6.23.2006

Eat Ate Eaten


我好佩服鐘意煮食的人,細心的鑽研,冷靜的觀察力,一絲不苟的處理過程,屢敗屢試的精神
,超乎常的人能耐!我再講多次「我服!」
對我黎講,食的用途是要來屙,常聽人家說「今夜呢餐好好食,食得好開心!」我亦不時遇到這樣的場面,不過我總認為開心不是來自那些食物,是因為大家可以聚首一堂!「咁齊人,食屎都好味!」除左屎,我最鐘意食就係「日本菜」,魚生唔駛烹調咁好食咪好羅!原汁原味,茹毛飲血!石器時代d祖先都係咁食,「好味!」
但總無可能一訓醒就食生,你試過係因為你有錢,我無能力!有時唔想起身,是因為恐懼又要想食什麼!有時好開心成日都唔肚餓,小左呢個煩惱,成日都順暢晒,但呢個屬「大奇蹟日」,好難先會有一次!食同唔食之間焗揀左食,咁煩食乜同是旦食,我梗係揀是旦食啦,但咪睇小是旦食,你以為你想是旦食就知食乜呀,最我後又番去煩食乜到!終於我想到一 個方法,因為生理解決而食的「餐單」

餐A:即食麵加當時心情想加的東西,仲要睇雪櫃有冇,呢餐我心情好,就「炸魚蛋辛辣麵」,辛辣麵加炸魚蛋好怪?正常同怪食完咪又係屙!食完整杯可樂加冰,跟住果下「暴龍式吼叫」!真係不得了!



餐.B:各式「一PAT東西」窩蛋免嘔飯,肉醬意粉,白汁芝士意粉,好處係夠惹味,食小小就夠飽,隔幾耐再食番都仲得!


鎖定左要食乜,食得多悶左,就唔食,等到夜晚食一餐自己鐘意食,日本菜貴,咪去打邊爐羅!都貴咪食番餐A,餐B羅!食黎都係屙。

我好小睇肥媽同阿蘇,JAMIE OLIVER更加小!但我勁鐘意睇「美女廚房」,點解整野食一定要好味,好食,難食,食完都係痾!你梗係揀好食啦!我揀難食喎,難食食小d,咪痾小d羅!

唔知點解,寫完之後好想去食餐日本菜~~~



7 comments:

Anonymous said...

哈哈~~我對食好有要求架~~~自己一個人食既話都會諗餐死先去食~試過同男朋友去食飯~自己明明餓到胃痛都係要誓死搵到自己想食既野~不過無錢既話都會屈服求其一餐囉~~辛辣面加炸魚旦一d都唔怪呀~我老爹成日都咁食架啦~~(我唔係暗示你同佢同年紀呀....哈哈~~)

Anonymous said...

食野都食到你0甘悲觀﹖﹖

食野係好高的享受~~
不過我同意﹐同自己喜歡的朋友家人食﹐食咩都無所謂。但對住你討厭既人﹐食咩都無味﹗﹗我0甘清楚因為我常遇上後者。。。

Anonymous said...

鐘意 == 鍾意

打錯字呀海灘 >.<

Anonymous said...

灘叔,

頭先唔記得寫埋,下次去珍禽異獸可以搵下Dr tiger. 好得架佢。但係記住要預約, 老虎好full appointments 架,係咁啦~

祝七仔同灘叔兩父女都健健康康呀^^

Con

23062006

Anonymous said...

灘兄:
睇完你第一幅刺身船,我都好想食日本菜!

Anonymous said...

好一句"正常同怪食完咪又係屙!", 我都好鍾意食完O野之後晴嘆番杯冰凍可樂, 爽O丫~

DOUBLECHIN™ said...

我最拿手係整兒童餐...俾自己食! d呃小朋友食又易整既食物/菜式係我晚餐良伴^o^