6.24.2006

調戲

收到個神秘EMAIL,題標寫住「你自己決定!」,內容首先是這一幅相,然後有如下一段文字



電台主持鄒凱灘有殺錯,無放過,向幾十歲施以咸豬手
唔想我揚呢幅相出去,送我兩張c3首影入場卷!


我睇完笑左成分鐘,相中是一個茶水阿E,一次我去拍攝現場探班時被拍下,你睇我個樣,伸晒舌,唔係調戲,仲係乜,唔怕坦白講,我暗戀左呢位阿E已經好耐,可惜阿E是無腳雀,安定下來就會死,所以我多次向她提親,都換來一句「阿灘!我唔岩妳~~~」,妳知因為呢句說話,我為你改變左幾多!樂基兒鐘意油畫,阿E鐘意山水畫,我為左阿E即刻去學,仲去國內桂林學,以為桂林山水甲天下,會學得好D,可惜我天資有限,只係學會整「山水豆腐」,但阿E對豆腐一點興趣也沒有,我但依然尊重妳,妳唔食,鐘意睇!我點肚餓都唔會食你豆腐!今日我同妳曖昧關係被揭穿,我唔會再迴避!我會同傳媒宣報,其實我同妳係......

跟住點,不如大家幫我續落去,再dum到我笑,首影飛就歸你地,否則就益左我朋友了!
〈都係星期一下午截止,星期一節目後到商台取飛〉

引人笑最緊要係夠無聊!

6 comments:

小彤 said...

其實真係無聊最好笑,
好似艾粒咁,
勁無聊 但係 笑死人。
=]

雲尼 said...

桂林山水甲天下...不是隔

yin said...

今日我同妳曖昧關係被揭穿,我唔會再迴避!我會同傳媒宣報,其實我同妳係......
姑侄關係,孻姑姐妳係我自懂性以來第一個傾慕嘅女人,直到而家妳仍然係我心中嘅女神!!我因為妳係電影圈中人而毅然投身編劇行列,希望能夠近水流臺先得月! 奈何妳除左擁有中國傳統美人胚子之外,連內裡都係咁傳統,點都唔肯接受我呢份驚天地泣鬼嘅愛......係呢幾十年我係咁尋找我嘅另一半,全世界嘅人都以為我風流成性,所以女伴如車輪轉,但係無人知道,我其實係世界上最癡心嘅傻子。我之所以換畫快過換衫完全因為我發現佢地全部都有妳嘅影子....微棕的卷髮、微黃的臉龐、微張的朱唇,仲有佢地嘅一顰一笑,通通都只會令我更加不能自拔咁愛上妳!
我嘅好朋友,你有無留意到FORWARD呢張相比你嘅人其實就係我呀?!?!我就係想你快D揚張相出去!擁有無上力量嘅傳媒呀!來吧!懇請您地使出您地嘅渾身解數,盡情炒作啦!等我可以攻佔C1全版,免費咁向我心目中嘅李嘉欣一訴衷情吧!!

Winnie The Law said...

乜關係都無所謂架...我已經知道你個心諗D乜
你唔好再話我唔岩你...呢張相已經出賣佐你...你有無睇到呢張相幾咁郎情妾意..我知道你都想拋開世俗既眼光...來吧(請用國語)...唔好再逃避...既然我地既關係已經掦佐出黎...你仲怕D乜呀...我地要勇敢咁企出黎...話比全宇宙聽 "我‧愛‧你" ...我要連宇宙人都要知道
從此以後我係你心中既THE ONE....而你亦唔駛再話你唔岩我....亦唔駛珍惜我整比你既豆腐..你可以盡情咁踐踏...我日日都會整比你踐~~而且我同阿7仲可以日日做你既模凸兒...實行買大送細既計劃
你唔鐘意咁務實既話~我可以再浮誇D...係地球中心直呼你既名字~~阿E..

Supercalifragilisticexpialidocious said...

勢風日下呀你。
你有新歡啦~咁猴琴。-_-”

下為設計對白:

灘:「整杯許留山過你飲先啦,芒椰奶西岩唔岩?」
靚姐:「哼,你條花o靚"kang",用18蚊杯奶西就想溝我?!你都烚下烚下...」
灘:「咁呀,唔好飲芒椰奶西囉,我請你飲Sex on the BEACH啦!」
靚姐:「細路,都幾Flirty喎,咁快就想同我飲Sex on the Beach?!」
灘:「點姐,你屋企定我屋企?」
靚姐:「你梗係買棺材唔知訂啦,我係人稱ONS既鬼魅魎魍,來無蹤亦去無影,別人尋找我的背影,我卻依然需要尋找真我,否則生命將一片空白,而我也找不到自己的方向。 只是,哪裡才是我的天? 一季的花草萎去,接替的是下一季的花期。那麼,寂寞裡的光和影,又將會是哪些呢?.......」
灘:「!*!@*&@*&!@(*!@)(*!@&^#)!@(*」

ONS: 一夜坐或一夜企

martin said...

灘:去到呢個時刻我唔可以再暪你
我係你個初戀情人呀! 小babybaby
姐:你係babybabybaby,我唔信
灘:上當年我不辭而別仲拎左你十蚊,
其實係為左整容 ...
姐:你.....點解呀
灘:因為0個時我覺得我佩你唔起呀!
姐:你點解整到咁呀!!
灘:我....十蚊係咁既貨色
姐:babybaby你都係算la!上當年我根本就 冇鐘意過你!你死心la!!