7.19.2006

keep in touch



以前每次約會或工作後,一聽見人講「keep in touch」,我就知道之後肯定係「out of touch!」係會聯絡駛乜講要保持聯絡!當然如果同人約會後,對方說「保持聯絡」,總好過話「打俾你」,因為原句其實係「你唔好打俾我,我亦都唔會『打俾你』!」
朋友方面,我唔介意小聯絡,日傾夜傾果d未必係真老友,無乜聯絡但一有事就撲出黎幫手果d先係真朋友!
不過通常失去先會發現果個係至愛,有事搵唔到果個先係老死!但如果你有心搵一個人,點會聯絡唔到,係人都知,六個人內就可以任何人也聯絡得上!搵唔到可能係其實你未夠誠意去搵!我有幾個舊同學失去左聯絡成十年,一直想搵番佢地,幸運地俾我撞見到其中幾個,但不幸的是大家再不是從前的那個人,長大了,成熟了,想法不一樣了,有點話不投機的感覺!我寧願沒有碰見過他們,繼續活在美好的時光裡,所以.....「劉偉聰、謝艷紅、陳永達、伍國強、岑健偉、鄭惠芳、梁德音、張彩冰、謝國華....」我很掛念你們,但我不希望會再遇見你們! out of touch 但一直keep in touch!
今日「3」個site死左!我拿著電話想,如果全部人同我已經out of touch,我最唔捨得係邊個!你會係邊個呀?
我算係不幸中的大幸,我的電話out of touch的問題比其他人早小許修復,因為我八點收過一個電話
『你個電話做咩呀?!』 『個網絡死左呀?有緊要野搵我?』 『無!今年你生日新舊曆係同一日呀!咁難得....你約左朋友慶祝?』 『不如一家人食飯,你地賀我生日,我請丫!』 『唔好食咁貴呀!不如我上黎煮啦!』 『出去食啦!想到地方再打俾妳!唔好為慳錢又唔開電話呀!一陣又聯絡唔到妳呀!』『點會丫!』
『我真係好怕聯絡唔到你地!』

23 comments:

Anonymous said...

生活在外國,好想打電話給朋友傾訴,但往往手執電話,沒有話題,只是寒暄幾句,也許生活圈子不同了.....討厭找話題
想keep in touch,但很難

from: cu

Ronald said...

that is so true
uncle beach
love your blog
love your shows and movies!!!!!

Rita said...

以前去親旅行, 屋企人都唔會要求我打番去報平安, 佢地覺得你都自己一個識去咁遠咯, 駛咩擔心, 不過我次次都會打, 因為我覺得打左我安落d, 雖然次次打親番去都俾佢地窒"無無謂謂打番0黎做咩?"...但記得大二的暑期同同學去韓國, 臨出門口時同老豆阿媽講我會每晚打番去...點知第一日住0個間酒店, 大堂竟然冇公共電話, 夜媽媽又唔敢行出街搵電話, 所以冇打到...到左第二晚, 打到番去, 俾佢地哦到飛起, 阿媽仲話老豆幾度懷疑係屋企電話壞左, 久唔久就拎起個電話睇下有冇聲, 又用自己手機打番屋企電話睇下識唔識響...呵呵~原來最口是心非的係佢地, 自始之後, 我打親番去就唔驚佢地窒我"無無謂謂打番0黎做咩?", 因為我會話"我驚你地唔聽過我把聲訓唔著!" ^.^

Tony said...

海灘,
"去先會發現果個係至愛,有事搵唔到果個先係老死!"
呢句實在太精釆、太內心、太普通人、太到肉了!
100分!!

egg spread said...

sigh...

oxshit said...

哇, 最尾果幾句好簡動, 正如我miss 左我媽媽的call 我都一定keep番晒佢既口信, 唔會delete, 雖然全部都係同一句:

"妹呀, 快d番黎食飯, 屎八婆!"

HA

Anonymous said...

Re Rita:
我o係從來唔會打返屋企報平安既人...不過睇完呢段野,我諗我會試下
from: cu

WING said...

終於搵到你個blog。好開心呀!
非常之有共鳴。好掛住啲舊同學,好懷念青蔥岁月。好陳腔濫調,但正是我心情。
尤其我呢啲好少朋友的孤獨精。

Macau Lucia said...

灘叔叔, 響晒d舊朋友全名, 萬一佢地真係睇到自己個名0係你個blog度出現, 真係唔知搵你好定唔搵你好喇, waakkaka
keep in touch其實真係好客氣0既說話, 同一d唔係好熟, 又或者以前好熟但好耐冇見搞到已經唔熟0既舊朋友成日會講呢句keep in touch...通常講完就算架啦....
但我好認同你所講, 成日傾計唔代表老死, 係老死0既就係當自己有困難時第一時間出手幫助0個d人喇~~~我好幸運有一大班老死, 0係我最唔開心, 最失意0既時候, 總有佢地0係身邊支持我鼓勵我~~~

19年一次0既新舊曆同日生日, 希望你過得好特別, 好開心啦....不過都仲有成半個月先到你生日, 到時先再祝過你都未遲~~^^

菜肉包 said...

真係好認同你呀~~ 我同最friend嘅朋友係分開時係唔會講咩嘢[keep in touch]ga~~ 因為好似好奇怪... 而且我同我d朋友雖然少見, 但見番都係keep住冇變!

bart said...

新舊曆生日同一日係逢19年1次架, 你洩露左你的年齡喇, 19歲的小海灘, 19年前19歲, ^o^

CoRn* said...

海灘叔]]]
我部電話都係咁呀~
搞到我冇電話用~
下次如果你咁O既你可以係手機→設定→網絡→網絡選擇→手動
跟住部電話幫你搜尋
搜尋完之後佢會有幾間電訊商俾你揀
3[2G]
NEW WORLD
CSL
.
.
.
等等O既網絡供應商
之後你揀3[2G]
你部電話就可以打出,打入,SEND SMS,上網 GA LA~

Anonymous said...

灘叔,介紹兩個blog俾你:

http://ahjim.info/
http://say8por131.mysinablog.com/

尤其係呢兩篇文章:

http://say8por131.mysinablog.com/index.php?op=ViewArticle&articleId=211388
http://mrjimtong.mysinablog.com/index.php?op=ViewArticle&articleId=207625

macau amy said...

華Dee,我好同意你所講ge說話ar~!!!同自己日見夜見ge朋友真係未必會係自己ge真心朋友,好似我咁,arm arm先俾同自己最frd、最老死、稱得上為好姊妹ge好朋友(<---但係而家已經唔再係)出賣,雖然呢件事真係令我好傷心......但係另一方面,我又慶幸0係我最失意、最down ge時候有幾位平時同自己唔算好熟、或者唔會成日都見到面ge朋友o係我身邊支持我同安慰我!ai......或者有時候就係咁ga la,同自己最frd ge未必會係最好,有時真係日久見人心ga!但相反平日好少見、間唔中先會聯絡ge朋友反而會係最真心ge朋友..
by the way,我呢排真係越o黎越鍾意睇華Dee你個blog ar~!!!haha..^o^係macau lucia介紹我上o黎睇ga!佢話你個blog會帶到d歡樂俾人,睇完之後係會有d得著ge,而咁arm我最近又唔係咁開心,睇下睇下......我覺得你o係blog度所寫ge o野真係好有意思ar~!!!加油ar華Dee~!!!^^

kit said...

uncle海灘,

我今日好應同你e篇內容.

ah kit

qt芝士 said...

交情有多深, 不在乎聯絡頻密程度, 倒在於相聚話題是否入肉到腦。

P.tea said...

有冇試過遇到一d而家已經冇聯絡又曾經好熟朋友?
我會完全諗唔到講咩.
返而以前唔多熟再遇到的朋友會自然好多,
會問多2句近況.
其實冇左好多朋友有d心痛,當初點解唔keep in touch?

le said...

灘叔,我覺得你篇野寫得好好ar!!『日傾夜傾果d未必係真老友,無乜聯絡但一有事就撲出黎幫手果d先係真朋友!』真係我心中所想。不過,我今年中五,會考完左後約左d小學同學出來,以前好熟個d,e+都好似沒物野講。畢業個時寫紀念冊時係想同佢地「keep in touch」,估唔到一升上中學,會變成「out of touch!」,我諗係我識親d friend 同埋我都係被動掛

sugar19sugar said...

灘叔,
鍾意睇你個blog係因為感受到一份真同埋你真係可以寫到出黎......
thanks !
哈哈 !

Jer-先生 said...

All you need is just one or two "True Friend" in your life. Right?! ^___^

fong yip yee said...

I think "keep in touch" after dating or work = "we are still friends" after break up

B女 said...

灘叔:
你篇野好正呀,尤其係最後一段,我睇完即刻眼濕濕呀~~

Small Giant said...

朋友入邊只有兩種,

一係飲食朋友,
佢地同你每次見面都只是吃喝玩樂...
大家不會傾到咩心事..

二係傾心事朋友,
佢地有心事會打俾你傾,
見面多數都係為見面而見面..

呢兩種朋友係生活不可或缺的!