6.29.2006

Prison's Show business



意大利監獄新事物

記者來鴻BBC記者 佛雷澤
世界上許多監獄都為囚犯提供工作技能培訓,以便囚犯刑期結束重返社會時可以擁有一技之長。
但都靈附近薩盧佐市的一座監獄為囚犯提供的技能訓練頗不尋常。它每天都播放半小時由囚犯自己製作與主持的電視節目。本台記者佛雷澤前往那裡,並會見了一些參與節目製作的囚犯。
鐵窗內的樂趣

費里西納監獄每天播放半小時犯人自己制作的節目斯台方諾因為謀殺被判30年監禁。他用錘子打死了自己的親生母親。奧馬爾是個摩洛哥毒品販子,他在走私20公斤海洛因時被當場抓獲。而潘克拉奇奧的罪名是搶銀行,他一共搶了70多家。
這三個本來純屬風馬牛不相及的人,卻因為製作電視節目湊到了一起。這個主意是費裡西納監獄的囚犯們自己提出的,它不但獲得了薩盧佐市長的贊同,還得到了市政府提供的部分資金。這個半小時節目內容豐富,既有政治經濟,也有體育賽事,還有監獄生活。
這套由監獄閉路電視播出的節目深受歡迎,觀看它成了獄友們每天的一件大事。

從前睇監獄風雲,覺得坐監其實幾開心,發哥不停搞笑,仲係監獄內唱歌跳舞,當時初出茅蘆,有曾經想過找不到工作,入去坐監都唔錯,咁我當然知道裡面真實情況並非如此,再加上九九年飛過一次過加拿大,機倉內果二十個鐘,簡直充份體會到「坐監滋味」!再加上我又有密室幽閉症,又咁怕悶,我想清楚,我都係唔鐘意坐監!
我知道歐洲又很多監獄設備可媲美二三星級酒店,無自由已經係最大懲罰,無需要把監獄變成地獄一樣,但我誓估唔到係監獄可以有show睇!節目仲咁多元化!我又想坐番監喇!我入到去除時做到監獄電視台,電台總監啦,自己仲可以做埋,現實生活做唔到,可以入去實現!有唔對路咪逃獄羅,我睇晒PRISON BREAK,實有方法走得甩。
但係睇三位製作人背景同歷史,我創作就算識飛,都唔及用個錘親手打死阿母的故事咁震撼,我又無運過毒,又無打劫過銀行,論資曆,遭遇,我入到去都似係只可以UNDER三位,即是最多做總監助手,仲要同時做三個,辛苦過家下!我都係要潔身自愛,唔可以坐監,起碼而家未適合!
如果費里西早一點學會製作節目,或者已經無暇殺母,當然亦有可能邊殺邊拍,買兇拍人咁荒謬;奧馬爾如果早d練到黃秋生咁好戲,當日可能以戲凌人,順利過關!打劫銀行要一眼關七,又要控制現場一草一木,又一定要在指定時間內完成工作,基本上同做一個導演的工序相同;如果潘克拉奇奧早知可能轉行拍野,變成國際大導演.....
如果三位越做越好,欲罷不能,會唔會刑期滿都要繼續做,無得走呢!到時三位會唔會話「早知係咁,當初就唔好做到咁好啦!」

如果..早知.....都話做人係無「系統還原」,所以唔好到講早知時先知,到結果時先想如果!

7 comments:

Putt said...

Prison Break 好正啊。 我都睇晒,不过都唔识点越狱。
今日睇左SUPERMAN RETURN啦。 有D失望咯。 SUPERMAN 靓仔,电脑特技好掂,但剧情就认真麻麻喇。

Percy said...

Pretty good thought about the prison. Thanks for sharing.

A lot of people say, "如果..早知" ... if we all know early, things won't happen... on the other hand, if things won't happen, how can we learn from our experiences/mistakes, right?

There is just not many people understand this point, this learning cycle...

serina said...

坐監。。。我寧願0係自由自在的天空做一舊垃圾﹐都唔想0係監獄做Rupurt Murdoch

菜肉包 said...

15/16好好睇呀~~支持你, 今晚再睇~~

Christie said...

睇個trailer都OK﹐ 但美國D 電視野有一度唔好﹐ which 可能有“一點”真係可以令套劇好吸引﹐ 但係得果“一點”唔足夠令個故事繼續發展落去﹐ 最後就淪落成“一季起兩季止”貨仔。 好例子有Dark AngeL 同24。 故事氣氛懶緊張咁係冇用的。 辛辛苦苦用一個鐘頭營造既氣氛﹐ 要等成個禮拜先o黎延續﹐ 咩都冷卻晒啦﹗

Anonymous said...

海灘:
昨晚在電視見到你,我覺得你好cute呢!
仲有,你個blog好正,謝謝你的分享,d音樂仲好relax啊!加油! 

chinKerbella said...

係呀係呀, 有海灘先至係最好睇既15/16! ^o^