6.26.2006

還原

我是網民,但我不是IT人,遇上電腦有事,如果有關相熟不在,我只有一個方法救治,就是「系統還原」,即是說把電腦返回從前某天再開始過。每次我使用這個系統,都會想起當年「SUPERMAN」結局,超人為了救回深愛女子,不惜令地球反轉頭轉動,令時光倒流,回到女子未死的時侯,系統還原令女子得以繼續生存,但女子卻不認得超人,好窩心的一幕!
幾個星期前,ROONEY一定想系統還原,回到對車路士的一仗,避過遇費拉拿的碰撞受傷!不過現代醫術加上ROONEY的決心,不用還原,ROONEY已復原!現在需要「系統還原」當然是奧雲,不過返去的日子,並不一定是對瑞典的一仗,可能是再早期,回到他還沒有欠落巨額賭債的時侯!
每個人都總有想系統還原的時侯,有親離去,大家總希望會有奇蹟回到從前時!失戀的時侯,總希望回到與他/她愛得如膠似漆的時侯!明天要考試,要交貨,總希望回到未出世的時侯!韓國及其他出了局的球迷,希望回到輸波前再踢過!如果你有呢個「系統還原」裝置,你會回到那一天?如果可以不停返轉頭,你是否會揀同一日,那一日可能你最快樂,那一日可能有些事情未辦妥,那一日可能是他/她最後一次跟我見面....
BILL MURRAY係九三年拍過一部戲叫「偷天情緣」,講bill這個天氣報導員,訓醒發現自己永遠活係同一日,當你知道所有事情會怎樣發生,的而且確有助追女仔,但如果每天同樣遇到生離死別,塵世間最痛苦之事莫過於此!

做人唔同打機,有得SAVE,就算死左都可以再黎過,玩到過到版為止,所以做人比打機更刺激,做人有系統還原,大家就會賴,會掉以輕心,大不了咪由頭做起!唔夠積極,慢慢就會變成消極!所以我都唔應該用呢個系統,咁我今晚咪無電腦用?!aiya~~



4 comments:

DOUBLECHIN™ said...

我諗起50 first dates同eternal sunshine! 睇完套戲後每次失戀都想洗下腦 =p

Anonymous said...

我成日都係咁諗, 如果可以返番果時果時, 我會點揀, 明知係死, 我仲會唔會咁做, 但諗黎諗去, 可能我都會keep番最初既決定, 好神奇呀! 有d野唔知係米叫整定...

Anonymous said...

好似有睇過一部類似既電影
唔知係咪呢部
番香港再買碟
好想買番舊時既戲~

Anonymous said...

無痛失戀.......洗腦.......