7.22.2006

忘形

由灣仔地鐵站行去會展的過程是痛苦的,人多+炎熱=煩燥!我一直想係咪應該番轉頭,如果當時就走,我還可以約邊個食飯,我一直想著人選,不經意已經來到會展門外,呢種分散注意力方法,係煩燥時最佳抒緩方法,所以我連拍低呢個過程都唔記得!
場內係點其實我唔係好記得,人係多,不過並唔係傳聞中咁臭,總之影完呢幅相之後,我就好似飲醉酒一樣,去過邊都唔係好記得,淨係記得睇過好多書,但買就唔算多!因為我有個習慣係要先行晒一次個場,先會番轉頭買野,但係個場咁大,仲有兩層,行完番轉頭搵番想買果d野,可以係一個好好玩的尋寶遊戲,如果你唔鐘意咁玩,當然之前可以先mark低所有地標,番轉頭就方便;但好似我咁,入到場之後就忙了形,番轉頭淨係記得要買邊d書,但係唔記得d書係邊個攤位,搵得晒都夠鐘,所以唔係買得好多本就要走!不過我唔會再去,買東西也講緣份,勉強得到的東西通常都會後悔!所以我唔恨!係咁多就咁多!


另外要感謝博益秀慧帶我入場,仲犧牲食飯時間帶我遊場!一別秀慧已經五六年了,認識她的時侯,她仍然是個大學生,後來佢又住過我樓下,之後我搬左就無再聯絡,最近竟然係雲海幫我地重逢,真係唔可以唔信雲海有神奇力量!哈~~我記得秀慧讀書果時理想係做「作家」架!
(佢出過幾本書架http://jointpublishing.com/zwsm/fndbook.asp?Author=%B3%AF%A8q%BCz)佢仲引用張愛玲名句同我講「成名要早」,唔係來得唔痛快!估唔到佢而家變成一個出版社編輯,以前講理想,而家口口聲聲要理想工作,最好人工多,番五日,老闆又錫佢!再見理想?我唔信,家下為口奔馳,暫時放開理想,八十歲都仲可以做作家!妳唔肯講俾我知想寫乜無所謂!我等得!等唔到都仲可以燒俾我!

再謝妳幫我搵到果本宋美齡

20 comments:

Anonymous said...

我本來都去書展, 就係怕o左D人潮, 放棄了!!

Anonymous said...

估唔到你對高木直子d繪本都有興趣喎~她的畫功雖然唔係話好細緻,但係佢寫既野好有感情, 睇得好舒服~

Anonymous said...

"勉強得到的東西通常都會後悔"

this is so true!

Anonymous said...

灘叔~ 希望你買 d 書都可以令你有 d 寫作靈感啦!! 快 d 出新戲啦...唔該!!

yee.....秀慧都.....幾清秀呀, 有冇諗過.................. :P kakaka....

Anonymous said...

高木直子的表達貼心得很!
尤其是一個人住第五年~!
正好說出我在英倫生活的那段日子~
又苦又甜!

一個人的第一次... 有很多的第一次其實我都記不起啦... 所以呢, 投入不來.

不跟你說太多, 妳先看吧!

Anonymous said...

我都好過過0黎香港去一趟書展呀~~~不過當我想像到要點迫入去, 同埋仲要俾多300蚊來回船飛去迫, 我就打消念頭喇....
如果書展可以做多幾日, 冇咁迫就好喇.....
好希望澳門都有呢d咁大型0既書展.....記得曾經澳門都搞過兩三年漫畫節, 不過可能反應唔係咁好, 所以之後冇再搞lu.....

Anonymous said...

我尋日係金鐘站見到你呀~
之後入地鐵企o左係你隔離
不過不敢叫你,驚認錯人
之後又係書展o既人海中再見到你
我d friend話你好高大呀~!!

Anonymous said...

我年年都有去,仲請假平日去以避人潮。
隨着年事漸長,覺得越嚟越逼好辛苦。
買書一年比一年少,拎書好似担泥,頸梗膊痛頭赤實齊。但年年都心思思想去,好似撞邪咁。今日我又去湊熱鬧和自虐了。

Anonymous said...

灘,
我都有高木直子本 一個人住第五年 呀!
我仲有佢本 一個人上東京 TIM!
D畫好靚啊!

Anonymous said...

鄒凱光 你就好喇''
我同我d friend 今日去, 人多到逼死...又熱 搞到買得2本書喳... 好唔開心呀 =[[

Anonymous said...

灘叔!紅白果本係唔係電影Saw小說版梨架?

Anonymous said...

鄒鄒, 你話鍾意睇人地 d blog, 但e家明星好似利用 blog 去宣傳咁, 你可以睇下 mandy o個個... 佢好勤力 update 的 http://www.xanga.com/mandystarz

Anonymous said...

我都好想去書展...但又怕人多(你知幾多學生架啦)..有咩好書推介呀喂??

Anonymous said...

我為了林夕, 在 Hall 5 幾乎逐個出版社問, 最後竟然看到某攤位大大隻字寫著林夕, 真是踏破鐵鞋無處覓。

不過, 找來找去也找不著他的書, 圍著書架轉幾個圈才找到, 誰想到踏破鐵鞋之後還要這麼費功夫地找。

本來只想湊熱鬧, 卻一買不可收拾。
書, 果真魅力難抗。

Anonymous said...

灘,

我都有買個本"一個人的第一次"

Monkey said...

我都有去書展呀~~ 不過就算撞到人都唔知啦~~ 個會場好迫呀~~ 都唔知係好事定唔好事...

Anonymous said...

睇哂d書未呢?
hehe 果晚好不要臉地嗌你同我影相阻倒你行書展~~ 真係好唔好意思啊 =_="
sor sor sor~
希望下年去書展會有你寫嘅書就good喇~~ ^_^

Anonymous said...

我係書展撞到你
原來你比上鏡好睇好多
我同我男友仲白痴到想跟縱你,
但係五分鐘都唔夠就放棄左了, 因為你好似隻速龍係咁走來走去, 跟唔切 >.<

不過自從你做電台後, 認識你多左, 就更鐘意你 (不過, 仲未識欣賞你部份既電影), 加油!!

Anonymous said...

Can you tell me which 宋美齡's book did u get?

Anonymous said...

唔.....高木直子我本本都有買
唔知係咪越睇越多本
覺得越出越唔好睇喇...
第一本係最好笑o既
但最新果本已經笑唔出lu....