7.29.2006

達到十萬人次果刻,七仔係咁樣賀我!












都無野食,走~~~~













好記得阿媽係我細個同我講過,俾龜咬住,要行雷隻龜先會放開口,可能今日都有行雷,所以七記肯放開口掛,類似呢d無乜科學根據的傳聞,我仲聽過好多
『四腳蛇條尾斷左要掩耳,唔係條尾會飛入耳』
『撻生魚如果撻出手腳來,果條其實係化骨龍』
『哽魚骨要用個碗放係頭頂,再用筷指邊打邊講骨落就會無事』
『食飯唔乾淨會娶個老婆昏嫁個老公係豆皮』
仲有好多好多,不贅!但我聽過兩個最離譜的,是來自一個中學同學陳捷,佢是水上人,佢話汀九對出有個旋渦,被佢捲落去,出番黎就會係鯉魚門佢又唔講誇d話係加納比海,咁我一定唔信,鯉魚門有可能丫,所以到家下我仲覺得係真!另外就係係維港有一條蛟龍咁大條鰻魚,四年先上水面呼吸一次,我同學話係天星碼頭見過佢個嘴,佢話個嘴十幾個男人手拖手圍埋咁大!嘩!誇到咁點信呀!但係我每次撘船經過天星碼頭,我都會望望個海!
我們總會因為一些事而想起一些人,有些刻骨銘心,有些不堪回首,有些繾綣一生,有些落花流水....
其實要人想起又幾難,只要你有東西值得人家想起,蛟龍又好,旋渦又好,龜咬又好,哽骨又好...總好過有人提起你,其他人話「邊個呀?!講緊邊個呀?」如果你係咁,快d同人講鰻魚的故事!

16 comments:

Anonymous said...

同我隻貓一樣, 鐘意聞臭腳哩!!

Anonymous said...

二趾長過公.唔洗一世窮

Anonymous said...

嘩~ 鄒七仔好可愛呀!!

Anonymous said...

你講既果幾個...
我淨係聽過哽魚骨同埋食飯唔乾淨呢2個

你同學講汀九果個我覺得好有趣
話唔定係佢屋企人既真人真事!

Anonymous said...

點解佢叫七記?
應該好似高朋滿座咁,叫鄒凱龜。
完全buy你個句 (因為一些事而想起一些人),當遇見一些事去一些地方,總會在無邊的思憶勾起一些漣漪,有無奈,有迷茫,有開心。又會諗有無故友會偶然想起我?

Anonymous said...

七仔好可愛牙 .. 哈哈 ^0^

Anonymous said...

咬住人要行雷先至放的係水魚....唔係龜

Anonymous said...

haha*** 搞笑-3-"

Anonymous said...

七仔係唔係真係咬咗你一啖呀?好得意啊!勁鍾意你寫啲嘢,好好笑呀... ^~^

Anonymous said...

我都有養龜的!!
隻龜由我呀公屋企拎過黎養的!!
聞說我呀公係在城門河邊路上執返黎的!!
隻龜以前冇名,,依家俾我表姐改左個名,,叫鍾宛霖!!
好慶幸我同我隻龜能夠同名同姓!! XD

Anonymous said...

龜有冇牙架? 痛唔痛?

Anonymous said...

係香港剛剛番黎California~
仲以為七仔鍚你tim><

Anonymous said...

七仔好得意呀~

令我想起以前養過的幾隻龜。

第一隻叫福頭, 從小學陪到我讀大專, 但因為家人一時疏忽而....

第二隻叫小黑, 超級活潑, 像小狗一樣很纏人。但媽媽嫌他太纏太有人性而....

第三四隻一起買, 叫如意吉祥, 是福頭迷你版, 好可愛。這次因爸爸疏忽而令其從廿四樓跌落街....

為了這幾隻龜龜, 也不知傷心了多久...

Anonymous said...

wahahha..omg u so funny!!! >v<

Anonymous said...

...睇住阿灘叔你突破十萬大關..好開心..因為我睇住你每日每日咁多人支持...真係好開心...好似睇住呢個blog的成長咁..好榮幸...我是一份子..hehe...灘叔的吸引力真係勁...號令左不少欣賞你的朋友來分^_...
吖...仲有...呢排成日睇到你的電影演出喎...可能以前真係唔太留意到你...你真係今時唔同往日...好似成日見到你咁..hehe...

Anonymous said...

你只腳好肥好核突...唔好show出o黎獻世啦!