7.13.2006

From the bottom of my Beach

朋友基斯甸說「你唔駛日日up-date個blog,你成日寫到水蛇春咁長,隔日易消化D!唔駛咁辛苦丫!又無錢賺!」
「喂!做開gym邊有得停架...何況...我真係想dum我班老友開心!我係真心架!」
我朋友話以後嘔唔出,只要想起我剛才所講的話,真係胃都嘔埋出黎!」
「我真係真心!」

這裡的話事人,我的好幫手angela話「灘!我肯定十日內你個blog會過十萬人次!」
「如果我而家停寫,會去到咩數停止再有人上黎呢?」
「d人會日日上黎等你再出新野,就算一幅相,一粒字都好!」
「嘩!妳咁講想dum死人咩?!」

上星期係尖沙嘴citysuper food court,我講緊電話,但有個女仔照走埋黎係咁「喂」我,我見到咁緊要就收線聽佢想講乜啦! 「梨fog..計!」 「下?!係估咩架?!家庭用品?」 「梨fog..計!」
我膽粗粗去拆解佢講的說話!「你係咪想話....你個blog好睇!」 「我咪話..梨fog...計..羅...」
「....哦....係呀...thank you....」我個「橋」音都未發出黎,佢就走左!

尋日係九龍城,有個人走埋黎係咁笑,然後話「你好野....我有睇你個「薄lock」!好惹笑!」
「阿叔!你真係有睇!」 「X!你睇小我五十幾歲人唔識上網呀!我係唔識,我個仔開俾我睇丫麻!佢介紹我睇個薄lock架!你條友!睇唔出你唔係人面獸心下!「阿叔!你讚到我咁!我真係開心,從來d人都話我獸面獸心!」 「哈哈哈!你條x樣真係好x過癮!」

係「無心插柳」我會「受寵若驚」!不過「苦心經營」我就會照單全收!幾時過十萬無所謂!我辛苦小小更無所謂,寫blog本來我當係做gym,每日鍛練下個腦袋,抒發下!慢慢我同大家不經不覺建立左一種far away so close的友誼關係,有時看見你們的留言,給我「訴苦」email,每一字,每一句都係我每日起身,放工後的「精神食糧」 THX!
更加開心是,看見你們寫給我的東西,有文有路,絕非新聞組的思覺低劣水準!但你們肯打一封如此長篇的email給我,我已十分欣慰,因為你們還肯去寫字,肯去用腦!所以我幾忙,都會給回覆,當然如果你說的東西太離譜,幼稚......我就可能睇兩行就算!但我相信我班老友並唔係如此質素!
總之有咩唔開心上黎玩下,都唔掂就留下言,想私人d就email俾我(unklebeach@hotmail.com)


光明定黑暗,係掌握係你手裡! cheers`~

31 comments:

Anonymous said...

灘叔﹐我都日日上黎睇你有冇偷懶架... 哈哈
雖然有時你講既野﹐e.g. 講波﹐我都唔係好大興趣﹔但有好多時寫既野又叫我發人心省﹔起到共鳴
我自己都有寫blog﹑寫自己既近況﹐不過唔係日日寫﹔寫黎通常都係俾我喺HK一個最好既朋友睇﹐心想﹕為佢一個人寫﹐雖然打中文用好多時間(我只識用廣東拼音)﹐不過都覺得係值既... 起碼都可以拉近少少個distance

所以呀...加油呀﹐灘叔﹔好多人睇你頭架... 哈...哈...哈...哈...

Anonymous said...

好少'藝人'咁有心
肯留私人email比fans/聽迷
祝fans/聽迷1日比1日多, 個range(年齡)1日比1日闊:)

Anonymous said...

Unkle Beach - Where do you get all these great pictures? Yes - your posts are very constructive. I never know what to write in my blog besides writing it like a diary. And you are different - you are more famous and have so many more people reading your blog. It kind of becomes pointless when no one reads mine....

Altair - 映昔台 said...

Uncle,

it's possible that you have over 100k visitors already. People don't necessarily have to come to your blog directly to read what you've wrote (i.e. won't update your counter). For me, I use bloglines.com to subscribe to your blog, so whenever you post something up, it'll automatically go to the feed and i can read it from bloglines. Anyway, maybe it's something for you to explore.

Keep the good stuff coming, all the readers are here to support you. ^_^

「我都真係真心架!」
hahaha

- Michael

Jo de Brave said...

即係咁多"明星"黎講(我覺得上得電視既就係明星喇=p),,, 寫得最有heart就係你個blog la,,,, 仲要真係日日update wor!!,,, 唔日日上黎追又點對得住你呢???,,,放心,,,十萬呢個數絕對唔成問題!!!

Anonymous said...

海灘, 你一開blog冇耐我就開始睇你個blog架啦~~我由嘩嘩嘩開始已經聽三姑架啦~~~係嘩嘩嘩時期都唔係太鍾意你, 好彩你做做下冇做即!我走左去還神呀~~~哇哈哈哈~~~後來你做她他她開始既第一日我就冇miss過一集,真心覺得你進步左, 而且越做越好, 就算三姑唔係度你都撐到場.

本來我唔想留言, 但今日睇左你篇blog....我相信你果份真心係真架, 每日黎到見到你寫左blog會好興奮, 所以我決定留言鼓勵下你, 好鍾意你果份真性情. 海灘你要繼續努力呀~~~ 支持你的人上

Anonymous said...

我都有日日睇你個blog同聽他她她﹐而家日日一返工開機就去左你呢個blog先﹐死喇﹐我上癮喇~!!!!

Anonymous said...

當然啦! 灘叔.你直情係我既「蘋果日報」,又係官方網頁,又係首頁,因為一上網就睇到.
係日日起身,面都未洗,就必要做既一件事黎!

Anonymous said...

家陣你咪係電車男, 唔寫嘢0係留言版, 我地一斑網友真係會好失落咖 ~~~~

Anonymous said...

每朝返到公司開電腦, 繼而食早餐, 上網, 就係上你個 blog 睇下你又有 d 咩新搞作, 睇下你 d 字. 甘先開工個人好似醒神dd.

Anonymous said...

你個blog又真是幾過癮, blog最好的地方是可以將一日的經歷慢慢消化沈澱,再將精華寫出來,比响newgroup即時post好好多.

Anonymous said...

咁灘叔今日記得帶埋個"薄lock"返工嗱, 哈哈!!

Anonymous said...

原來如此..十分認同..你這麼忙仍keep住寫blog真的很難得..開頭我還在想..你這個人真是喜歡文字呢..

Anonymous said...

我好需要有人係身邊時不時咁醒我幾句....依傢有你呢個 blog... Feel Great ...

Anonymous said...

你最尾果幅相..好得呀!!我好鍾意幅相
但更加鍾意你果句野呀..
光明定黑暗,係掌握係你手裡!

繼續寫呀你要!!

Anonymous said...

灘叔叔...你既blog 已經成為我地既精神食糧....每日不可缺少既一部分

keep it on la

Monkey said...

無謂多言, 繼續支持!!!

Anonymous said...

我0係我自己0既msn space已經link左你, 因為覺得你好有heart, 寫d野又正, 我成日推介俾其他人睇架~~~~我平時上網都係睇0下Leon forum, 之後就入你blog度睇...有時知你零晨先會update blog, 我會經常0係IE度refresh再refresh....準備睇你最新update0既野....有時又覺得你好衰wor, 有d post你post出完0黎又會收番埋, 搞到我地要成日睇你update, 驚你隨時又會hide埋篇野~~不過我又會上晒癮咁隨時走0黎睇你0既post同其他朋友仔0既意見~~~

死喇, 我對號入座左....我睇到呢句"當然如果你說的東西太離譜,幼稚......我就可能睇兩行就算!"....我會覺得係講緊自己....因為你冇回覆我呀~~~死喇...唔通我就係傳說中0既"幼稚澳門人"??? >.<~~~

Anonymous said...

問心個句,真喺日日有睇你blog架!
因為真喺好吸引!(我喺真心架)
你都唔知響內地真喺打開唔到blogspot架,我算喺歷盡千辛萬苦先睇到。
Ps:好多謝你日日咁堅持落去!
I respect your work!

moorl said...

>>唔駛咁辛苦丫!又無錢賺!

holy crap! does everything in life revolve around making money? so much for the "HK Success Story".

keep on bloggin', man.

Anonymous said...

我而家都係一開電腦就睇係個blog.....真的支持你......如果我係街見到你一定同你say hello !!!!yeah !!!!哈哈~~~~

Anonymous said...

灘叔叔, 你好叻, 好有毅力。

很多星星只會偶爾在他們的 Blog 留下片言隻字就當交了功課, 但你每篇都很用心, 很有意思。

我自己有兩個 Blogs, 一個只給予好朋友仔, 記下每日所見所聞,五年來沒有偷懶, 每日都寫。
朋友仔都笑言像看報紙一樣圖文並茂。
另一個記下思想點滴, 簡短精要。

無論從你的網誌, 還是電台節目裡, 都有很多體會, 多謝你帶給我們歡樂和啟發。

Anonymous said...

由男友"火童"介紹下~ 開始左睇灘叔O既BLOG, 越睇越好睇, 有時無聊, 不過最好O既係...無聊得黎又好好笑~ 有時超有意思~ 令自己去諗下野~

好鐘意你....個BLOG D相, 好靚!!!!

睇完你BLOG, 無形中一個好大O既感覺係.... 正能量!!!

灘叔~~~ 繼續發放你O既正能量啦~~

Anonymous said...

我間唔中會入o下o黎餵魚o架~

kaka said...

早排發現好多人自從你地調左時間成日都錯過左你地個節目...而家森小都唔洗做15/16啦...点解唔調返去黄金時段既??聽你地個節目真係好開心架....就算趕唔切聽曬都會中途聽...晚晚唔睇過你個blog又唔安樂...灘叔你已成為我生活既一部份啦!加油!
今日我發現左屯門黄金海岸有個掃官芴既地方,但係就見唔到掃官芴雙雄~

Anonymous said...

灘,
寫blog係一種熱情^^ 就係因為眞心分享先會寫得開心、開懷~
絕對相信你的真心!:D

Anonymous said...

reading yr blog entry is a part of my life now...^.^

please keep writing this blog!

Anonymous said...

beach,

Watch this one, very funny

盧婉茵 vs Janice & Jill:

http://www.hk-pub.com/forum/viewthread.php?tid=375021&extra=page%3D7

Anonymous said...

你的毅力,會成為別人的動力....加油

Anonymous said...

海灘...
見到你的確好有心機寫呢個blog,
又有圖,次次都唔係一兩句咁!

有時睇你個blog都好開心,
有時又明白一D道理!
thx ar~

CellCell said...

Unklebeach~ 雖然我唔係日日都 check 住你個 blog, 不過o係我每一次 click 落你個 blog 個 bookmark 之前我都好自然有一種好奇同盼望, 想睇o下你精彩o既點滴. 我都可以話你知, 我從未失望過~ 所以... keep it up!!

love your blog o既人 ^^