覺!

這一刻〈我突然好想BBQ..〉伸延到〈我好耐無BBQ〉,再伸延到〈不如搞個BBQ GATHERING〉,再再伸延到〈不如六月第三或四禮拜搞,就埋要考試的人〉,再再再再伸延〈我係網上搵到個「我」OK的地方,如果有一百人就可以包場添...〉〉,再再再再再再延到〈不如係度試下水先,會有興趣六月第三或四星期(周末)參加BBQ(費用一百蚊左右啦)的老友,報上名來,夠人多就搞,我又問下迪偉有冇興趣參與先〉

來吧...我什麼都歡迎

5.22.2009



同操啤唔順要「倒牌」,打麻雀好黑要「過三戙」一樣,面對困局就要轉一轉!



同一樣東西,但位置改變,看到的會是不一樣,因為新鮮感是讓我們發掘好東西的催化儕...



雖然咁整齊唔多似我,但我係得到空間與改變自己當中,我好明顯係揀了前者,然後做埋後者;以後要找東西,將會易如反掌,不過......我依然懷念在混亂中,終於搵到的興奮「終於搵到你喇!」,「原來係呢度呀!」,「我以為唔見左,原來係呢度」、「肯死出黎呢咩!」嘩!果種重遇失散家人的激動,真係想起都立刻把書櫃搞亂!或許下一次要轉的時侯,才是要重拾這種感覺的最佳時機,「亂!你要等我呀~`」



細屋轉大屋,唔見一欏BooK,我的書越來越少,酒越來越多,影碟越來越少,藥越來越多,但最多的竟然是「舊相簿」,不禁令我想起,在cd的年代,我最多的是黑膠碟,但到現在,莫講是黑膠碟,就算cd我都已經唔多,在這個數碼攝錄年代,我依然有很多用藥水沖曬落「相紙」的舊照,到某年某月某日,我們擁有的,可能只是無數咁多個sever,仲係見唔到,因為放晒係虛擬網絡上面,我們得到過,擁有過,存在過什麼?我們又是什麼!?當我們什麼都不是,我們還怕什麼,煩什麼,憂什麼?放心!我唔會跟住唱「為什麼生世間上...」




當你轉動一樣東西時,這東西就會發出動力,然後變成能量,去轉動你腦袋,去胡思亂想又好,去思考人生又好,去思念家人、愛人,賤人都好,想民族,諗咸野都好,只要你肯轉,個腦就同步轉動,生命亦同時有所轉變
「你的一少轉,人生的一大變 !」
















5.18.2009

換轉是你 易




上文題要:友人跌銀包後,以為遇到好人,原來最後被勒索,以一千銀買回屬於友人的「謝安琪吶喊演唱會」入場卷兩場,而友人因怕煩無報警,轉向我求助,我就順勢將個波踢俾同友人一齊訂票的另一位朋友身上,令友人叫呢位朋友到時在現場,質問旁邊座位的那兩位 「但另一位朋友機智過人,先下手為強說「我果兩張飛一早賣左俾其他人!」,後友人良心發現,但打電話找那個「賣票勒索黨」的電話號碼已取消,而令友人放下心頭大石,不必再擔心因為自己「怕煩」而姑息養奸!故事似就此結束之際,竟然那另一位朋友良心發現,其實票從沒有出讓,然後問我應該點做?真的要問旁邊的人「你地張演唱會飛係邊度得番黎!?講呀~~`」

我怕煩,唔想一而再,再而三討論呢個問題,所以我索性叫這位另一位朋友不要去睇!因為就算人到,個心都只會關心在旁的那兩位,忐忑於如何開腔問他們「你地D飛係點得番黎?!」,咁煩點會有心機睇個演唱會,所以「唔去睇就唔駛煩!」
另一位朋友聽罷極之認同,收線之是決定不會赴會,但俾了大拿拿八百大圓,無得回水但無得睇,越想越覺得無道理,講俾其他人知,都一定俾人笑,無理由為「怕煩」,而失去親眼看看謝安琪的機會!都說另一位友人機智過人,她無情情向男友重提舊事,當年男友送她回家,巧遇屋村公園必備的 「疑似黑社會的無聊無賴」,男友為保護她,一個打三個,最後擊退對手,「好MAN ! You re My SUPERHERO!」

〈要女人開心,讚她靚;要男人開心,讚他叻!〉

一個人開心,分折能力及判斷能力都會同時下降,這一位SUPERHERO竟然應承代她出頭,到時問旁邊那兩位「你地D飛係點得番黎? !!」,咁都應承,你話佢係咪傻左?伯原來傻果個係我!
十五分鐘後我收到SUPERHERO電話,又由頭到尾將〈跌銀包〉事件講一次,然後話口快快應承到時要問旁邊的人「你地D飛係點得番黎? !!」,現在後悔莫及,但應承左而到時唔做,之後肯定有排煩,所以求我幫佢諗條橋,來避過這一煩!
其實助人是快樂之本,幫到應該幫人,但我回心一想,我如果諗到條橋幫佢,佢女友又會搵我幫佢諗條橋逼佢肯就範,然後佢又再搵我諗條橋推搪佢女友....咁我咪永遠都諗唔完,同自己鬥自己?於是我將就計,順水推舟「你有冇搞錯呀!?你係咪男人黎架?!竟然連咁小野都幫唔到個女友!妳女友仲咁崇拜你呢個SUPERHERO!原來你你係SUPERZERO,零分人!」
終於SUPERHERO遇到寶藥黨,火海刀山都為你闖!SUPERHERO臨出發前,係屋企做左一百下掌上壓,仲練左兩個鐘拳,然後谷到件加大碼恤衫都爭D著唔落,然後就出發為民除害!

然後....我就再無收到關於呢件事的消息,我有不祥之兆,SUPERHERO嚴刑逼供,錯手逼手疑犯,但翻睇報紙,只有謝安琪與陳奕迅的緋聞,沒有任何死人...我怕煩...所以寧願知小D,都唔會主動去八,但換轉是你,你會不會想知真相?

5.16.2009

換轉是你...




前幾天,友人不慎跌了銀包,幸好銀包裡放了一張小艷照,照片後面寫著「錢全歸你,但補咭、補身份証實在煩死人,求大俠把錢以外其他東西,交往警局或到電9xxxx98x,聯略我傾談取回事宜,一定有薄酬」,而世上又真有如此好心地的人,肯親身把銀包拿到友人公司樓下,親手把銀包交還給友人,雖然內裡那幾百圓已不翼而飛,但友人仍然感謝這位難得的「好人」,給了對方三百大圓作薄酬,對方沒說「多謝」,袋了錢就走,臨行前跟友人說「有問題可以打「顯示」的電話找我」,友人心裡面反問「有咩問題?」,但表面上依然是笑笑點頭了事

幾小時後,當友人在MSN上大字標題寫著「世上還有小撮是〈好人〉」,同時亦收到另一位友人的msg,相約(16/5/09)去睇謝安琪演唱會事宜,友人才醒起,兩張謝安琪的入場卷,到手當天就放進了銀包去...友人急忙打開銀包一看,終於明白那位世上小撮好人,說「有問題」致電找他的意思了!

於是友人致電給對方,電話甫接通,對方開腔就說「放一千銀落於你公司大堂詢問處,收錢後會把門票放回大堂」,對方說罷就收線,友人拿著電話,氣得不懂反應,最後向我求助

「我可以放棄不去看,但對方也會把我的票賣給另一人,就算最後賣不出,佢自己去睇,我也不甘心!為什麼對方可以不勞而獲,助享其成!?」

我知道友人是那種「怕煩」的人,如果我勸友人去報警,友人一定不會去,然後就會用多一千個原因,解釋為何不想去報警,到時煩到果位,只會是自己!所以我第一時間大腳解圍,將個波踢俾比另一位友人
「你訂票時訂四張,就叫買另外兩張票的朋友,到時質問旁邊那兩人吧,『誰給你今晚的兩張票?』」
友人被一言驚醒,連忙收線然後致電給那位朋友;三分鐘後我就收到連環口訊,首先是那位朋友給了我二十個「賤人」,不久就收到朋友說「賤人始終贏不到聰明人,我已把門票賣了給其他人,煩不到我的!」,然後....個世界竟然慢慢靜下來,不竟在這個營營役役的地方,還有很多事情都比不見了兩張〈謝安琪吶喊演唱會〉入場卷,然後比人屈錢更重要,更急住去辦,看到友人的MSN上標題寫著《還好我的〈五月天〉不是放在銀包內!算執番身彩!》

事情看似就此完結,但今早友人突然說不能姑息養奸,決定假裝應承對方,引對方到公司大堂,然後報警,待警方處理,難得友人肯唔怕煩,我當然小說話,畫快收線去配合友人行動,免得友人轉頭又改變主意!但我收線後不夠一分鐘,友人再致電給我,語氣喜孜孜「條PK個電話停用了,今次算我不幸,佢好彩!」,友人之所以喜孜孜,是因為盡了責任,但又不用上身,不用受良心責備,亦同時讓事件完結!

我都是怕煩人,所以我明白友人的心情,亦替友人鬆一口氣,但換轉是你,你又會這樣處理嗎?你會怎樣處理呢?

十五分鐘前,另一位朋友來電,「我良心發現,我的票其實不是賣了給其他人,我今晚應該點做?真的要問旁邊的人「票從那裡來嗎?」

我還未想到點答.....

5.09.2009

答案

想著你的問題,揀選由一至一百其中一個 號碼,你的答案就會出現


















1〉不要為小問題,忽略了其他重要的事情
2〉最壞之後就是好的到臨
3〉放下自在
4〉理解後就去享受吧
5〉世事難料
6〉不要為無法預知的東西傷神
7〉未到最後,未知真正結果
8〉你最錯可能是以為自己是錯
9〉最壞的事,是最好的鍛練
10〉最壞的人,是最幫到你的菩薩
11〉用貪玩好奇去面對真相
12〉見一個你從不會見的人
13〉不可以!是因為你決心不夠
14〉最好的東西是值得等侯
15〉你應該說「多謝!」
16〉活著就有希望
17〉享受過程
18〉留意細節
19〉穩步向前
20〉想得太多
21〉不吐不快
22〉不要猶疑
23〉是時侯開創新一頁
24〉失去的未必是最好,最好的已長留心裡的
25〉沒有保証
26〉不要以氣用事
27〉若無法接受,不如一切照舊
28〉很快就可以解決
29〉到別處走走
30〉你學會了珍惜
31〉向專家請教
32〉接受改變
33〉無問題
34〉妥協是妥善協調
35〉力爭到底
36〉不要心急
37〉慷慨一點
38〉先完成最重要的事
39〉活在當下
40〉一個新形象會幫到你
41〉找一位陌生人傾訴
42〉酒入愁腸愁更愁
43〉愛你的人不只一個
44〉小休一會
45〉你做得到的
46〉實際點
47〉把握機會
48〉許一個願望
49〉失去是要你學習珍惜
50〉不快樂或許是因為要求太高
51〉知己知彼
52〉留力
53〉莫為小善以不為,莫為小惡而為之
54〉要客觀
55〉快樂不是你擁有得多,而是失去得小
56〉不要回望
57〉不要忘記享樂
58〉細心聆聽
59〉一笑置之
60〉若無閒事掛心頭,便是人間好時節
61〉給自己一條底線
62〉不要浪費時間
63〉多用十秒才決定
64〉多用你的想像力
65〉一念天堂,一念地獄
66〉算罷啦
67〉冷靜!火遮眼就什麼也看不清楚
68〉別要為不顧你生死的人動氣
69〉自憐不如自強
70〉用十個原因推搪,不如找一個原因去做
71〉將不滿化成幫助其他人的力量
72〉送一份禮物給自己
73〉寂寞是因為你不懂跟自己相處
74〉慎言
75〉講一句粗口發洩
76〉曾經參與,比是否成功更重要
77〉高高高
78〉不肯面對而逃避,百害而無一利
79〉去造愛
8o〉以為完了...其實還未開始
81〉人善人欺天不欺,過到自己就ok
82〉享受獨處的時間
83〉責怪人不如檢討自己
84〉鬥氣不如爭氣
85〉給最後一次機會
86〉去做義工
87〉嘗試往相反的方向走
88〉寬恕
89〉向家人傾訴
90〉放輕鬆
91〉DEE爆佢
92〉去照照鏡
93〉損失的不是你
94〉你是最好的,你知道嗎
95〉生命誠可貴,遠離屎勿鬼
96〉面對總比逃避省時
97〉在高築的圍牆開一度門
98〉遵守遊戲規則
99〉做一個有GUTS的人
100〉找一個寧靜又空礦的地方,沉殿五分鐘

5.06.2009

天地世人




天下有兩難:登天難,求人更難
地上有兩苦:黃蓮苦,貧窮更苦
世間有兩險:江湖險,人心更險
人間有兩薄:春冰薄,人情更薄

知其難、忍其苦、測其險、耐其薄,可處事矣

天下有兩易:得到易,失去更易
地上有兩甜:愛情甜,親情更甜
世間有兩忙:工作忙,扮工作更忙
人間有兩悶:活著悶,不懂得去活更悶

慎其易、受其甜、享其忙、捱其悶,可過活矣

5.05.2009

壓力



我認為生活壓力不是來自工作,不是來自經濟不景,不是來自H1NI....壓力是來自當你只希望休閒十六分鐘,但同時偏偏就要上演一場「死亡抹窗」

其實我想大聲叫佢「So Danger!Don't do that!」,但我驚一叫,會嚇到佢跌落街!唔叫唯有唔望,但仍然驚突然聽見身後一聲巨響,然後....終於俾佢搞到離開現場,但都驚聽日報紙會見到佢(我住果頭早排真係有人抹窗,從二十樓跌落街慘死),終於我做左一樣時下最流行動作,將佢capture左落黎!過程仲好黑心咁諗住,妳要跌就而家跌,橫豎妳都唔要命,死之前俾人賺多筆啦!又算妳好彩,我無運,拍至佢肯爬番入屋,乜事都無發生,只係我無左十三分鐘《開小差》之麻!Dee 佢 !Dee爆炸佢!

這個世界,總是別人緊張自己,多過自己緊張自己!其實人家都唔緊張,你緊張咁多做乜丫!呢d咪無謂壓力羅! 唉~~`

5.02.2009

咫呎天涯



有些人,你認識了幾十年,見面很小,傾談不多,但從沒有疏遠過,就算對方遠在天涯,我們的心依然是近在咫呎!我興幸還可以擁有這樣的朋友,真是十分難得....

有些人,跟你認識日子不久,卻曾經親密過,牽掛過,甚至乎愛過...可惜來得快,走得亦快,但因為那短短的幸福時光,我們就會掛念對方一生一世,直至某年某月某日,你在某地重遇對方,你急不及待,睜眉弄眼走上前跟對方打招呼,卻換來對方一臉惶恐,然後冷淡不望你一眼,低聲拋下一句「我無預過見到朋友!」
就算當時你們有多接近,你跟對方的距離,比看不見的還要遠.....

兩心相知,天涯近在咫呎,貌合神離,咫呎之間,也像相隔天涯!