6.19.2006

有誰共嗚十


深藍 盧巧音
作詞:喬靖夫 作曲:雷頌德 編曲:劉志遠

你壯闊廣博 但你永遠沉話把光彩都掩蓋
寧靜似最冷 最深奧藍綠的海
而我不懂去說謊
無力對抗 墮進你思海
人放鬆的躺 浮泊於這心深的藍光
隨同著你暗浪 帶我到陸地那方
全年尋覓希望 無盡浮盪中彼此滲入感覺
也許一天我變做魚 睡在你內 把心釋放
看透你深處 是個更闊更廣色彩更多的世界
能讓我 更透徹感覺存在
藍藍的這片海
而沒氧氣 怎麼呼吸愛
*人放鬆的躺 浮泊於這心深的藍光
連同著我美夢 帶到最寂靜那方
仍浮沉著希望 從你懷內可找到美妙感覺
也許一天我變做魚 活在你內
把心釋放*




我鐘意水底世界,寧靜地被水擁抱的感覺好奇妙,但我份人咁溜廢,我唔敢潛水,最多都係snorkeling,咁唔可以下下出埠做呢件事,退而求其次,我唯有浸浴缸,比細路仔時「洗面盆潛 水睇紅劍魚」,已經有所進步!

最安全又最多魚睇都係去水族館!

我是水族館迷,去到世界各地,都會問人有冇水族館可 以參觀,唔駛濕身,唔駛反壓,唔駛驚有意外;就算部電視 幾靚,都總是欠缺現場感,係水族館只是一塊玻璃之隔,就可以清楚通透看到海底世界的縮影,行到幾近都唔駛驚!

去過咁多水族館,我始終鐘意海洋公園個海洋館,其實都係果d魚,不過對住佢地,總係有一 份歸屬感,望到條虎鯊,我就想起當年何守信落去餵虎鯊的一幕,見到海龜又會想起從前女朋友指著海龜大叫「你呀!鄒海龜呀」,還有已經不在的唐阿哥,當年他在海洋公園工作,所以我可以免費入場.....我覺得水族館內的魚類其實知道有人睇,會知情識趣地游近玻璃,滿足一下大家,令館內嘩聲四起!
我鐘意寒冬去海洋館,外面點凍,入到去就暖,海水不再冰冷,揀岩音樂聽,我可以逗留一個下午!好正好正!

冬天有排先到,唯有睇住其他野先,leon the professional導演 luc besson早年出色作品!講一 個比魚更愛海的青年潛水員故事!

「也許一天我變做魚,活在你內」可能靈感係來自呢部戲!

11 comments:

Wenny said...

哇!!
The Big Blue 都係我最愛的電影之一!!
你真係撿中我心水!!
令我捻起當年念大學暑假前去美國旅遊果陣時,特登試下搵而張 poster ,除著因為果低深邃的藍色令人睇到好舒服之外,海豚都係我至鐘意既動物,而張咁靚既poster,至今歷經12年,依然係唯一掛在我房牆度既野,唯一遺憾就係我仲沒搵到DVD,好多地區都重新發行著DVD精裝版,唯獨沒中文版本,如果有人知道邊度搵到既話,唔該話我知~

gRACE said...

Cool~海洋公園的水族館真是一個人的好去處~ 不過而家太多自由行~ 以前weekday去, 勁勁C服, 因為無乜人~
我喜歡晚上的海,因為很寧靜,很清涼~心也跟著明澄下來~大大的吸一口氣,Cool~~

Rita said...

The big blue係我細個0個時第一套冇得睇英文字幕而又成套睇哂0既電影...記得0個年我睇完leon the professional之後好鐘意Jean Reno, 同姑姐姑丈傾開, 姑丈同我講:
"我有一盒珍藏的VHS, 好好睇架, 裡面有Jean Reno後生0個樣, 不過冇字幕...你睇唔睇?"
睇!實睇啦! 點知睇完之後..移情別戀鐘意左個男主角 ^.^
不過印象已經好模糊lu, 淨係記得個結局...因為當年睇唔明(依家都未明...), 個男主角最後有冇死到??
wenny/unkle beach...煩請解說~ 哈哈, thx!

Tony said...

海灘,
可能我變態D,我鍾意生活在極深的海洋生物,它們的樣千其百怪,有些更帶恐怖的長牙,但十分有趣!有趣的是:它們十分恐怖,但不會傷害到我們、有趣的是:它們是同樣生存在這地球上、但是永遠不能和我們同時同地出現。生活在同一地方但不同空間!

菜肉包 said...

入咗海洋公園的水族館, 好似唔係置身香港咁,有大自然feel, 好enjoy深海嘅寧靜...
不過我都好耐冇去lu...

Christie said...

(。>_<。)

海總是讓我想流淚。。。

Supercalifragilisticexpialidocious said...

件事過左一星期之後~
你d留言又靜返~

哈哈~

Jerry said...

我都想去海洋公園個水母館果度睇下...
但係都冇咩機會啦呢1,2年
又要戴住個口罩..好鬼焗..點去丫?
我今日先係醫院番黎炸灘叔,好多日無上過黎
真係好羨慕你地..發燒o拍粒藥就無事
我發燒? 大獲啦..我6月1發燒,住到今日先出黎! 計一計..足足19日 加上世界盃,灰上加灰!!!!

Kendy~ said...

見到海龜又會想起從前女朋友指著海龜大叫「你呀!鄒海龜呀」

哈哈。。 估唔到平時係電台聽到既鄒生。。都會有感性既然面。。 So sweet.... ^^

cC said...

我又係勁鍾意去水族館o既人, 但本身又唔係鍾意海鍾意水但就係鍾意入水族館哥個感覺, 好舒服咁..可惜, 同朋友去旅行, 多數都唔會有人同我一樣有咁o既雅興.....好似剛剛o係bangkok返, paragon入面個水族館我就miss左喇~唉~都唔知幾時先再去~~

學生妹_維園阿伯 said...

唔好意思呀,阿灘叔~
雖然唔關你段blog 既事,
但我都想留個字,
岩岩(星期一)我放左工搭巴士番home,
我一路聽你地做節目,
一開波果陣,你地係咁講白話文,
我自己好低能咁o係度笑,
我隔離果位叔叔即刻行開,
兼夾比我聽到佢傾電話 話:
我隔離岩岩坐左個痴線既學生妹呀~自己坐o係度勁笑
跟住我個樣係 : =.="阿叔呀~我都無計ga,雖然我知自己無程程咁笑好低能,之但係我就係想笑ja ma,笑到我腳都軟呀,
ha ha~ XD

支持你呀,灘叔,你係我目標黎ga,
我要由一個學生妹"進化"為一個灘叔叔~ XD