7.21.2006

我笑你

問題:「我愛你」對於你是難於啟齒,還是說得易如反掌,年中都唔知講幾多十次?

我的答案:對住唔愛的人說我愛你是易如反掌的,你幫了我一個大忙,我一定說「我愛你」而不是「唔該晒」;而對住真愛的人,如果要靠講「我愛你」先証明到愛佢,咁即係我未夠愛,又或者情人還未感受到我的愛!但係未有更有效的加強火力方法之前,又要令情人安心,唔想煩,講句「我愛你」避避風頭,都係三個字,總好過講「怕左妳」;所以基本上我係屬於易如反掌,年中都唔知講幾多百次果種!
情人、朋友之間要講「我愛你」唔算難,最難係同親人講,尤其係中國人,乜都放係心裡面,點講得出口呀!有人話「I love you」唔知點解易開口d!人咪就係咁衰架!著比堅尼又驚暴露得滯,外面又要加件tee,遮遮掩掩濕左水咪又係現晒出黎!點樣改頭換面,個餡咪又係一樣!係唔想講就中英都唔想,係唔敢著比堅尼就唔好著!對我黎講,我覺得中英文都咁難講,因為真係好老土,但有時都有半秒衝動攬實佢地,講句「我...」 一想到呢個位就打尿震!但無理由難做就唔做!我總會想到方法!
我有時見到佢地開心,我就會話「笑你丫!」佢地一直以為我講粗口「我話唔係粗口呀!我笑你丫!」通常講到呢到就會得到句「溜溜肺肺,唔正唔經!」 「係呀!我笑你全家添呀!」

I 『laugh』 you so much!


你可能唔明我講乜,或者會錯我意,唔緊要!如果你明!覺得好用我唔介意借俾你同佢地講!咁當然啦,點都係你直接講,又或者自創一種你同佢地表達「我愛你」的方法,先係最窩心!

18 comments:

森西 said...

haha... so sweet!

小忌廉 said...

我愛你

serina said...

對父母我會口講“i love u”﹐唔會講“我愛你”﹐但寫0係father/mother's day card我會lor

kiwimm said...

Hi Hi, unkle灘,好彩你尋晚係節目內講o左,可以點search 你個blog,咁我先可以搵到,我超愛聽你地個節目呀~ 超正~
不過有時有d "hea" ^^

你快d去書展la, 我尋日都已經去o左la~

呀子 said...

哇好得呀呢個方法!:)

Percy said...

"I am sorry" from heart is hard to say too...

I guess "I love you" & "I am Sorry" are too personal...

If you really love someone, of coz you don't need to say this all the time, but once in a while... when you look at the one you love, you really want to say it in person. It is sweeter than every DESSERTs in this whole world.

Tony said...

海灘,
你句自創"我愛你"中文版 :"我笑你"同英文版"I 『laugh』 you "的效果差好遠呀!同老豆講就好雖聽啦 :I 『laugh』 you Pa ,===> "我笑你呀老豆"!轉頭見到阿媽~~~~~~~ I 『laugh』 you Ma ,===> "我笑你呀老 .......中國人真好難開ロ!都係鼓起勇氣,真心對他們說句:爸爸、媽媽,我愛你!

Scared V said...

呢個term對於我地跟上一代父母的關係真係有啲尷,平常多啲關心問候對佢地都心滿意足嘅。
或者由新一代父母同子女多啲講,去普及。
當然講之餘都要包含關心問候。

Anonymous said...

海灘, 我愛你!!!!

nicole said...

不錯, 即使"愛"這個觀念是在於中國的家庭中, 也很難宣之於口, 我們不會像外國人般常常擁抱, 或親吻家人, 但也沒有那麼糟. 有些時間, 正是難能可貴.
從來沒有聽情人說"我愛你", 某天得到這句話, 比一齊都來得甜. 家人從不說"我愛你", 有時候兒女的一點關心, 教得父母會心微笑, 兄弟姊妹從來都愛吵嘴, 遇上困難時卻以行動來支持, 比每天擁抱, 來得窩心.
平淡中添加一些驚喜, 比形式化的生活, 會更美麗吧.

PS. 海灘, 你的blog真的可以引領我思考, thz. 不怕告訴你, i love u so much!!

Christie said...

是的﹐ 對親人的確很難說“我愛你”。
有時﹐ 一個電話問候﹐ 或者抽空陪伴親人﹐
不是比講句“我愛你”﹐ 更加窩心嗎﹖

玩沙 said...

今日返工上881903聽返尋晚她他她先八八卦卦搵倒你個blog… =) k字果個uncle嘛。

我:16歲過溫哥華留學生
佢:8歲移民溫哥華

佢習慣左講「I love you」,但我每次聽倒邊打冷震邊sweet。我覺得係因為中國人囉,我愛你I love you都肉麻啦。不過,我發覺呢d野越聽越講就慣,又會受架播。依家終於學識同屋企人多d表達感情,阿媽又學我肉麻d,佢點知肉麻到凍死我!哈哈,中國人,都係冇外國人咁開放!我都係鐘意內斂d。

冇呀,睇完你今日d野忽發奇想0者。

菜肉包 said...

咁我都[laugh] you 啦~~ 仲[laugh]埋我d屋企人~~

泰美 said...

聽過老師說, 所有事情都是由"愛"出發, 同情人分手,你恨佢,底蘊是你曾深愛過佢;父母打仔, "打者愛也", 不愛錫他們, 又怎會又打又鬧? 努力工作的背後是你想過好d的生活,想愛自己多一點,也為著愛你的家人,賺錢俾佢地洗,又是愛?
"愛"多麼的深渙,但卻又是很簡單的事,其實世界處處也充滿愛...多點笑,多點愛,香港人時時都欠缺了, 可能這是個繁忙的都市, 但..我堅信香港人最多愛...

學生妹_維園阿伯 said...

明白~
我好laugh 你寫d 野,
成單野真係好叔叔,
你成日好似回看人生,
無論你寫咩,
就算係道理既,
我個feel都係覺得好好笑~
laugh more~

chivy said...

灘叔﹐我咩你啊~ 好咩好咩添啊~ XD

Macau Lucia said...

灘叔叔, 笑你呀~~

如果我同我老豆咁講, 我估佢唔會笑番我轉頭, 小我就有份~~wakkakakaka
我老豆係一個冇生活情趣0既人, 丫, 唔係, 其實係同我溝通模式完全唔同....所以好難同佢玩呢d情趣~~~都係留番俾我阿媽慢慢同佢玩啦~~~

過人 said...

香港人不習慣把"愛"放在口邊,因此不難發現電影或電影中男女主角總會說句"我愛你"來博取收視,嘩!幾感動,幾經典!!