7.15.2006

梗係...就會....



本來想搵一幅放風箏的相片,竟然俾我發現一個好正的Blog!
blog.yam.com/sadly


本來呢個星期跟d朋友去玩「放風箏」,偏偏呢個周末就行雷閃電,係咁樣過喎,梗係我推晒所有野唔做,就會去唔成!等同踢波先黎落雨,唔通連個天都唔幫我!人生有幾多梗係...就會呢?

梗係唔趕時間,佢唔塞車
梗係岩岩番到屋企,就會收到d朋友打黎叫我出去
梗係我果晚無出去,就會話好多靚女,仲要個個好似食左春藥咁姣,仲要加多句,「你係度實媾晒!」
梗係趕唔切買果場波同馬,就會中
梗係lum住喪訓一餐飽,第朝隔離就會鑽牆
梗係想去游水,就會period到
梗係岩岩洗完車,就會落大雨
梗係得唔到果個,就會係最愛
梗係點起支煙,就會有車到
梗係最樣衰果日,就會撞到以前情人
梗係約左人要早走,就會有鑊爆
梗係肚痛,就會格格廁所都有人
梗係個老公想出去玩,就會個老婆唔記得帶鎖匙
梗係你好日唔遲到,就會遇到老細早番個日
梗係越窮,就會越見鬼
梗係突然出現見情人俾surpise,就會撞破原來情人同第個有奸情
梗係著白衫,就會倒瀉野整污漕
梗係岩岩搵到個人拍拖,就會有一個覺得更ideal的人出現
梗係有c7呢d奸人,就會有朗尼呢d蠢人
梗係再寫落去,就會繼續有人睇落去架
梗係叫你地再提供d黎,就會靜晒無反應架
梗係聽日起身,就會發現有好多人提供架

34 comments:

Eric said...

lolz... that's really realistic!!

kaka said...

梗係灘叔開到聲,就立即訓身支持!

Jer-先生 said...

To "灘叔叔"
梗係你Blog好看,就會有成75,199人Visitors.
梗係我地睇得開心,就會你都變得好開心架..
梗係你有好多Fans,就會寫Blog寫得好開心
梗係你每日最開心,就會係寫Blog 架...

LOL...

Jer-先生 said...

To "灘叔叔"
梗係你Blog好看,就會有成75,199人Visitors.
梗係我地睇得開心,就會你都變得好開心架..
梗係你有好多Fans,就會寫Blog寫得好開心
梗係你每日最開心,就會係寫Blog 架...

梗係你之前有好多gf,就變成會今日"浪子"架..
梗係你好"有壓力",就會變成"Blog阿叔"架..

LOL...

april said...

wah wah wah, not that easy wor coz i can only type english gar jar wor, but wana try try n so wait for me ...

april said...

梗係not expecting or not to think of anything 就會get surprised in a good way
梗係 expecting or thinking too mch of everythings 就會 not getting enough
梗係最愛果個,就會係 the one who hurt u deepest
梗係the worest mood 就會 all the bad things come at the same time
梗係 have to be lazy sometimes 就會 work harder
梗係最趕時間就會find out forgot to bring something
梗係 get to other place 就會 realiz u left umbrella behind
梗係 have some bad happens in life 就會突出 all happiness

Supercalifragilisticexpialidocious said...

Beachie... this is KARMA...
因果循環

森西 said...

佢既圖畫好靚, 你d文字都好靚, 多謝哂你地既分享!

仲有想講既野係....

她他她..呢個名係咪你度架呢? beach bit(s) bitch?

June said...

梗係開始減肥0個陣﹐就會勁多人約你出街食飯。

梗係冇錢0個排﹐就會出親街都見到好多靚0野想買。

Anonymous said...

梗係食得多公仔麵,就會肥到成塊豬扒咁架
灘叔叔...禽日聽你個節目...你真係好唔健康喎....
不過....
我仲勁過你.....因為我完全唔食水果同菜...
住家飯成十年無得食.....

Anonymous said...

Uncle Beach, that is called Murphy's law

Anonymous said...

梗係灘叔真實身分係女人,先會話:"梗係想去游水,就會period到"

Anonymous said...

梗係一上網就會睇你個 blog
梗係mon - frd 10-12 就會聽你地個節目喎

sugar19sugar said...

其實大家都活在"true man show".....個個都係true man......哈哈~~~~

chivy said...

梗係無乜點溫果part,偏偏考試就會出果D題~

btw,
"梗係最樣衰果日,就會撞到以前情人"
呢個真係中到應一應 =.=

Macau Lucia said...

梗係相信好朋友唔會愛上我男人, 就會俾人撬左牆腳都唔知架
梗係一心諗住睇Leon x Janice拉闊大舞台推晒d工作, 就會臨時話冇飛剩番俾我架
梗係等灘叔寫blog等到3點頂唔順走去訓, 就會第二朝見到篇新野0係3點02分post出0黎架
梗係對0個個人冇性趣, 就會勁約你去睇戲同游水架
梗係岩岩煮好個公仔麵, 就會有人打0黎叫你出去食飯架
梗係想搵人行街, 就會個個都要拍拖架
梗係灘叔叫我再提供, 就會諗到頭都爆埋架~

Anonymous said...

梗係無聊無野做, 就會突然想起灘叔叔~

唉聲嘆氣 said...

SEE!!! 成龍飲醉酒趕極都唔肯走!!

http://youtube.com/watch?v=YQkSaYxGVzU&search=%E6%88%90%E9%BE%8D

Anonymous said...

梗係諗住果日無雨落唔帶遮,果日就會落得特別金架
梗係當你講緊某人壞話時,佢就會係你後面出現架

KIT said...

丫,尋日第一次留過言架,
我梗係一上網就會第一度去你個blog 8下la.

喂喂..你like人地點叫你架..
叫海灘/uncle灘/定叫全名架..??下次有機會在街上撞到你,叫你t-back唔知你認唔認架尼..?

我有聽你地做節目架,其實你成日笑哈哈,有時你都幾抵死架...

喂..好talk個杯係邊處買好wor?

喂..你丫唔好食咁多公仔面la、又fat又成,對身體唔好架. (很熟的說)

macau amy said...

我想加多句"梗係自己最好ge朋友,就會去撬自己墻腳"..ai.....
仲有......"梗係見到灘叔,就會覺得你好鬼死似o個個華dee"..hahahaha..^o^真係好鍾意你o係"百分百感覺"裡面ge o個個角色ar..haha..華dee~!!!^^

qt芝士 said...

如果世上少了梗係, 就等如味精湯欠了味精一樣。

可能人實在太犯賤, 所以要用負能量襯托正能量。

鬼叫人梗係犯賤咩~

Wing said...

High 5 man...

I almost cry when I read what you wrote.

學生妹_維園阿伯 said...

依個世界就係咁ga啦~
梗係有早知,就無乞E 啦~
唉也也~
同樣步向緊灘叔既死亡邊緣呀~

Anonymous said...

haha
life is so chi sin
haha
every true blog

KIT said...

why 無左我d字ge??????

我尋日打左&post左架..???

kit

Anonymous said...

灘叔,根據蘋果日報每日刊登的姓名學,有關閣下的分析如下:

"「 海 」 聰 慧 有 理 想

你 的 名 字 有 個 「 海 」 字 , 你 是 個 聰 慧 有 理 想 的 人 , 自 我 要 求 甚 高 , 有 積 極 的 上 進 心 ; 對 朋 友 大 方 , 亦 充 滿 愛 心 ; 反 應 靈 敏 , 能 接 受 新 事 物 。"

happywah said...

um...其實我覺得我地成日覺得'梗係...就會...',只係因為我地往往只會記得我地唔好彩的時候,但係好彩的時候(梗係...但不會...~!)我地就唔會計數,所以先會覺得梗係...就會...

我唔係唱反調呀,不過真係有呢種感覺~

泰美 said...

勁有同感..一路睇..一路諗起呢樣我又係咁, 0個樣我又試過...就好似我昨晚咁.."梗係我想去食燒春雞0個日, 佢就晨咁早(七點半到)就賣鬼晒.."..激到我死

chinKerbella said...

因為知道有個梗係,所以就想挑戰下個結果. 耐唔時就會有驚喜~ 人總要博一舖! haha.

貓子 said...

你講果d都好吹脹喎,尤其係訓教先黎鑽牆果個,無仇報!!不如試下講d lucky野丫

有一次, 過大陸關好趕時間, 勁長人龍,點知咁岩隔離條line開左, 我就勁快過到關!果刻真係感覺自己超lucky!!

又有一次,係電腦做緊個好重要既文件,save一save, 點知過左一陣竟然hang機!!!好彩save左!!真係超超超lucky!!!

你既生活有冇lucky野?

Anonymous said...

梗係要人 post 野上黎, 灘叔先有心繼續寫個 blog 架...
梗係要閂電腦果陣, 先記得未 check 灘叔個 blog 架.......

Anonymous said...

梗係你做她他她先知你個樣,就會留意c1
梗係你做她他她先知你個樣,就會留意c2
梗係你做她他她先知你個樣,就會留意c3

Anonymous said...

TOTALLY MY LIFE