7.17.2006

....周末


我鐘意係後台睇show,自由好多,睇多好多野,但唔記得睇多左d咩.....


食完牛奶公司常餐,就去左睇拉闊...我鐘意睇鄭融扭腰,我希望佢唱英文歌...我知fiona每次做show都好大壓力!呢次同好姊妹同台演出,我估佢會仲緊張,所以去到我只係同佢講左句good show,咪阻住佢!

多謝eason再送我兩件3rd encouter 演唱會紀念sweatshirt,其實我得到過一件,不過拍七年很癮時,送左俾青雲作紀念....eason最清楚獅子座豪完之後又會唔捨得,所以肯再送俾我,竟然仲係兩件!我估eason之後唔會唔捨得掛.....

好多人話eason戲份太小,得一頭一尾,我都覺得係,所以佢咁都肯做,再一人証明佢係個唔係淨係為錢幹的人,我曾經私底下叫過佢去做義工,見一班自閉兒童,佢第一時間應承,只可惜當時我們因各種原因而未能成事,但再一次感謝你!雖然你話做下午未醒,所以把聲麻麻,但我已經好滿足!
就係因為搵食艱難,我地更需要做多d會令自己開心的事!

左邊係做妓女阿眉的禤思敏同做垃圾婆的蝦頭,其實演出都相當不俗,但對我黎講,妳地點好都唔及演精神病果個陳康!有層次,有條不紊,有感染力...我記得我同佢係影過幅相,但搵唔番!
係後台我問佢有冇見過的精神病人黎演呢個角色!佢百份百肯定的語氣「無!我一向都唔會咁做!」我心裡不禁講左句粗口「咁x串....好野!」 做演出者梗係要有自信!串得起有找....


多謝熱情的sunny,即係做要破處果位演員,呢次亦都係佢處男演出,有d緊張,但表演尚算合格!d紀念品全部係佢搞,佢送左一套俾我,其實我想俾番錢,當幫補下....下次啦!人生流流長,大把機會還!可能將來有機會合作呢! 講個秘密俾大家知,年頭我曾自荐參演森小歌劇團,亦都接納左,但最後我以「還未準備好」QUIT左!
我ready好就一定會做,好玩!開心!
不過聽火火講呢個show埋單都要蝕d!「sigh~~~」
個戲雖然唔講得話一百分,但以咁有限成本,做到呢件事已經係好值得尊重,值得捧場!奈何因場租問題,三日內做五場,口碑散得出去已經做完,真可惜.....我知我有好多老友都有捧場,我見到sugar19...我真心呼籲大家,6.1制作再有咩新搞作,大家記住捧場!
HMV d碟係貴,但唔幫襯下,咪就變成家下果間豆腐潤咁細o既鋪羅!
今日要去睇「大煞風景」同「拉闊fionaX鄭融」,但朝早九點我仲都未訓得著......訓得幾個鐘又起身,跟本個人都未醒,呆下呆下去到APA!嘩!一開show就醒晒!good show!我係後台同火火講「多謝你俾左個咁正o既周六下午我!」

6 comments:

Macau Lucia said...

我希望好快有機會0係森美小儀歌劇團度見到你0既演出~~~
我隨時ready架喇, r u ready???

Christie said...

咁既天氣你都有咁多節目﹐ 平反阿田唔好再叫你做“冇計王”啦﹗

Anonymous said...

我果日係演藝電梯口見到你!^3^

sugar19sugar said...

真係一個好開心好滿足既星期六下午~~~~
六一制作...一定一定捧場!!!!哈哈哈~~~~

chivy said...

uncle matt, thx for ur sharing, esp the "eason" part... u no.. i really really admire him!

said...

=) eason真係好好人!!
好羨慕你,
有件3rd encouter 演唱會紀念sweatshirt =)