7.20.2006

Closing

由平地開始,到最高峰結束,離開時覺得唔夠喉,情緒仲係好high!呢個就係好show!而作為壓軸的表演者,身負令大家高潮疊起的巨任!仲要係七晚最後一晚,壓軸中的壓軸!
七晚我只係睇左FionaX鄭融同今晚KellyX陳春,聽講側田X中基同張敬X苑芝都好正,黎明Xjanis就好好笑,黎生d off-beat gag真係唔野小架!「知唔知點解我要飲水,第一,因為我口渴,第二係因為我需要!」至於呢個組合,其實我唔覺得有咩火花,或者我已經唔係好得kelly了,從前我真係好得佢,仲記得六年前做「嘩 嘩 嘩 」佢黎做嘉賓,我開咪前同佢講「kelly!我好迷妳架!」但做完果晚節目後,我相都無要求影!「星」有時係應該距離我地遠d,太近接觸,會發現原來佢並唔係自己心裡所想的形像,偶像幻滅!
但Kelly絕對係一個專業歌星,演出當然有水準,只不過唔係我杯茶!


阿姐同kelly合唱完「自由女神」就走,一句野都唔講,勁!佢一開聲,主角就會變成佢!幾時係主,幾時係客,唔會搞錯!真遺憾影唔到合照!

我係因為陳春所以黎,我無乜圈中朋友,同陳春久不久就會電聯吹下,久不久都會約埋一齊去玩!好多人話佢係孤寒陳,唔豪識駛唔代表係孤寒!佢太清楚自己要乜同可以要到乜,簡單直接!佢仲係一個有情有義的人,有時又有d童稚氣!

至於個show!我睇到九點九先好無奈同阿田走,呢個closing good到爆啦!

15 comments:

sugar19sugar said...

你都話睇過兩場丫.....我七晚都無得睇呀 !!!!不過唔緊要....因為我有得睇"黃金十年"哈哈.....
係 !如果無左距離就唔會覺得佢係"星"架喇 !

MM said...

海灘, 有 d 野我想發表一下... 我知好可能會被 block 架啦... 但係我想俾你 block 多過俾商台 admin block... 咁起碼你都睇過o丫...

我好唔滿意 e 家賣演唱會飛 d 手法呀... 成日都話開三場, 等 d 人撲飛撲到顛黎做勢, 跟住又話爆哂所以加場...我真係要係澳門特登撲過黎買飛架... 我想睇最後一場, 買左, 之後佢又加場.... 船飛都蝕啦... 唉... 又冇得網上買... 打電話又唔係同門市o個日同一日 (即是門市如果賣唔哂, 就第二日會電話發售咁話) 你可以去睇 cityline 個網頁...

軟硬加完再加... 其實佢地都要 book 場架... 佢地都一早 book 左幾多號至幾多號架啦, 真係咁易話加就加咩~ 但我地都冇選擇... 好似迫住人地買兩場飛咁.

我鍾意左草蜢 10幾年.. 今次佢地話開三場, 你估佢地會唔會加? 我聽日又要請一日假, 晨咁早撲過黎香港排隊買飛. 如果加, 又要再黎多次排多次... 點解唔好似 kill view 咁, 我地只開 5 場, 絕不加場, 咁咪仲型?

同埋e家做到咁... 真係好難怪有人係網上放飛架... 我雖然鍾意草蜢o者... 但都未必係想睇兩場架~~~

講你都未必明架啦... 因為你地睇 show 都唔駛買飛...唉... 好無奈.... 就好似 d 人出 cd, 出完第一版, 作為忠實 fans, 實第一時間去買. 點知出第二版, 原來第二版仲多野送過第一版o既,又或者多一兩首歌. 咁結果點? 咪又要買埋第二版囉...

香港真係一個商業社會啦 ~~~

ps. 我都有睇 kill view 呀.... 點解你咁高都見你唔到??

Jer-先生 said...

After I watched the TVB show "Be My Guest", I really like Kelly's interview... afterward, I also becomes Kelly's Fans! Uncle Beach, have you watch it?

Scared V said...

其實Kelly真係幾perfect,有身材,有家底,有條件好的男友,歌藝越見成熟。令人好羨慕。但近年在港的人氣幾插水,有out feel。

菜肉包 said...

終於曲終人散...

Tony said...

海灘,
小春瘦o左好多o咼,你要請教o下人,減減佢o拉!

豉油 said...

海灘叔:
我好怕睇show o家! 連去戲院睇movie都怕, 怕咩? 咪怕完場果吓囉! 曲終人散真係好鬼空虛o家!

aERIS said...

灘叔
我唔知點解你會因為一晚而唔再迷kelly啦
但我鍾意左kelly咁多年,
覺得kelly真係幾好,
我唔可以直接同kelly對話,
咁樣完美既形象就可以保持一世了
所以如果鍾意一個人,真係有d距離會好d

但我都唔信kelly會係同我想像中完全係2個人囉,出入多少會有d,不過kelly係一個慢熱既人,唔知係咪咁令你對佢改觀呢?
咁我乜都唔知,所以都唔可以講咩
希望灘叔你都唔好破壞我對kelly印象啦,哈哈哈

另外,對於mm講既野,我十級認同
今次軟硬真係有d唔抵幫,
如果開8場,加2場都無可厚非,
但3次加場,實在太過份啦,
作為fans真係好失望.....
如果而家有個artist,
開一個演唱會,唔加場,唔encore,唔遲開
我會覺得佢好型
即對佢加分呀~~哈哈

Macau Lucia said...

係呀, 黎生好識搞gag架~~~佢有時講d人生哲理真係好掂~~~佢好多金句架...成日有新驚喜俾我地~~

我都好認同mm所講0既野, 因為我都係澳門人, 絕對明白呢個感受!!!
好彩上年Leon0既Crazy Classic講明6場唔加場jar~~~~我就睇左最尾0個3場囉~~~~
好彩有好心0既fans幫我地夜晚排隊, 第二朝天一光我都走過0黎香港買飛啦~~~~

kelly's fans said...

Kelly, 我support你~

qt芝士 said...

星星之所以吸引, 就是因為他們遙不可及, 有很多幻想空間。

就算日常生活, 亦不時有雷同情況。
例如在街上見到令仔令女, 第一感覺好吸引, 誰知道一開口就爆粗, 所有想像都破滅。

星星都是人, 他們的魅力, 大部份來自我們的幻想。

P.tea said...

我都覺mm講得好,好似我買左軟硬飛,
一早去排隊,到我買時只得番好少位,
而且果日其實我唔得閒,但係因排得太耐隊,
所以照要,點知之後加場,唔通仲去企2個鐘買過??
我就冇去排過啦,而且我已經為左睇軟硬而張原本有事果日改期,
如果一早推多1-2日飛,我就唔使改期啦.

MM said...

灘灘, 知唔知點解明明樂壇o既野未必關你事, 我地都會係你個私人 blog 度留言... 因為大家都認為你比較明白我地大又大唔哂, 細又唔係細, 廿到尾三字頭o既人~ 而且你都係會比較肯出聲, 冇咁盲目幫死一邊o既人~~~ 覺得你個人 fair d 囉, 咁解!

我呢~ 就成晚都冇訓過, e 家就去搭船過黎排草蜢飛啦~ 唉!!!! 真係呢~ 冇理由怪自己係澳門出世架... 咁咪要怪點解冇得電話, 門市, 上網買飛同步進行, 點解就算有上網賣o既飛, d 位都要少到無倫過譚詠倫, 側過側田~~~~

我排完草蜢, 都會去書展, 不過估你都冇咁早去架啦... 去到見到怨氣好大o既就係我啦.

Anonymous said...

灘弟,
何止Kelly呀?仲有Shirley啊?!

Anonymous said...

我好中意小春架
不過好可惜我唔係係HK
所以無得睇
唔知會唔會出碟呢?

我都好agree mm 所講的一番話
有要人買正版
但係成日出2, 3 版
有時第2版 + 一兩首新歌
這樣做音樂, 好多人覺得不值
但D人又想聽首新歌
然後就走去download
好多時我覺得係呢D商業手發令都HK樂壇差架
如果真係想搞好市場
點解唔真真正做好張唱片先發行
有時D歌手出碟出得好快都唔知趕D咩
我都會買正版
我真真喜歡的歌手就算出幾多版
我同常會買
但係有時都係睇唔過眼