7.24.2006

尋晚我遇到一個音樂人,一個我認為近十年樂壇,如果無左佢,基本上小左好多歌手會紅,樂壇更加唔會拖到今時今日,早十年就死左!其實佢近年已經開始減產,估唔到佢尋晚同我講,佢已經隨時隨地可以退休,一走了永不回頭,一定唔會做復出咁鬼唔型的行為! 沉默了一會的我,心裡面好後悔得到呢個消息,我知佢一定會咁做,佢一定會係最高時走「咩都會唔興架!如果發現自己唔興先走就好樣衰」
「必需有這結果,才能懷念我,讓我於荒野馳騁!」
我唔知應該講乜,終於我話「你係全港最原創果個人,你走埋大家就連抄都無得抄架喇!」 「我d野行早人五年,有D甚至十年,我走左大家都仲有排用我D野啦!同埋唔好當正抄係應該先得架!」 「咁有係!等大家無得抄,咪焗住要自創羅!」
本來我唔想講呢件事出黎,但因為呢度CUT左音樂而引發出黎的「那首音樂版權非法合法」的問題,我本來唔想參與,既然首音樂會帶來咁多麻煩,就CUT了它罷!但我見到
「我覺得今時今日既科技,並唔需要將版權看得咁重!」
我真係赤赤痛,再痛D係仲要問我係咪唔認同!死未?
我無講過自己係聖人,連成龍都唔係,我點會係呢!我細個窮都有將歌錄落卡式帶聽,但每一次都同自己講,一定要買番隻黑膠碟,自己擁有然後點變係我的事,借人番黎錄始終唔型!
亦舒名句「你擁有它就要供養它」
講緊唔係一隻歌,一部戲,係一份尊重,你唔尊重佢,對佢唔公平,無供養但擁有左佢!佢就會好快死!我再講多次,幫襯HMV係因為我唔想佢死,所以我願意出多D錢供養佢!
如果版權唔重要,每樣野都垂手可得,咁仲邊有人去做一樣東西出來,我做出黎都係俾人抄,咁不如我抄人,我羅人黎用,久而久之就無野再可抄,以後唔駛再有版權,靠版稅為生的人全部死晒!等你到時乜都無,大家攬炒!
我一直對時下新一代好不滿,自從寫BLOG之後,我改觀左好多,我知我班老友可能年輕,但並非廢人,但呢一刻我真係好失望,我亦都覺得佢退休係好岩!係去到無先識後悔!
我唔想估咁樣心態、思想的人究竟有幾多人,不過每一次俾我遇到,我都會好痛心!你可以話我落後,無與時並進,但呢個係我堅持,等如你堅持自己無錯一樣!如果呢篇文令你不滿,你可以用粗口鬧我,亦都可以永遠唔支持我!I DON'T CARE,我以後唔再寫野都得!但是非黑白唔可以錯!
「請你滾!滾出走!」

28 comments:

Anonymous said...

我都有份供養hmv
雖然每次俾錢諗起信和賣平幾廿蚊,內心都會爭扎好耐,因為對於我呢種窮朋友中學生,小數怕長計,幾次幾廿蚊可以再買多隻cd
都係果句「鬼叫我鍾意佢咩」,我想hmv留低,都要付出,呢個世界無免費午餐
市儈如我,幾廿蚊雖然重要,但係自重更緊要!而且俾多呢幾廿蚊亦我值得人地尊重,同埋型左!

留住你愛人,你估唔駛付出代價咩!

Anonymous said...

係丫,所以我聽電台既派台算,
遇到值得支持我先買碟架!
至於電影呢..........
我等佢出碟:P

Anonymous said...

不用那麼動聽吧!
都不是一朝一夕的事了。
但大風氣是這樣,問這個人那個人有無這歌手的碟,要不沒有,有的話,都是一句「遲dsend 比你」。
我想,躺在家裡慵懶地就有碟聽,更是免費,街都不必出,實在比身水身汗走到HMV找CD,還不一定找得到,更要花幾十元。
就算買到了,一次兩次三次,都會有問:「點解我要咁做?」
由賣幾十萬隻到現在賣幾萬隻碟都值得開慶功宴,很抱歉,但我真的覺得這行業的路走得不長了,除非真的有位天才能夠將營業模式從根本改造。

Anonymous said...

呀其實你既「溜溜肺肺」有冇得寫出黎嫁?
因為我一聽呢個terms,浮現出黎既係「僂僂廢廢」

Anonymous said...

海灘,你好"正"!I "laugh" u so much !

Anonymous said...

海灘, 你所講既野我非常認同, 自己既一番心血, 諗到頭爆既橋, 竟然就咁俾人一個唔該"參考"左去, 真係!@#%$#^$!!!!!

但坦白一點講, 有某d作曲人, 自己既作品還不是抄襲別的國家的作品, 編曲風格甚至係音節都可以同人地一模一樣, 仲口口聲聲支持版權法???...實在.........有點賊喊捉賊的感覺....

Anonymous said...

哈哈,灘叔講得good。好一個提醒。我認我讀書冇錢時有買過老翻…而我依家出黎做野afford倒就出黎供養嚕。我覺得d去唱片鋪買碟0既人幾型架,哈哈覺得自己型囉。支持你呀灘叔,支持買正版碟0既人,哈哈我地個個都好型!

Anonymous said...

唔好痛心啦,灘!我好buy你話是非黑白唔可以錯,其實大家都知發生緊咩事,部份新一代連自己做緊乜都唔知,佢地同我地既價值觀好唔同!不過我都唔係想講呢樣野,我想話"俾一d自己認為錯既野...令到自己唔開心,係天下間最最最唔值得既事"

Anonymous said...

我差唔多成份身家都用黎買cd...
不過唔係買hk果d...係聽日本地下音樂...
佢地好用心...咩都親力親為...
由細到大對k歌pop歌無咩興趣...好少聽...
我都係淨係聽自己鍾意果d band...
不過有d紀哂版買唔到...咁就無計...
佢地出既碟有時限定1000...真係...Orz"
有時無錢買碟...無得聽...
我會諗...唔通聽歌係有錢人既權利!?
之後我睇到一隊我鍾意既band既bass手話...
請大家聽我地既歌...唔理妳用咩方法借又好買又好點都好...
佢地呢隊band好紅...根本唔使擔心無人聽佢地...
但果一刻我就諗...咁又係...如果買左先有得聽...
咁若果限定1000...咁咪得1000個人聽!?
甘心嗎!?地下音樂資金少先出咁少...唔係唔想俾多d人聽...
佢或者只係單純想將心情想法傳遞出去!?
雖然係咁...不過我都好努力咁儲錢買碟買碟...
d朋友成日話我...係咪傻架...哈...或者...
但我諗起3姑話...每個人都有一樣野係買極都唔夠...
我諗我一定係買cd買小說...XDDDD"

Anonymous said...

抄都可以抄得好型...老實講...
日本大把野抄人...但點解咁成功!?
其實今時今日好多人都唔鍾意k歌...
點了香港樂壇仲搏老命咁出!?
一齊轉型啦...不過好難...
依家d人成日追捧創作歌手...
但係美型欠奉...成日標榜歌...忽略型像...
諗番當年最紅既歌手...百變天后什麼什麼...
究竟我地需要既係巨星定係創作人!?
定係十項全能!?依家既星爭d星味...
我覺得加下玩d另類既先有生機...
但香港人就驚唔夠pop唔商業唔得咁...
我相信碟唔係無人買...係唔恨買...

Anonymous said...

PS:唔恨買唔係因為有得down...係根本就唔吸引...

unkle beach said...

你可以由呢刻開始就唔買,咁無人買,生意死,個工業玩完!轉行去!

而家係繼續好辛苦做,但收唔到正常收獲呀!
你講咁多野都係話我地知你好有style,聽日本另類,我都有聽呀!咁點呀?!
講緊你地偷緊我地d野,偷完仲要話唔好,仲要理直氣壯係道鬧!
呢個咩年代呀?! SIGH~~~~

Anonymous said...

我都係果D成份身家用黎買碟既人
雖然我0係外國生活好多年
但我CD架入邊﹐中文碟多過英文碟...好多
有時寧願吾買衫都要買碟
我屋企人/朋友都覺得我傻
呢個時代仲邊有人買碟架
系外國買一隻中文碟分分鐘系double左個價錢
我聽電臺某D樂評人提過
可能未來吾會再有CD呢樣野了
我好吾想好吾想呢樣野會變真
有時我真系好吾明身處HK既人
幾十蚊就可以買到一隻正版﹐原創
點解咁都吾肯支持
其實呢個系一個惡性循環
無人支持-->無budget-->甘又點樣可以做到更好既創作呢

anyways... 灘叔﹐吾好咁興喇 ^^

unkle beach said...

CHRISTIE/CHIVY:

:) 係人先會講人話!

無論咁做係幾小眾!但係對的事無理由唔做!

Monkey said...

我願意為我自己喜愛的東西付錢~~

Anonymous said...

我都鍾意CD.....唔鍾意聽MP3.....不過有時真係唔係唔想係HMV買..咁唔方便丫嘛...

灘叔,唔好咁嬲啦~~~~

Anonymous said...

海灘,
最同意就是你的一句"是非黑白唔可以錯"!一件貨品就算幾差都好,最多係唔買,唔係話你覺得一文不值就可以當自己。比人偷野,到底係買野個人錯(引人犯罪),定係偷野個人錯呢?

Anonymous said...

呢個話題真係幾敏感,(以下講果D野可能唔係咁岩你聽,但係我係站係一個消費者既角度黎睇) 有時我覺得, 香港電影及唱片業走下玻, 非法下載固之然係其中一個因素, 但係咪唔好淨係賴哂非法下載呢?唔通一套港片唔收得, 全部因素都係BT?一隻香港唱片唔賣得, 又全部都係因為BT?

可能香港人要求高左呢?又或者本身果樣野果質素低左,吸引力咪減低囉,最近入戲院睇左幾套港產片, 除左童夢奇緣同伊莎貝拉之外, 其他我都幾失望下, 你可知道並唔係個個香港人都識用BT, 唔係個個都俾唔起錢睇戲, 唔係個個都會貪方便去DL黎睇, 如果真係, 有D電影(不論中OR西)都唔會係香港收得咁好啦. 作為消費者,俾錢出來,梗係要選擇,選擇邊D值得睇邊D唔值得睇啦,咁俾人選左唔會睇既, 就一味歸咎因為有人偷左, 所以收得差喇喎?

Anonymous said...

EXCELLENT COMMENT!!!
Don't be so angry la,unclebeach~~
^.^

Anonymous said...

海灘哥..很讚同您的理念!!* ^0^''

Anonymous said...

灘叔...
其實點解一件由製作人辛辛苦苦製成的作品會有人可以咁快出翻版,甚至在網上可以俾人非法下載呢?
究竟係唔係唱片公司或者唱片公司有內鬼?
佢地先係源頭?
如果要解決侵權的問題,唔一定要在小市民身上開刀,就算捉到一小部侵權的市民都未必代表可以警惕其他人唔好咁做。
因為誘惑一日仲存在,人們都會去接近,邊有貓唔食魚先得ga...
我覺得抽出源頭先最緊要!
一首歌,一套戲唔會無啦啦自己彈上網俾人download。
而普通網民亦唔會係第一手得到佢地,唱片,電影公司等的產品中不是沒有可能有"無間道"中的劉德華和梁朝偉!
與其苦苦追究小市民的錯到不如徹底調查公司內的運作有沒有漏洞,如果公司自己本身有問題又不去解決,到頭來依種非法上下載買盜版的風氣只會永遠延續。

Anonymous said...

好多時, 針唔拮到肉, 永遠難以想像箇中之痛。

曾經, 有個素不相識的人在我的 blog 拿走一張相貼在他自己的 blog, 那刻有點生氣, 像被小偷偷走財物一樣。

近來, 有些朋友學習我的寫作風格。
面對老友, 只好安慰自己這是分享, 不能視他們為抄作, 反正天下東西一大抄。

將心比心, 所以我情願付錢在網上聽歌也不下載新歌 ; 到有牌影視店租電影也不 BT 電影。

這課題, 實在太大太廣, 只能從教育入手, 培養民眾自知自覺。

Anonymous said...

灘叔講o既音樂人係唔係Wyman呀?

Anonymous said...

--幫襯HMV係因為我唔想佢死,所以我願意出多D錢供養佢!
--我願意為我自己喜愛的東西付錢

我不買番版碟,不只是歌或電影的碟,我電腦裡面的software都是几千元的正版(我不是有錢人,我只是一個不曾換新電話,新相機或買名牌限量絕版衫的人)。我支持正版。但不是因為我"喜愛"它們或"我唔想佢死"。是因為這是不法的行為,是錯的事。等如若干日子前,有DJ講錯說話,搞網上投票而受罰。我喜歡他們,但他們是做錯。
我只是有時覺得我們各人定下認為對錯的準則都是跟著我們的喜好,並沒有真的想想這真是對的嗎?我不做,不是喜歡,不是圍道之仕,只是認為不義的事不應做。

Anonymous said...

I am living in UK. I know some chinese people (age between 14 to 40) who go to church every week. They are very very "religious" . I remember one time I sat next to them. Guess what topic were they talking? They were talking about what chinese songs they just downloaded, what TVB drama they just downloaded, what korean drama...... All about downloading. What do u still expect the youth in Hong Kong?

契丹人

Anonymous said...

我好同意灘叔講既鍾意就會俾錢買,咁唔係咩偉大咩道德,而係因為真心鍾意0個樣野,所以對佢有份最基本的尊重

而我對於電影就有呢種堅持,有時有d香港電影,明知佢好快落畫好快有碟,但都會入場支持,因為知道如果再唔睇,呢個行業可能就會無,因為唔想佢死,所以用自己既錢同時間去支持。有時0係網上見到d人好威咁講睇左套戲,download唔駛錢,我真係唔明點解可以光明正大講出黎,d人個腦諗咩?係咪咩都唔駛錢就擁有係好威?

Anonymous said...

我係個15.6歲既學生妹每個月得幾百蚊零用錢
買衫,買野食,買乜都係呢幾百蚊
但係我仍然好樂意用呢D錢去買好音樂
我會買我鐘意既歌手出既碟
亦會買1d我未試過聽佢d音樂既歌手出既碟
有時一個月1隻,2隻,3隻
買到冇晒錢.我寧願食少d,買少d衫
我都好希望我可以為樂壇出一分綿力
你問我有冇download歌?我答你一定有
但係download完我真係會買
用行動黎支持呢隻我認為好既歌
好多時屋企人,朋友,同學都覺得我晒錢
仲成日響msn問我你有冇邊邊邊隻歌呀
可唔可以send俾我呀.咁
其實我好想同佢地講:你地一味download又唔買
遲d你地連聽既機會都冇呀,買碟啦唔該!
不過我唔敢講,因為佢地一定會以為我扮型
會話:你有錢緊係咁講啦,我負擔唔起架.
我心諗,真係冇錢,唔係隻隻買,每個月用幾十蚊買一隻都得掛?有錢買名牌衫但係晚晚download歌?我真係鄙視你架

樂意支持樂壇既妹妹上

Anonymous said...

你地多d幫親HMV啦,我家姐係HMV做,
佢地d服務好好多架,慢慢聽/睇都唔會比人鬧,
d碟就算香港冇,佢都會幫你係外國定黎.