6.16.2006

我等緊你番黎

「我等緊你番黎!」
可以是伴侶之間的情話,也可是怨偶之間的煩話,如果伴侶死左,而你仲聽見,一定係鬼話!我唔想講大話,你不是我伴侶,但「我等緊你番黎」
共富貴的大多數是酒肉朋友,有難時不在你身邊的並不一定是不夠朋友,風大雨大,真係唔知可以幫到乜!但我一直係你身旁,我唔知咁做有咩用,但我一直無走開過!
朋友呢兩年陷入人生低潮,事業、感情兩失意,理所當然變得意志消沉,自暴自棄,大家開初是極同情,但朋友每況愈下,大家開始責備他,進而討厭他,覺得朋友已不可理喻!大家決定任朋友自生自減,但每日通訊內容總有關於朋友的,日復一日,月復一月,朋友依然無起色,大家無計可施,只好繼續在他旁等!
我未見過回魂,但我見到朋友番黎!不是大節日,無橫風橫雨,無紅白二事,無神蹟顯靈,無地震,無海嘯,無頂,無撞,無爆,無飲,無high的一個普通日子裡,朋友醒番喇,大家發現從前的那個朋友無緣無故番左黎喇!
「我突然想通晒,我唔可以再係咁.... 」
聽到呢兩句,我突然好急屎,我忍屎忍到標晒眼淚
「你番黎喇!隨便坐,我去廁所先..... 」,「等我番黎! 」
不要放棄,會等到的...




十幾年前,我曾經係TVB做打燈,之後一直無機會再同佢合作
,今日同C3成班入TVB玩「15/16」;呢個新廠,我都係第一次去,竟然仍然有當年的同事認得我!
「番黎喇!等你番黎好耐喇!」
呢位朋友同我年紀相若,從前跟他好老友,我轉左岡位後,已經近十年沒有聯略;朋友一輪嘴,內容全是他對我工作上的讚與彈,有些是我也忘記了的PROJECT,他竟然記得清楚過我,呢位朋友一直都仲係我身邊,無言感激!
















雖然我只是嘉賓,但錄一集「15/16」要成四小時,其實幾吃力!疲!點疲得過兩位主持!


大家放心!森小很好!只是有點疲倦,大家無需再發起行動支持他,就靜靜的伴在一旁,唔好走開!
「我地等緊你地番黎!」
殊~~~~~~~~

27 comments:

Christie said...

(∧_∧)

hedy said...

o~~~原本錄15/161集要咁耐嫁~~~我地睇就半個鐘....o~~森小辛苦晒你地la~~

       我都等緊你地返黎牙~~~
 

ps~~~突破諗到「台上一分鐘,台下十年功」...

海灘你又練左幾多個年頭ge功~~~XXD

gRACE said...

"等待" "默默支持"是漫長的~
有D乜野係越長越好? 是友誼, 是經得起考驗的友誼!!
『友誼萬歲!!!!』

天藍 said...

灘叔, 不好意思, 但我哭了!

vv said...

"我等緊你番黎..."
如果這一刻我還能聽得到這句說話...

剛看yahoo新聞,知道penalty...
雖然我並不是森美,小儀的粉絲,
亦替他們感到難過...
認錯的要罪,逍遙的褒獎,
香港越來越陌生...

Tony said...

海灘,
That's are what friends for !

P.tea said...

出左黎做野好耐啦,有時都好想放個暑假,
仲記唔記得悠長假期呢個電視劇?
希望放假後會更加好!

k-tii said...

that's correct!
我地等緊你地番黎!!!

siuyan`` said...

嗯嗯!!!!我一定會靜靜的等森美小儀回歸!!!!!我知道佢地一定想件事淡!!!我會靜架!!等着他們回來!!!! =]

Tony said...

海灘,
"朋友"對我來說是我對親人以外的稱呼,從來我對人或事都是單向的付出,不問收穫。只要自己做好本份,用"心"對人對事,我估活得更怏樂和更多人把我作為他們心中的"朋友"!有能力幫助及關心別人是一大福氣!我曾經有一段時間是受人幫助及關心,但我可以說那段時間無論健康或情緒都是我人生中的最低點,非常感激親人和朋友的支持和關心,暖在心中,但這感覺不希望在有生之年再感受一次!所以我覺得大家能做一世的酒肉朋友,是一生人的其中的一大福氣,對嗎?

ANGELINA said...

陪著我成長的朋友...無言的等待...
我緊你地番黎!......

Mew~ said...

睇完呢一篇, 好大0既感觸...
希望大家都會有 "我一直係你身旁,我唔知咁做有咩用,但我一直無走開過!" 0既朋友! 就好似海灘你對朋友0既不離不棄, 已經係最0既鼓勵! Good work ^^

呀偉 said...

OK!收到!

cynthia said...

唉~
衣排新聞報導森小的事,
睇完真係好唔開心....
雖然,森小在這件事上係有錯,
但係點解d人要攪到件事禁大....
點解傳媒,什麼什麼團體...
要令森小攪到禁慘先安樂....
點解唔可以放森小一馬....
點解要踏森小這麼多腳....
點解仲要考慮告佢地.....
點解...點解.....
世界黑暗.....充滿控訴、指責....

11 said...

TO 海灘:
見到你個BLOG個0既寫……好TOUCHING啊……

PS:我都好擔心7仔會跌落街……海灘你都是想想計,防止意外髮生啊……

CoRn* said...

我一定要睇下LU~咁多903人:呀喱,LEO,你都有上去,,,一定要睇LA~

Smileplus said...

灘叔你好=)
第一次來留言...

我也等著自己回來...
自己唔想找自己
自己唔想返屋企

到底是我徹底變了,變差了,還是真正的自己未回來!?
好怕..好怕答案是前者.../︿\..

不過無論如何...都要努力=)

p.s.很掛念森小
如果唔麻煩的話..請跟他們說:「俾心機!!有轉機!!」<--這是我會考時用的金句^^...四季合用...哈哈

「等,等一生都等」

媽媽黏 said...

海灘*
突然間覺得你好感性,,,
估唔到平時搞開gag ge你又會打埋d咁正ge野啵...

[[靜候森小]]

小彤 said...

T^T 今次冇TAKUYA GE ?

「森小,我等著你回來 >3<」

BEACH 我地都會O係你身邊唔走開嫁 XDD

MaY said...

我等著你(們)回來~ 我等著你(們)回來~ ;_;

CellCell said...

我都贊成~ 事情已經過去~
而家應該做o既係默默地等+無限量支持!! ^^

支持森小~! 支持她他她!!

灘叔~~ 創作人果然係唔同 d ~ 個個 blog entry 都好有味道~ I love 你個 blog~ kekekeee!!

士多啤啤 said...

海灘叔﹐我第一次上黎﹔呢排因為森小﹐我有幸知道咗你呢個blog﹐第一次知道演藝人既blog感覺好特別呢!仲要係咁personal添! 好似突然間變friend咗好多咁! 而家日日都有上黎﹐了解多咗你﹐覺得你好得意呀! 咁形容你好似有D奇怪﹐哈哈! 你亦有感性的一面喎! 唔係淨係搞笑hehe

我想講: 多謝你! 多謝你﹐間接成為咗我哋同森小的一個小小聯繫﹔有你﹐我哋唔洗只靠果D咁既傳媒都可以知道森小既狀況﹐真的多謝你﹐多謝你同我哋一齊支持佢哋﹔一齊支持大家﹐互相的鼓勵

我相信你會幫我哋同森小問好﹐同佢哋講: 我哋等緊佢哋番黎! 我哋會一直支持佢哋﹐學你話齋﹐一直一直伴在旁﹐一定唔會走開!!! You know, 朋友嘛﹐朋友就係咁架啦!!! ^_______^

菜肉包 said...

安靜地等待森小...

Anonymous said...

灘叔""""
我地,,會靜靜咁等佢地番黎架...

Stanley said...

灘叔叔...
你都要加油呀!

Macau Lucia said...

Thanks 灘叔叔0既精彩報導....我地會安靜咁等森小番0黎, 因為我都相信, 最好0既做法就係唔再提及呢件事, 等佢慢慢散去....期待森小番0黎....節目質素越0黎越好~

檸檬羊:> said...

灘, (唔敢叫灘叔, 因為彼此年紀差不遠;>)

初次拜訪, 請多多指教!^^

羊剛剛在網上blog友幫助下找到你家,

看到這篇~真是感動說!^-^~

羊剛被拔去智齒, 休息去了~再聊!一定會常來你家逛 ^.^