7.28.2006

我其實無睇過「龍虎門」,細個覺得「連環圖」好cheap!同埋我最憎打打殺殺!係去到後來夏金城唱「妳在何處馬小靈,我王小虎空有虛名!」,我先知呢兩個人物係來自龍虎門,咁都係知道左,唔代表有興趣睇!我家下想去睇,都係因為個導演叫葉偉信!

九八年寫「生化壽屍」開始認識葉生,開頭又係果d「你咁型我又咁串」,咪大家都唔多啋對方羅,後來因為工作傾多左偈,我未遇過一個人思想咁「黑色」、咁「絕」,既絕情又絕望!一般人食飯前咪講句「大家食飯」或者簡單d「食飯」,其實唔講都得!但佢會自言自語「有得食就食多d喇,呢d好難燒落去架!」,佢絕望都咁,但係其實又好sweet過喎,佢想送一個連位骨灰庵俾太太!佢又好識慳撿,搵office話一定要搵間有鬼,咁就會又大又平!
葉生係魔術狂,我睇佢表演早過劉華十年,佢好清晰架,想學就俾錢「你都係想踢爆人,咁你買黎任你踢羅!」佢識變野之外,個人變化都好大,其實捉摸佢只有一個方法,就係唔好去捉摸佢!
同佢只合作個三部戲,其實我自己最鐘意「爆裂刑警」,因為真係一次合作,佢令我劇本昇華十倍,我劇本亦到完全配合佢發揮,到後來「茱麗葉與梁山伯」,其實已經變成佢個人表演,當然亦都係我認為佢表演得最出色的一次!
我其實唔太熱熾同佢再合作,大家都長大了,還可以像以前那麼信任嗎?就算可以,最怕原來我同佢只是「童星」,最紅的時侯已經出現左!長大之後再做就穿晒崩,最美好的印象也粉碎!無咁必要丫!

余文樂好似葉偉信,但樂仔表達能力比阿信強,又咁講,好小可以再弱得過阿信!學下人啦!不過奉勸阿信,要學千祈唔好學霆鋒,佢果套好難學,仲唔係個個受到!

17 comments:

Anonymous said...

係"生化壽屍"呀XD

Anonymous said...

原來葉偉信係個咁既人*V*
好特別的性格^^'

Anonymous said...

琴晚我都有聽......真係唔知霆鋒想點....呢d係咪叫做不妥協中既妥協 ?

Anonymous said...

http://hk.myblog.yahoo.com/iam-dereklui

Anonymous said...

分享喜悅時間: 灘哥我睇左軟硬喇播!得呀,正。唔係一個演唱會,又唔係棟篤笑,係一個萬二人0既Party! =)

Anonymous said...

我都唔覺得葉偉信同阿樂似, jacky同阿樂就真係好似啦, 葉偉信個樣正氣好多!! haha!!

Anonymous said...

我有聽到牙*
霆鋒好成熟牙把聲..哈哈 !!
呀樂把聲超 5 似牙* ^0^

Monkey said...

君如好靚女!!!

Anonymous said...

100000!!!
十萬人有多了!
我講咩?!係話灘叔叔個blog多過十萬個Visitors喇!
好野!

Anonymous said...

我好鍾意葉偉信架!!!
就係鍾意佢咁嘅性格,晌佢d電影入面都睇得出。
但佢咁難相處,佢太太同佢相處冇問題嘅咩?

仲有呀海灘,幾時訪問埋鄭保瑞呀?我覺得佢都好特別。<狗咬狗>都就上映啦。

Anonymous said...

我好鍾意葉偉信架!
就係鍾意佢咁嘅性格,晌佢嘅電影入面都睇得出,真係好「黑色」。
但佢咁難捉摸,佢太太同佢相處冇問題嘅咩?好羨慕佢地一齊咁耐。

仲有呀海灘,幾時可以訪問埋鄭保瑞啊?我都好欣賞佢,覺得佢都好特別,<怪物>呢d故仔真係唔係人人都會諗到。佢套<狗咬狗>都就上映啦。.

p.s. 邊個係Jacky?有冇相睇?睇下係咪真係咁似,大概都係靚仔一名吧?

Anonymous said...

p.s. 邊個係Jacky?有冇相睇?睇下係咪真係咁似,大概都係靚仔一名吧?

Anonymous said...

灘叔,今日睇左魔怪屋..裡面個褓姆同阿田好似樣..哈哈...呢...阿田同原島大地做0個套呢...你去睇下啦...我一路睇就好似睇緊阿田咁..你同佢講聲吖..呵呵..不過..當然係阿田有氣質啦

Anonymous said...

好心unkle beach 叫三姑& 大塊田開個blog la, 一係叫903 自己開個official gei blog, 等森美唔洗俾人係yahoo blog亂唱ar ma. 又安全d.

Anonymous said...

嘉賓在場時, 我都覺得三姑的話比他們還要多, 又經常打斷他們說話。

阿Zing 訪問最為過火, 他每句只說一半, 三姑就插嘴, 唉~

很難想像一個言語不多的人, 如何成為出色的導演。導演不是口語表達能力不錯, 才能指導演員如何演繹麼 ?

葉偉信, 果然好堅, 零舍不同~
讚~

moorl said...

>>"很難想像一個言語不多的人, 如何成為出色的導演"

a lot of people are good at their jobs, but don't enjoy publicity events.

many great directors in movie history were not talkative/diplomatic: john ford, mikio naruse...
but then, many directors who are "good communicators" use it to manipulate actors or the business side of their career. how many are really wordsmiths like billy wilder, ernst lubitch?

Anonymous said...

要學千祈唔好學霆鋒,佢果套好難學,仲唔係個個受到!
呢句真係可圈可點!