7.10.2006

等..

等開波又唔想睇「嘉年華派對」,咁梗係搵一部我一定睇得好開心的電影睇,睇過果d有保衰,但睇過仲好睇的戲好難搵,而今晚party mode!應該搵部喜劇睇,睇喜劇又要睇過仲好笑,對我只有一個人做到,當然係周生! 周生除左係一個冷面笑匠,佢仲係一個電影天才,連曾經話過周生人格有問題的杜導演,都不諱言佢係一個有turbo的超班貨!周生咁多部戲,我番睇極都仲會笑,仲覺得好睇,只有一部

『國產零零漆』


我好怕解釋咩叫「cult film」,咩叫「黑色幽默」,總之睇零零漆,你覺得好笑果d都係black humour,你覺得好怪果d都係cult野!
戲中場場精彩,最經典莫過於呢場「古有關雲祥全神貫注捉象棋刮骨療傷.......」


還有當時艷得不可再的陳寶蓮

睇到第N次先發現,原來首李香蘭並唔係周生唱。嘩!呢部戲真係抵睇!

9 comments:

Macau Lucia said...

我而家hea緊等睇波, on住msn已經hea到眼水都bill埋....再hea落去我遲早訓著.....
我屋企0既珍藏電影同演唱會已經睇過無數似.....

MAY said...

哈..我是第1個=]
十卜U*3*

Christie said...

國產零零漆亦係我最愛的周生電影﹐ 百看不厭。 入面有好多位﹐ 真係有種“嘩﹐ 咁都得﹗﹖” 既感覺。

意大利捧盃。 成個下午都o係小意大利區附近既SOHO 行街。 D 意大利餐廳全部搬晒大電視出街﹐ 仲封o左幾條街同全世界一齊睇。 所有人著晒意大利球衣﹐ 同拎住意大利國旗。 而且越夜就越多人聚集準備參加今晚既慶祝活動。

見到佢地咁團結﹐ 咁開心﹐ 自己都好似分享到o個種溫暖咁。 美國唔重視足球﹐ 中國足球又未夠班。 唔知自己到何年何月先有機會為自己既國家﹐ 自己既民族慶祝世界盃呢﹖

serina said...

前幾日比我睇返賭聖﹐原來有君如。有場吳君如要keep住舉高格勒底﹐因為周星馳當格勒底粒志係張敏(綺夢)﹐低能架﹐仲逼“綺夢”食野。。。笑到我顛﹗

Eunice said...

咁首李香蘭唔係周星星唱,係邊個唱呀?好似周星星喎....

范姜明月 said...

佢0個句"個樣咁尷尬既"
仲有"又話D豆腐花出名,點解咁臭?" "出名臭"
笑到我呢~~~~~~~~

阿瀨 said...

首歌你再聽下,似唔似吳國敬把聲?

我懷疑係。

Anonymous said...

REALLY? I really really thought 周星馳 sang that song himself. I remember I had this conversation with my friend a LONG LONG time ago and we concluded that he sang that song. Ahhh...

Matthew said...

第一次到您既BLOG,您好!

『國產零零漆』 同 『回魂夜』 都係自己很喜歡既周星馳電影。
一直都有睇電影,可惜近年驚喜愈來愈少,原因可能有好多,但請努力!