7.25.2006

不安感


今晚我想起黃偉文寫的兩首歌,Eason-「人車誌」同埋草蜢-「不安全感」,今晚終收到軟硬飛,見到果日九張,呢日又十一張,我完全唔知點分配俾果個三張呢個五張...我有d不安,開始進入問自己點解要做d咁吃力不討好的事情,幸好好友阿立羅飛之餘,仲用佢冷靜腦根,終於幫我成止企配,阿立!好野!
跟住最不安係有五十張飛係身,又係好彩阿立肯車我四圍派埋d飛俾人,呢d真係無謂壓力!

係香港,駕駛並不是一種樂趣,但如果你識選擇時間,例如閒日仲要係月尾的深夜十二點左右,太夜會容易遇到醉駕,今晚我驅車去派飛時,口裡不停哼著「人車誌」
我有車 我有壓抑 需要發射
 我與車 結合一體 感覺快些
 我愛車 似個聖堂 開到半夜
 跳上車 對著錶板 禱告那些 難題
 想想 如何 轉彎 攀山 落斜
我知黃偉文係無車牌,但點解佢可以寫得咁到肉,呢d咪創作人,要每一樣東西都想像到,除左天生有慧根之外,仲要對每樣野都認識,佢寫細緻野出色我都未算服,連自己唔認識的東西都可以寫得咁好!五體投地,一直以黎,我都係愛阿Y多過林夕!


五對new-balance食完宵,吹完水,阿立車我番屋企!


番到屋企睇見個blog,再同angela傾起,我覺得呢度開始多人,開始有人唔守秩序,唔係幫人就可以亂黎架,又發覺我的價值觀同好多新一代背道而馳,我驚呢度會亂,想到有點不安,有點想停一停,但寫blog係每日寫其他東西的熱身運動,我唔想停,但我有心無力...我覺得我有d似kellyjackie寫d野,但其實我無睇過佢寫d野....
其實我係應該停一晚,但係我想同各位分享,我咁不安,咁lost的一個晚上!尋晚,灘will be back!

13 comments:

Jer-先生 said...

Unkle beach,

「我覺得今時今日既科技,並唔需要將版權看得咁重!」 Where is the Logic?! 什麼邏輯? 什麼 「X」論?! Your "words" (No matter what...) 「是非黑白唔可以錯」... this really impress me.

More & more rumours as number of vistors per day also increase but look at your Blog now, just pass 80,000 vistors just couple days ago and now will soon reach 100,000 vistors in very short period of time. This is a good sign, to prove there are many of your "friends" and fans support you and your Blog. I am so pround of YOU "Unkle Beach" !!

"開始多人,開始有人唔守秩序", I strongly agree with you and this is also the fact. I am very disappointed and feel sorry when I see this happen in this "Happy Land Blog". But, Please!! Please don't give up... use your "Words" to teach the little. 用文字來感動他們 !!! They do need your help! I know this is not easy and you may not see the result immediately, however, I know & belive one day they will remember your "words" and learns their lesson.

Please never give up on your baby "Unkle Beach Blog". We're all learning everyday!

P.S. For those who's still against for whatever reason, please stop... "Unkle Beach" have said more than enough to make you stop....
For those who's Love and Support "Unkle Beach", please continues to support...

Your Blog Fans,

Jer先生

sugar19sugar said...

灘叔,
人多就一定亂架喇 !如果你真係覺得抖抖好d既咪抖抖囉....就係因為價值唔同先要分享...無論如何都支持你丫
I "laugh" YOU

paul 仔 said...

勁喎,不安全感,係細佬至愛歌曲`~~
不過家呢一代,談情說愛,應該冇 呢首歌既感覺啦掛?

唔想亂,都冇計,blog 怕出名,人怕肥~~~ (你兩樣都中曬 :D) 由佢亂啦~~~

玩沙 said...

阿立真係好好好好好好好好好好好好朋友啊。

尋日0既blog,哇,乜料呀…
不過總算大部分人都知咩岩咩錯丫。
我開始覺得眼見香港人唔係好有教養…太多人就算「知係錯,只要唔會俾人捉倒」就去做…「唔緊要啦。唔怕喎,唔會俾人捉架…」咩料呀…走灰色地帶就好似執倒寶。咩事呀…

反而去過香港以外d地方,就算冇人管0既,好多人都會守秩序,honest system仲work過有人管…

唔知自己講緊咩…唔知做咩自己無啦啦咁激氣…仲有唔好意思尋日d野仲拉到今日講…

Anyways... 灘哥,軟硬見啦,如果我有咁好彩…哈哈。

Macau Lucia said...

灘叔叔, 其實你唔洗覺得不安, 唔守秩序0既人你可以唔理架....最緊要自己開心....唔洗為左一小部分唔聽話0既人而停架.....你0黎呢度係為左寫自己想寫0既野,
記住, 你仲有我地呢班每晚上0黎睇你blog, 支持你0既"打令"呀~~冇左你, 我地呢班"拎令"會唔掂當架~!! ^^

Isa said...

雖然我唔知道到底有咩人係道搗亂,
不過,每個人總會有自己唔同既意見,
你,唔鐘意睇或唔岩你睇,可以走,
唔需要係搗亂!

我,就唔想一個咁有趣既blog要停寫!
因為我每日都會唻睇,無左我會好無聊!
當然可能阿灘有時寫d野我會唔認同或者會有唔同意見...睇完咪算囉!認同岩嘴型既咪會心微笑下,留下言!

今朝我聽阿澤既晴朗的一天
都聽到佢地係道討論緊軟硬d飛!
一聽到佢講佢個髮型師問佢拎6張飛
佢誤會左4張...最後個髮型師問佢可唔可以再拎多2張
阿澤只係同佢講:我諗諗計啦~
髮型師就話:乜你唔係明星唻既咩?攞多2張飛都攞唔到!
呵呵~已經出到激帳法唻拎飛
好彩你有你個好朋友阿立...
唔係...你都幾頭痕~

Anonymous said...

灘弟,
Keep on moving!All your fans will defend. No worries!

Christie said...

由你公開個blog開始﹐ 都知道一定會多人。 人一多﹐ 總會遇見一個半個邏輯思維行為模式“特別”少少。 呢個發展﹐ 用你既說話﹐ 係“拆得到”既。 所以都冇咩好不安啦。

既然做得阿叔﹐ 價值觀同班阿仔阿女唔同有咩咁出奇﹖ 況且﹐ 呢度係你個blog﹐ 係你屋企﹐ 自己住得舒服咪得囉。 其他人上到來﹐ o岩傾就傾兩嘴﹐ 唔o岩傾咪下次唔好再上來囉。 唔通下下搬過晒D擺設就其他人﹖日日咁多人出出入入﹐ 你就得邊個﹖

Angela﹐ 個blog整得好好。 唔花巧﹐ 又舒服。 得閑上來喂下魚都不知幾好。 辛苦晒﹗ ☆⌒(*^-°)v Thanks!!

yucki said...

海灘同呀立1樣樣,,好恐怖

呀子 said...

哇灘叔.
我去親個個903dj既blog都見到一疊又一疊既軟硬飛.
唔好話丫.我睇到都煩.成疊又唔知點樣分黎分去咁喎.D錢又唔知邊個俾左邊個又未俾咁.
不過算啦.鬼叫你做好人咩.

MM=Macau Melody said...

灘灘,

又係我啦! 估唔到你都鍾意著新平衡. 我有你張相綠色o個對呀, 嘩哈哈! 係咪你黎架? 係我地咪好襯?

HMV...其實我都覺得好可惜. 初頭以為非法下載, 只會影響到娛樂事業, 估唔到首當其衝o既係 HMV.

HMV 係貴 d, 但貴d都有佢理由o者..有 service, 有系統. 你知唔知澳門可以話係冇娛樂事業. 澳門電視台係冇人睇, 每年蝕幾錢萬. 蝕到年何生都唔再做, e家變為政府工. 因為全數由政府運作~

澳門淨返三間戲院 (票價$30), 兩三間賣 CD o既舖頭. 書店又係兩三間.

對於我黎講, 係晴天噼嚦o既. 我要搵外國o既cd, 根本冇可能; 買英文書? 發下夢啦; 唔係勁片的話, 戲院係會等香港落左畫先上映 (我估係咁樣買片方法平d);

我真係想買cd 同買書, 我都要過黎香港買; 我試過一次過係 hmv 買左$4000 碟; 今年書展, 我都買左 $3000.... 我唔係想 show off, 我都好肉痛; 但我自己為返條數, 我澳門買唔到, 要幾個月先去 hk 買一次. 攤返開都唔係好貴o者~

講樣幾搞笑, 但幾實又幾悲哀o既野你知: 我睇買兇拍人, 係係澳門永樂戲院睇; 2:30pm... 包場囉~ 你話威唔威! 我d friend 仲要話我:「咁o既戲都睇? 得你一個人你就唔好睇啦. o徒人地 d 電呀!」

d 人淨係話某某唱歌差, 買唔落; 唔聽過, 買唔落; 佢太靚仔/女, 一定唔係實力派 (但我真係唔明點解靚樣同實力係唔可以共存囉); juno 太醜樣, 好心唔好出黎獻世; 哦, 太醜樣又唔得o既原來... 咁即是點??

我有時諗, 香港人, 其實係咪只係為左發洩? 好矛盾, 唔鍾意又要聽, 聽完又要鬧, 但鬧完又要繼續聽; 試過有 friend 同我講最憎 艾粒, 最憎阿占 (我係阿占fans), 唔明點解咁多人鍾意佢. 我話, 咁你咪唔好聽佢節目囉, 咁簡單. 佢話:「我想架? 公司d人要聽呀!」我話咁咪係囉,咁咪証明你唔鍾意佢地,但有人鍾意佢地囉!

通常講版權問題, 就要牽涉到 quality 問題; 之後就會罵戰! 又會lung 到抄歌問題, 茅頭一定指向阿 mark; 喂, 雷仲德作好歌時, 又唔見大家俾 credit 佢? 兩首歌似, 就踩到人地屎都不如; 大家唔係好鍾意聽 candy o既「深藍」架咩? 阿 mark 作架! hit 格! 但有人提過阿 mark 個名咩? 冇囉~ 有時 d 歌似, 係因為佢地o既 genre 似! 學 mc仁係「大你」入面話齋, 係個 format 一樣, 咁唔通我著西裝, 我又係抄人咩? 係一種模式黎架o者...

香港人成日踩返自己本地人 d 野... 當然有 d 真係質素差, 求求其其; 但其實呢 d 係外國唔係唔會發生, 只不過我地接觸唔到咁多外國野! 只係有 d main stream 野先會傳到黎香港地咁解! 高朋滿座其實好好睇格, 但唔通會有人將呢 d 類型o既肥皂劇傳去外國咩? 根本個個地方都一樣... 再講, 套戲幾好, d 人又咪係 download.....

以前我係一個 newsgroup 度, 為左話非法下載係唔o岩o既行為, 就同人罵戰; 係以一敵百, 我俾人用粗口問候娘親, 俾人將我 d 相post哂上網, 你想像得到o既野都有, 但我都冇放棄過, 我冇對住佢地講過一句粗口, 我只係針對 "呢個世上冇免費午餐".

成日踩人o既香港人, 你想人地改善佢地創作o既 quality, 不如你地自己改善下自己本身個人o既 quality 先....

放心喎灘灘, 我係澳門搵錢, 過黎香港駛, 準少少棉力咁啦....

太長了... 希望你有睇哂啦!

PS. 我o個日去銅鑼灣買草蜢飛; 排頭10個人之內, 但最前o既, 都係第 19行... 你睇到主辦單位已經認購左o既位的話, 你都會 munk.

pps. 我今個星期四又黎帶動香港經濟, 睇軟硬了...

Anonymous said...

原來灘叔都鐘意NB, 小弟都好鐘意呀

細蚊 said...

海灘哥哥..我支持你牙''
千其5好5打blog..我會日日都來支持你的*
^0^'' 一定要打blog牙 >0<''
Angela個blog整得真係好好ga*
thz你先*
海灘哥哥一定要打 blog .. 十卜你!!*