1.31.2010

波可以咁睇




去Ball要有LooK,睇Ball都要有!





How '.s BALL LOOK?



有腸光的英國,會令人開心到D平時唔肯做事,例如咁娘同吉祥物影相!




食飯的BOARDROOM內,全是兩隊球隊班主,高層,貴賓聚集的地方








余懷英!如果你是跟我年紀差不多的球迷,一定知佢係邊個~`




PETER PANNU球隊Vice Chairman,一位講廣東話比廣東更出色的西人







伯明翰的球場比我想像中大,但主場球迷的聲音比我想人像中細,場波比我想像中精彩~`



這次經驗比我想像中來得自然,咁樣睇波比我想像中難忘!

1.30.2010

BirmingHAE



去倫敦,直航十二個鐘機程,零晨上機,飲飽食醉,兩點前訓得著,順須利利訓到七八個鐘,起身睇兩套戲,打一陣機,食多餐就到

去伯明翰,無直航,要先飛八個鐘杜拜,零晨上機,兩點先派餐,食飽飲醉,順順利利都要四點半至訓到,何況機上面有初生小生命,佢一日未訓,你就算訓著都一定會被佢超高分貝的喊聲嘈番醒,終於我睇兩套戲,打一陣機,個小生命終於喊夠,我可以放心訓,機長就宣佈即將落機....

去到杜拜,又要等兩個鐘轉機,個機場大到成個杜拜咁大,但竟然可以無辦法搵到張凳攤抖下,終於我放棄「就死唔搵唔到位!」呢個幼稚任性羅苦黎辛的無謂信念,決定坐地下,其實係決定唔理咁多,係地下訓一陣,此時機場宣佈「由於接送往飛機的穿梭巴士出現問題,希望客人提早登機,於是我dee了一聲,然後又爬起身去排巴士,搞左半個鐘終於上到機,我一望自己個位,開心到笑左出黎,坐係我隔離位係一個樣子身材都相當不俗的女子,我知道跟住個七個鐘我應該唔駛訓,因為佢抱住一個細路,仲係傳說中「又扭計,又百厭,又成Q日放聲大喊.. 」果d討Q厭細路,其實呢種細路應該列入危險品,不准攜帶上機!終於我犧牲連埋DELAY,大拿拿八個幾鐘睡眠時間,去鍛練自己的EQ及忍耐力!仲試到我一把年紀,但依然好捱得眼訓!






經過二十個鐘的折磨,我終於來到伯明翰,出機艙感受到的第一啖寒氣後,我知道為了這啖「英國味」,再辛苦也是值得的;過關的時侯,女官員問我來伯明翰什麼,我當然好行咁答「觀光旅遊」,女官員有點錯愕「有特別要去觀光的地方嗎?」我見她有點不相信,就直接答我是主要來睇波,女關員繼續追問「那兩隊對賽呢?」,「伯明翰對熱刺」女關員再問我支持邊隊,我左顧右盼,低聲地告訴她「我其實是來捧熱刺!」女關員放聲大笑!我連忙解釋我是只是講笑「其實我是維拉的FANS!」女關員笑得更利害,呢次我係二十年來,第一次係英國入程是開心歡樂,而呢個美好片段就發生係伯明翰,我點會對呢度無好感喎!







而事實上,伯明翰都無乜值得你唔鍾意,因為伯明翰根本就乜野,所以難怪女關員會質疑我是來「觀光」 ,伯明翰一眼真係睇得晒,但我真係鍾意呢度 !!


因為咁無野的地方,你就可以好盡情咁hae!!





有人問我「咁遠走到去,留係酒店唔出街,你過去為左咩?」「我為左離開香港!」

1.28.2010

出發



Don't Worry,will take you back to HM safely!GOGOGO~`


Catch Me if U can ~`

1.24.2010

披星戴月



最忙的人,是扮忙的人,其次就是無事忙!我很忙,卻不是上面兩種,有聽過一小滴墨汁,就可以把一杯清水弄污的道理嗎?我的忙就是常常為了這一滴。

這個星期的168小時,本來隨著上星期日的「開心行山」之後開始,除了十七小時電台做節目,四十二小時睡覺,其他的一百零九小時,理應有一半用來度劇本,而另一半就用來吸收(睇書睇戲睇人睇事睇物),但星期一收到妹妹來電,求救要我幫佢為某明星寫篇二千字article作工作之用,家人就有這個好處,我根本無需要考慮就去做,因為家人有事,無得唔幫手!

作為寫作人,寫二千字其實是好個好濕碎的任務,但作為一個寫作人,寫二千字其實是個好Q艱難的任務,仲要大品牌大明星,再加上妹妹從來禍不及家人,拉到我落水,形勢一定好險峻,我一寫衰,就兄妹一齊衰,影響家聲,因此呢個星期,除了電台的十七小時,及三十小時睡覺時間外,其他的一百二十小時,我都全奉獻給這二千字

或者你上星期會係街上面見到我,然後懷疑我都唔係秒秒鐘坐係度寫,我當然沒有秒秒鐘都坐定定寫,如果可以坐定定,即是諗到點寫,咁我仲點會出街,但出到街無論食什麼,見什麼人,腦裡面仍諗著點寫,但越諗就越諗唔到,諗唔到就越要諗,二十四小時不停站纏擾著你,最忙就是這樣,明明是一件小事,但偏偏無法盡快完成,但時時分分秒秒都想著,然後心理生理錯晒,情緒差,出暗瘡,period亂晒,古靈鬼怪,無晒交帶...I hate it!

這不是藉口,但咁多年都未有新劇本,都是每次好怕面對果種心事有誰知的文字獄生活,古語有云「有仔襯嫩生,有字襯嫩寫!」,生仔同寫仔用的氣力其實係差不多,現在有開刀生仔,所以寫字應該係辛苦好多!

經過幾過百小時的折磨,終於交貨出獄,別以為回到現實世界就可以得重生,那一刻才是最痛苦難過的時侯,等待人家看過之後的回應,是比等死更難受,這個時侯多希望電話快響,又多怕電話響,如果呢個時侯收到cold call,就真係及時雨,可以俾我發洩一下內心的不安感!可惜cold call同情人一樣,你需要時是絕對不會出現!於是辛苦了幾隻龜仔,煩到佢地縮晒入殼都仲未停嘴,而這個時侯終於收到電話.....

「Thx~` They all like it!」

每次聽到對方收貨,我都會勁鬆一口氣,然後講句粗口「舒x服晒!」,但今次感覺好唔同,我講完粗口,然後釋懷地說了聲「好彩無辱到家聲!」

然後當任務真係完成,就會好想同愛的人食餐好,以前我梗係會約女,但現在我除了約女外,仲會約多條仔一齊食







什麼創作人,寫作人的生活就係咁痛苦,如果你都仲想做,首先唔係要問問自己有冇創作力同忍耐力,首先問問自己有冇愛的人,可以在最痛苦之後同你食餐好!

1.17.2010

ITs Wonderful~`



好玩到飛起,唔信自己睇

























































































































唔理閣下是因為什麼原因唔到,總之今日你無參與,肯定絕對一定確實definitely absolutely不容置疑是閣下損失!

敬請留意下次行程〈踏車BBQ〉

1.15.2010

關於星期天



最後confirm,星期日十點半前,於中環港外線碼頭往南丫島榕樹灣人口聚集,遲到者絕不等侯(包括我),請自行撘下一班船,可以攜帶不同國藉「男伴」、「女伴」、「老伴」、「嬰兒」、「狗隻」、「龜仔」、恐龍」、「外星人」.....等同行....
見面說「早晨」者就係灘友,現場有限量tee shirt贈送,送完即止...

天氣繼續好,直通星期天~`


see u there!

1.11.2010

正式宣佈



2010年「灘聚」之南丫島行山之旅,將於本星期日(17/1/10)舉行,有意一齊由榕樹灣行個零鐘去索罟灣,然後有興趣可以留低一齊午膳,傾下偈,享受下周日美景的各位人仕,其實唔駛特別報名,只要星期日十點半前出現於中環港外線碼頭,一齊撘十點半船入去榕樹灣,如果你嫌太早或者到時有事遲到,你可以撘下一班或者再下一班或者再再再再下一班船入去,有能力就追番我地大隊,或者之後係索罟灣見面。

咁當然如果你肯定會黎,咁又唔怕留低你名,我會有件tee送番俾你,(不過好似得十幾件,手快有..)但如果你甩我底,搞到我抽住袋tee,我會咒到你一世無晒桃花!問你怕未!

到時如果要識別是自己人,見面就講「約左凱灘去行山,跟住一齊食一餐!」 高高高~` YEah!

1.10.2010

很快樂~`



每個人做每件事都有不同原因,但表面你以為的,好多時都不是你以為的原因...



我想on stage其實唔係想表演,我只係想俾人影下相,因為有些東西,自己只可以做,而影就要靠其他人





例一:我未見過笑到咁樣的自己




例二:笑到好似漫畫咁「大字」斜企



例三:他們回春的笑容





多謝各位有令到他們快樂的人,因為他們快樂,我就快樂!