7.04.2006

大熱



自小抗拒「大熱」的事、人、物!皆因大熱即係人人都愛啦!咁隨波逐流人愛我又愛,唔夠原創性!唔型!因此,年輕時侯為左型,專捧冷門!大家熱捧譚詠麟,張國榮,我冷捧盧冠庭,蔡楓華!個個愛梅姐,我愛林憶蓮(當時仲未紅)林紅了我鐘意曾經幫過林演唱會做和音的彭羚,Cass嫁左之後,我鐘意「垃圾」之前的盧巧音,(yeah~~! black & blue)跟住我鐘意「絕」的高雪嵐.....而家我鐘意「my little airport」同董敏莉!
可能真係老了,近年心態有所改變,認為「大熱」即是夠MASS,討一個人歡心都咁難,可以討「一群人」歡心,一定有其成功的本領,「不要跟成功作對!」
她是近期大熱,這是事實,無得唔認同,咩原因會咁大熱?暑假到了,學生們辛苦了一整個學期,係時侯放鬆一下,無牽無掛開懷笑餐飽,都唔明有咩咁好笑?咪就係因為你想得太多,所以唔識笑羅!
btw,我真係好想搵年放番個暑假,無牽無掛玩番一個月,真係想起都.....好驚!唔駛做咩?!你地暑假玩得開心D啦~~!









12 comments:

Anonymous said...

好唔好笑我唔知,我自己冇去睇C妹,但係睇過o既朋友都嬲到想拆左間戲院,唔知係咪真係關諗得太多事.呢件事我覺得都幾好笑,你咁講都幾好笑.

Anonymous said...

灘叔,你好有taste呀!

Kelvin said...

灘叔
老實講,對今次"C3"的確有少少失望...
我覺得笑位就好夠,但係故事內容就一般,
可能係因為千嬅之前兩集已經令我先入為主,
難免會將方麗娟同范樹娃作比較。

另外,當然唔少得要讚下灘叔你啦,
我入場都係為左睇你同森美架咋,
森美維持佢一貫搞笑作風,
反而你就係一個驚喜,
因為以往你演過O既戲都係比較cool,
但係今次戲份多左,又有搞笑元素,
都真係值回票價。

BTW,都要多謝"C3"
因為令我再次有機會同我心儀對象去睇戲,
努力呀~灘叔!! 寫多D好劇本,拍多D好電影
等我有多D機會欣賞到你o既演出。

Tony said...

海灘,
我鍾意尹光同未肥之前朱咪咪!

nadia said...

my little airport解散左:(

David Ryoma said...

我見到直播室影果張後面有幾本jojo~~~~
灘叔你有無睇ar?

Panda said...

死喇死喇~
睇到最未張相...
發覺3姑好似仲後生過阿田咁呀...
阿田,你真係要保保喇!!!
唔好咁快畀阿澤玩殘呀!!!!

肥貓 said...

咁灘叔努力D揾筆大$$, 咪可以表 ~~ 嘆囉, 哈哈!!

朱薰FuN* said...

鈴木仁真的得可愛唷>3<'
我會去看c妹的

qt芝士 said...

三姑皮膚超靚, 這角度看似不遜於薜凱琪。

是否因為鈴木仁 ? :P

yin said...

支持你同森美,睇左啦!煩請轉告森美,因為支持佢,所以同男朋友睇埋"4條腿拯救隊"啦!! 好好笑^v^!!

菜肉包 said...

嗰晚你哋好搞笑~~