6.21.2006

睇大圍

我話過要帶七仔離開露台,睇睇外面個世界,順便睇睇醫生,我真係唔想七仔變成跛腳七!呢隻鄉下仔,一上的士就嚇到賴屎,好彩我有個保鮮袋兜住,唔係就一褲都係!驚魂甫定,好竟然活躍起來,係咁爬,都唔知佢緊張定係好似細路仔去旅行咁,個心「創」晒!總之我就好辛苦先帶到七仔去到醫院!



一入到去,登記完,坐埋一邊等叫名,一放七記落椅上,唔駛五秒,七記就生猛到九秒九咁係咁爬,係咪爬... ... 大家睇下,邊似有事呀!














現場經常聽到護士叫「黃豬豬、小白白、車里子... 」呢d寵物名,真係聽一個,打一下屎震!到個護仕正準備叫「鄒.... 七...... 」我聽見個鄒字已經大聲叫「到!」實行以聲蓋聲!有d名,係屋企叫就還可以,出到黎仲用!真係會好惡頂,走果時聽見護士叫了一聲「honey!」我即刻加速走!但後來我想,個護士可能係叫我喎,噢.... 撈!

外藉醫生叫PETER,我大部份時間聽見醫生同七仔講的說話係「YOU ARE SO BEAUTIFUL!」原來七仔係叫做Yellow –Margined Box Turtle,學名Cistoclemys Flavomarginata,醫生唔知中文名係乜!但我找到了!七仔係"黃緣盒龜",在魚街被叫作"湖南金錢龜",個性膽小,溫馴,喜歡匿藏於隱閉處休息,愛探頭外望!但資料話呢種龜不善游泳,但醫生就說牠是「Good Swimmer,not Good Walker」
要再搵多d資料先知邊個岩!
但醫生話七仔無骨折,可能是撞傷了肌肉,慢慢就會復原,答得咁虛蕪飄渺,我忍唔住答番醫生「哦!」
細個有唔舒服,去睇完醫生,未食藥就覺得自己好番,希望七仔都會係咁,至於醫生講要整個Resort俾你,你等等啦,我得閒就帶你搞,總之你安心休養,快D行得走得!

我同大圍都算有感情,曾經因探親戚,我成日黎大圍,曾經因為探老友,我成日去大圍,曾經因為送女友,我成日黎大圍,但最多的原因,是因為入馬場,從前愛跑馬,去大圍代表果次賽事贏到錢,因為贏到錢先會食強記雞粥,乳鴿,炒麵!
今日行番呢D地方,懷緬之餘,覺得大圍表面上變了個老人區,但久下久又發現有外藉人仕居住,再睇清楚又有年青情侶... 其實都幾多元化!但d街道同建築,依然保持「新界Feel」,近火車站一帶,仲有很多平房,無高樓大廈地方會令人望得高D,睇得遠D,行得遠D .....

我行左好耐,先發現七記賴到一個保鮮袋都係,似乎七仔都係鐘意城市多D!

20 comments:

gRACE said...

而家都未訓, 係因為家中小貓出左事~mushroom成晚都側身訓左係度, 發出好痛既叫聲...自己根本就訓唔著, 見到佢咁辛苦, 好驚mushroom有事...因為佢陪過我走過人生最低谷既時間~ 而家等天光帶佢睇醫生...唉~

P.S. 大圍係一個好地方, 因為感覺上係一個中間點...新界去九龍,可以火車轉MTR, 去港島又可以火車去紅隨撘隨巴~

Heidi said...

Very funny.......

Anonymous said...

...同姓..我屋企d寵物..隻隻都跟左我姓架...五隻龜...一隻狗...不過d魚就..來得快..希望去唔好咁快啦..咁樣都可以比個姓佢地啦

Anonymous said...

希望龜龜快D好番啦~

Candy said...

在NY,最常聽到的寵物名字是Max, Buddy, Kiddo...感覺上比較Cool呢~hee...

Ms.Hazel said...

鄒七仔右後腳如何?

Ms.Hazel said...

鄒七仔右後腳如何?

Anonymous said...

希望鄒7記快D好返啦~

Anonymous said...

好鬼耐無入大圍啦。。。都應該有十年﹐細個爹0地媽咪淨係帶我地入去單車公園﹐都無四圍行過。。。原來大圍係0甘既樣的﹗多謝你D相。。返黎等我帶爹0地媽咪去食強記先﹗﹗

Monkey said...

好cute呀~~ 一d都唔似有事, 希望佢快d好番~~ 我朋友曾經都話過我知佢搬屋時, 龜龜都驚到賴屎, 好搞笑~o~

原來真係有間咁嘅診所, 真係無奇不有呀~~

Anonymous said...

海灘,
睇相,七仔好似精靈過o個位大夫喎!你得閒就多D帶七仔出黎行啦,唔好比佢做雙失(失寵、失禁)小龜呀!佢睇唔開真係去跳露台呀!

Anonymous said...

灘叔您好!
路過同您打個招呼先^^
我屋企人隻龍貓都係黎lee間診所睇醫生架...佢隻腳跛咗,又唔肯自己食嘢...醫生話將佢人道毀滅,不過屋企人唔捨得,e家又佢好似無咁辛苦,不過仍然要食藥,又要用人手餵佢食嘢...希望佢可以努力咁生存落去la^^
希望7仔可以快d好番la^.^

Anonymous said...

哈哈~祝阿7仔快d康復,健步如飛!

Anonymous said...

哈哈~祝阿7仔快d康復,健步如飛!

Zero said...

小妹都係住"大圍"!哈哈...

DOUBLECHIN™ said...

七仔睇醫生張相好搞笑...完全縮埋,得個殼^o^

Zero said...

小妹都係住"大圍"! 哈哈...

Anonymous said...

beach~~7仔真係好攬笑~又會賴得咁密~~hee~

Anonymous said...

大圍!!雖然我都o係住大圍,但係一d都唔近市中心(因為o係半山)...所以都好少行相片中o既地方...係唔係都要搭車架喇,我寧願搭去沙田囉(雖然貴d...)大圍的確係個好地方!

CowNam said...

我都帶過 2 隻兔仔去果到睇醫生! 7 仔個醫生都見過~ 好 nice ~ 有個叫 dr.lim 好靚仔~ 哈哈~ 大圍呢間動物醫院係最好嫁~ 我睇過佢地留醫既地方 (因為我隻兔都要留醫...)好乾淨企理~ 仲有一隻大肥貓~ anyway~ 希望 7 仔快 d 好返啦~ ^^