7.01.2006

OFFICE


做完節目留係電台睇埋德國對阿根庭下半場,跟住仲名埋時,射埋十二碼,細SO,阿奴,阿理等等做完節目join埋一齊睇到完場!場波邊隊贏我都無乜感覺,仲關我橙事咩!?美斯咁後生,大把機會踢世界杯啦!下屆再玩過!


我好鐘意夜晚個office,日頭是戰場,大戰過後,景象未必一定是滿目蒼夷!我喜歡在這時侯,從桌面擺放的東西,去推斷到對方是一個什麼類型的人。
男性方面,大多是放滿足球隊、美女相片,有時會有一兩個figure公仔,都唔會係名貴果d,好野羅番黎,博俾人偷咩!其次就是放滿波經,馬經,甚小會擺放與女友合照,一家合照就最多!
女性方面,得意公仔,飾物,小鏡for執面口用,有男友一定會放同男友合照,隔離加多幾張同朋友大合照;如果妳缺德,妳打開女性無鎖果個櫃桶,你一定會發現只有女性先有我東西~~~~「零食」!
有時開會開到深宵,口痕痕,就係我出動時侯,咁當然我只打開好相熟的女性同事櫃桶,而好相熟的,通常知我會開,所以內裡一定只會有大包衛生巾!我一定會收埋係另一個地方,直至對方妥協,放零食俾我偷,我先會放番落去!今晚係電台睇睇下波好口痕,我又開始行動!

呢度無相熟,唔可以開人櫃桶,咁做太無道德!不過.....我真係估唔到一台d同事體貼到咁.......
竟然光明正大,把一盒未過期,好好味的威化餅,就活生生咁放在桌上!呢個行為,比耶蘇五餅二魚更偉大!雖然我唔知大俠係邊位,但我代表俾大俠救過果班人感謝你(妳)
『大俠贈我地幾塊威化餅,我地祝你游水唔會沒頂,曬太陽唔會烏雲蓋頂』




如果你(妳)其實係今日先唔記得放番入櫃桶,我代表你無心救過果班人贈多你(妳)兩句
『今日撻左大俠幾塊威化餅,都係因為臨渴先黎掘井,無繩先黎吊頸,無錢餐飯先黎我請,
再咁押韻真係好鬼老餅,不如就當係大俠你(妳)請,我就有便宜唔駛洗頸,下次我請上山頂,就此作
罷,唔好再then.....』

15 comments:

士多啤啤 said...

再一句...「嘩海灘叔你真係好正!」

呵呵呵呵...

Jerry said...

你竟然偷人地d餅餅食..作埋詩咁開心..要還架!

早2日睇灘叔既 15/16...你真係好高.高得好緊意..介唔介意講下你幾cm呀..我真係好想知!!

Anonymous said...

nicenice打油詩..~^^

Karen said...

哈~洗唔洗咁押韻呀!!笑死....灘叔好勁呀!!

Christie said...

以前﹐ 我會用蔘茸海味鋪裝鮑魚的大玻璃盅裝滿零食“請”人偷。 Office﹐ 就算是電臺的office﹐ 都可以是很悶的。 真不明白點解大家都以為DJ 是容易的工作。

qt芝士 said...

海灘叔叔, 你的熊貓圈圈好大呀~

有沒有想過用 Zing 介紹的方法去熊貓圈圈呢 ?

又話減肥, 半夜又要偷食, ai~

chinKerbella said...

hahaha...我以前d女同事都出過呢招,埋晒d媽媽用品0係櫃筒,因為知道男同事會摷,邪一邪佢!

宜家公司會出公數買零食,放係pantry任食...好似都係男同事食多...

David Ryoma said...

Hello,灘叔你好,今日睇左C3,覺得真係有睇頭,D gag一 D都唔爛!
你知唔知百老匯電影中心黎跟(7月中至7月尾)有個奇斯洛夫斯基十年祭,會有poster show、 幾場講坐同響電影中心到播返晒佢D作品。據我所知,有一日仲會由中午開始一口氣播晒5 part 《十誡》tim~
唔知灘叔你有無興趣去呢,如果有的話,不如搞個網聚,一邊參加exbition,一邊互相認識ya~~~
My contect: d23851618@yahoo.com.hk
u can e-mail to me anytime u want~~~

Foe Reference:
http://bc.cinema.com.hk/adhoc/krzysztof_kieslowski/index.html

freedom said...

=]灘叔~~真係好鍾意聽你節目,
睇你個blog令我覺得好舒服,好放鬆!

abby said...

成班人一齊睇波真係好開心..上屆中午踢..我地成班人在編輯部放底稿件圍住睇波..好記得..上屆有場阿根廷唔知同邊隊又撞了時間..阿根廷球迷要上樓上另一個編輯部支持..雖然..故事同呢晚一樣..喊收場..唉..希望4年後又一條好漢!!!!

YuKi said...

細so睇黎好苦惱咁喎!!!
點解第一張相唔可以放大既????
我想近d睇奴奴個表情呀!!!

Anonymous said...

King Zidane is BACK la!!! France beats Brazil!
haha want to know about what you think of this match =D

CeCe

DC said...

灘叔斷正喎xD

Macau Lucia said...

灘叔你真係為食~~~不過我有疑問, 點解唔去番二台office開相熟同事0既櫃桶呢?

同埋我好鍾意你最尾0個篇"詩", 勁押韻, 超搞鬼~~! wakakka

CoRn* said...

-口-"
海灘你好勁呀~!!
偷野食可以由二台偷到去一台~!!!
勁呀!!