6.07.2006

嗌~~


其實我地究竟活係一個咩世界,咩世代,咩係真,咩係假,邊個識分,邊個唔識分,我有冇得揀!?係咪只可以揀合埋對眼,掩住耳朵,封住把嘴,唔講唔做唔聽唔理,乜都無做就唔會錯?!
有人水鬼升城皇,咁關我咩事?點解我要日日見到佢?!點解封面要係佢攬住d女渣波?!點解無人鬧呢d野,話佢教壞人,侮辱人!?係咪每個人袋裡面都有個放大鏡,有個揚聲器,尃要黎把一d小錯無限放大,令一d衰野無限宣揚開去?!Sigh~~~~
未問完我都識答個世界咪就係咁羅!咁我更加要問、要講!咁都唔俾我做,我會谷到癲!血肉之軀,有邊個無情緒,滿瀉就要爆出來!我唔介意人發脾氣,但我認為忍到無可再忍先好發,係有發唔係有發,收唔到應要效果;你老細日日發脾氣,你仲驚佢咩,你只會話佢「又發神經喇」,情侶亦一樣,通常我地知道事態嚴重,係因為聽到「佢一向都好好脾氣,呢次都發脾氣」





「嗌」係其中一種好好的發洩,不過嗌係好難搵地方,以前香港足球仲有人睇時,我會球場嗌,又會去游水係水底嗌,嗌到幾大聲都得!而家我會係屋企嗌,因為好好彩,呢排日日都有直昇機係附近練習,我點嗌都嘈唔過佢!好舒服!
但係我寧願無呢d舒服,因為如果我心裡無咁多難以接受的不滿,我就唔駛再嗌!等如失戀去殯儀館喊係最痛快,咁唔通你想試咩?!

13 comments:

sissy said...

Dear 灘灘~

I agree with 嗌」係其中一種好好的發洩!

"嗌」係其中一種好好的發洩,不過嗌係好難搵地方"you can come to Canada ... ~_~

don't say %#$^@&^&^*@##

Anonymous said...

我係路人甲

我真係想大嗌..考試嘈受滑鐵盧,仲未考完legal LAW Marketing 又未讀晒,
好想做作曲人,作出自己風格..唔使背乜背乜,乜鬼都死背

得閒黎我msn 留言啦
http://spaces.msn.com/hisami824/

過路人 said...

灘叔...

如果你想再出名D,去搭地鐵/火車/電車...時搵人o黎鬧吖!!!

我幫你post!!!!!!!!

Kelvin said...

灘叔:
呢個世界就係咁不知所謂,
以最近熱門話題為例:
我都唔明點解D人要一窩蜂去針對某D人,
呢幾日無論係睇報紙、睇電視、
上FORUM‧‧‧
都係有關你某同事搞投票件事,
講幾日D人都唔悶咩?
好似驚香港仲未夠亂咁,
定係佢地壓力太大要搵地方宣洩,
咁O岩你同事發表左個咁ge題目,
佢地借題發揮呢??

的而且確,每個人都會唔開心,
都會有自己ge壓力,
但係我覺得壓力宣洩ge途徑都要正確,
唔影響人先得,好似嗌咁,
唔嘈住人就冇問題啦,
可以喊,可以去笑,
又可以去做下運動,打下機咁,都OK架,
都係舒緩壓力又唔影響人ge方法。
何必要濫用正義之名,去損人不利己呢‧‧‧
咁樣自己真係會減到壓,真係會開心D架咩?

Sorry灘叔,我太長氣啦~成個阿伯咁‧‧‧
我只係想發表我ge觀點,阻你咁多地方,
又浪費左你睇野ge時間,真係唔好意思 >_<

serina said...

我今日睇煎釀三寶見到你客串演出wor哈~
不過得果幾秒戲咋

但講番套戲﹐真係唔太得。。。睇完我即刻睇下vcd背面 -- 好在scriptwriter唔係你唧﹗﹗

至於係邊個﹐唔好講啦。。。講真對佢都幾失望﹗不過我都明﹐無論director﹐scriptwriter﹐演員﹐都唔係部部好戲既~ 但我都仲支持香港電影的﹗

荃灣友 said...

hello, 我朋友都係住你果度喎, 朝早真係有人一邊晨運一邊大叫, 好好笑. 果度環境幾好, 但要轉 "村車", 你覺得方便嗎? 荃灣有檔吃 "車仔麵" 好正架喎, 你知嗎? around hang seng bank

呀一 said...

可惜有時(特別係一個人記時候)嗌完之後會感到空虛...

said...

海灘叔叔:
世界就是這樣,何謂真假? 甚至是對與錯,如何?
每個人也有不同選擇,有人喜歡不發言,得過且過去過,
可為敢怒卻不言,這是他們的人生與生活取向,
可喜的是我們也有選擇,去講去問去做啦,欣賞你!
常想著,人生可平平凡凡去過著…
但現所選是行走著不同的路,嘗試再嘗試,
可能前路會有波折,哈,但咁樣先好玩,在苦中所得的更為珍貴!
大嗌也好,大叫也好,作了喜歡做的事,
人…最重要忠於自己的真,
灘叔叔,活於真正的你,那樣就已足夠了!

你大嗌時,同樣,還有你的支持者(包括我)與你一起,
嗌嗌嗌!!!
盡情忠於那當下時刻的一個你!

范姜明月 said...

我都O咀, 點解咁少事都搞到咁呢, 咁佢地d飛bra走奶, 撚雀又點計數呢? 香港人太無聊啦, 最鍾意起哄 @o@

菜肉包 said...

根本已經冇新聞可以造, 咁大家咪無聊鬥無聊囉~~ 巴士阿叔點關我鬼事咩?

傲笑紅塵 said...

我想問, 利用道德殺人的, 有道德嗎?
那些自稱道德君子的, 明白甚麼是真心英雄嗎?

傲笑紅塵 said...

利用道德殺人的, 算是有道德嗎?
那些道德君子, 何時才明白甚麼是真心英雄啦...

P.tea said...

冇新聞,就只有放大d小事,而家d傳媒鍾意係小事化大.
報紙連d字都好大隻,有時一張圖加個標題就半版,
浪費紙張,我已經冇買雜誌幾年,屋企只有跑馬日老豆才買報紙,
而家有99%娛樂雜誌內容都係垃圾,
包括化妝品及修身廣告,1%係減價/coupon才有用,
報紙有60%都係"扮"厚份量.