PERIOD

呢兩日心情開始差，可能突然無波睇，可能天氣太悶熱，可能工作並不如意，可能之前累積下來的疲倦，可能近排沒有刺激的事發生，可能....可能跟本是周期性，PERIOD到！
從前面對呢個情況，我會不停發脾氣，口口聲聲話「你地走開啦！我發自己脾氣之麻！」，其實咪又係發緊其他人脾氣！後來我學會匿埋唔見人，等PERIOD過！但逃避並不可能是最終的解決方法！應該去思考自己PERIOD到的原因，但情緒差會影響分折力，分折錯誤就會鑽牛角尖，無數解不開的結，就是這樣形成！
咁應該點算呀？心急人上
我發現有一種方法係可以把PERIOD提早結朿，就係「逆思考」！
被情人拋棄，你傷心欲絕，不停想自己不好的地方，越想就越無自信，越無自信就越醜樣，越醜樣就越無自信，越無自信就越去想自己的問題.....唔駛一個星期，你已經變成廢人！
轉反轉頭想，自己就算有一萬個問題，但仍比對方優勝！因為對方唯一的問題就是「無眼光！」，然後就離開呢個題目，因為再想又會返回上面的循環陷阱....
工作不如意，覺得自己有料，但唔識交際應酬，覺得咁做好假，好狗！調反轉想咪你所做一切都是演出，你是在角色扮演，扮演一個可以呃到個傻老闆的角色，無論你覺得點狗，點假，都是在演戲，你真身只會給最親，最愛的人看見！
我知道今天是A LEVEL放榜，很多考生今晚的心情都會忐忑不安，Relax~~`~~最壞咪出黎做野，驚唔夠學歷搵唔到工！好想繼續讀，但經濟又唔許可？係咁之嘛...做seven都係一份好好的過渡的工作，你係有心，邊做邊讀都無問題，再唔係做一年，蓄d錢先再讀過！你咁後生，我有個antie五十幾六十歲，最近先報名讀什麼英國文學，唔知咩學仕果d野咁啦....你地得果廿歲（其實有冇？）來日方長啦！
前面就算是盡頭，只要你肯回頭，大把路行啦！記住有乜想唔通，調番轉想就無事架喇！講下講下，我period完左lu，聽日去游水先！

Prison's Show business

意大利監獄新事物

記者來鴻BBC記者 佛雷澤
世界上許多監獄都為囚犯提供工作技能培訓，以便囚犯刑期結束重返社會時可以擁有一技之長。
但都靈附近薩盧佐市的一座監獄為囚犯提供的技能訓練頗不尋常。它每天都播放半小時由囚犯自己製作與主持的電視節目。本台記者佛雷澤前往那裡，並會見了一些參與節目製作的囚犯。
鐵窗內的樂趣

費里西納監獄每天播放半小時犯人自己制作的節目斯台方諾因為謀殺被判30年監禁。他用錘子打死了自己的親生母親。奧馬爾是個摩洛哥毒品販子，他在走私20公斤海洛因時被當場抓獲。而潘克拉奇奧的罪名是搶銀行，他一共搶了70多家。
這三個本來純屬風馬牛不相及的人，卻因為製作電視節目湊到了一起。這個主意是費裡西納監獄的囚犯們自己提出的，它不但獲得了薩盧佐市長的贊同，還得到了市政府提供的部分資金。這個半小時節目內容豐富，既有政治經濟，也有體育賽事，還有監獄生活。
這套由監獄閉路電視播出的節目深受歡迎，觀看它成了獄友們每天的一件大事。

從前睇監獄風雲，覺得坐監其實幾開心，發哥不停搞笑，仲係監獄內唱歌跳舞，當時初出茅蘆，有曾經想過找不到工作，入去坐監都唔錯，咁我當然知道裡面真實情況並非如此，再加上九九年飛過一次過加拿大，機倉內果二十個鐘，簡直充份體會到「坐監滋味」！再加上我又有密室幽閉症，又咁怕悶，我想清楚，我都係唔鐘意坐監！
我知道歐洲又很多監獄設備可媲美二三星級酒店，無自由已經係最大懲罰，無需要把監獄變成地獄一樣，但我誓估唔到係監獄可以有show睇！節目仲咁多元化！我又想坐番監喇！我入到去除時做到監獄電視台，電台總監啦，自己仲可以做埋，現實生活做唔到，可以入去實現！有唔對路咪逃獄羅，我睇晒PRISON BREAK，實有方法走得甩。
但係睇三位製作人背景同歷史，我創作就算識飛，都唔及用個錘親手打死阿母的故事咁震撼，我又無運過毒，又無打劫過銀行，論資曆，遭遇，我入到去都似係只可以UNDER三位，即是最多做總監助手，仲要同時做三個，辛苦過家下！我都係要潔身自愛，唔可以坐監，起碼而家未適合！
如果費里西早一點學會製作節目，或者已經無暇殺母，當然亦有可能邊殺邊拍，買兇拍人咁荒謬;奧馬爾如果早d練到黃秋生咁好戲，當日可能以戲凌人，順利過關！打劫銀行要一眼關七，又要控制現場一草一木，又一定要在指定時間內完成工作，基本上同做一個導演的工序相同;如果潘克拉奇奧早知可能轉行拍野，變成國際大導演.....
如果三位越做越好，欲罷不能，會唔會刑期滿都要繼續做，無得走呢！到時三位會唔會話「早知係咁，當初就唔好做到咁好啦！」

如果..早知.....都話做人係無「系統還原」，所以唔好到講早知時先知，到結果時先想如果！

Adios Raul

我原全唔鐘RAUL，但我寧願ZIDANE番去，不過都係多一場咁多，到今時今日都仲係講緊呢班球星，其實呢十年八載，何止娛樂圈無再出過星，球圈咪一樣！

爆

Here is the link of the video clip that I took during the explosion
http://unklebeach.tripod.com/Video000.3gp

一心以為可以出席到c3個首影，點知出門口先發現屋外面有架貨車著火，我羅住部機拍，先知道並非小事，除左大火，仲爆炸，拍戲睇爆炸就見得多，原來真實係咁震撼，仲好彩俾我拍到！終於搞左成半個鐘先上到車，去到個首影禮已經完成！我趕頭趕命先拍到幾張相！


森美d fans好齊心


森美曬到d膚色好靚！

無特技，無執相，我真係高過鄭融好多！離晒譜！
希望c3好似我今晚遭遇，爆到飛起啦！

天有眼！

好鬼死憎呢隊澳洲，友誼賽踢傷晒我d橙！家下天有眼喇！茅有茅輸！意大利好波！有仇報仇！

Sukki's story

為左呢兩張C3首影飛，我EMAIL突然好似俾人炸版一樣，見到大家好努力逗我開心，雖然大部份是抄番黎，但起碼肯做先丫！當中有一兩個好生活姇的趣事，其實絕對有資格羅飛！可惜大家遇到呢位人兄，THOMAS LEUNG
其實我對呢位人兄一d認識都無，但睇完他自製的這段片，我除左送飛給他外，更相約他出來傾傾，如果是業餘水準，呢位人兄都算幾勁！
講多無謂，大家睇下啦，有不滿可以上訴，你有野好得過他，我再送你正場飛！一言為定
original version: http://www.youtube.com/watch?v=U8UPVzpsXjo
with english subtitles: http://www.youtube.com/watch?v=FkvEwwIEDXo

橙！拜拜！

橙！拜拜！洛賓！雲佩斯！雲達沙！拜拜~~~下屆踢好d啦！不過我對呢場波有d質疑，並唔係因為輸唔起講悔氣說話！由哥斯甸亞出盡力羅第二面紅牌出場，我已經覺得好可疑！
四紅十六黃是一個歷史 ，但我想話俾大家知，非法外圍有得黃牌大細，就好似入球大細一樣！希望呢次係巧合！

還原

我是網民，但我不是IT人，遇上電腦有事，如果有關相熟不在，我只有一個方法救治，就是「系統還原」，即是說把電腦返回從前某天再開始過。每次我使用這個系統，都會想起當年「SUPERMAN」結局，超人為了救回深愛女子，不惜令地球反轉頭轉動，令時光倒流，回到女子未死的時侯，系統還原令女子得以繼續生存，但女子卻不認得超人，好窩心的一幕！
幾個星期前，ROONEY一定想系統還原，回到對車路士的一仗，避過遇費拉拿的碰撞受傷！不過現代醫術加上ROONEY的決心，不用還原，ROONEY已復原！現在需要「系統還原」當然是奧雲，不過返去的日子，並不一定是對瑞典的一仗，可能是再早期，回到他還沒有欠落巨額賭債的時侯！
每個人都總有想系統還原的時侯，有親離去，大家總希望會有奇蹟回到從前時！失戀的時侯，總希望回到與他/她愛得如膠似漆的時侯！明天要考試，要交貨，總希望回到未出世的時侯！韓國及其他出了局的球迷，希望回到輸波前再踢過！如果你有呢個「系統還原」裝置，你會回到那一天？如果可以不停返轉頭，你是否會揀同一日，那一日可能你最快樂，那一日可能有些事情未辦妥，那一日可能是他/她最後一次跟我見面....
BILL MURRAY係九三年拍過一部戲叫「偷天情緣」，講bill這個天氣報導員，訓醒發現自己永遠活係同一日，當你知道所有事情會怎樣發生，的而且確有助追女仔，但如果每天同樣遇到生離死別，塵世間最痛苦之事莫過於此！

做人唔同打機，有得SAVE，就算死左都可以再黎過，玩到過到版為止，所以做人比打機更刺激，做人有系統還原，大家就會賴，會掉以輕心，大不了咪由頭做起！唔夠積極，慢慢就會變成消極！所以我都唔應該用呢個系統，咁我今晚咪無電腦用？！aiya~~

溫馨提示

打令！記住「c3首影羅飛大賽」係聽日下中午截止呀~~~~你無性趣？咁我提其他打令都得掛！

DJ先生

「Hey！Mr. DJ put a record on！I wanna dance with my baby ~~~」
MADONNA MUSIC
「小生小生怕怕哦，哎也哎也哦....」
ALAN TAM 小生怕怕

兩首歌表面睇，風馬牛不相及，一首係情緒高潮，為要同情人起舞，向「DJ先生」獻媚點唱，另一首是當年鬼片「小生怕怕」主題曲！唔知大家有冇好似我咁好彩聽個一個港台節目叫「DJ先生李志剛」，首主題曲係咁
「DJ先生李志剛，哎也哎也哦...DJ先生李城剛哎也哎也哦.......DJ先生李志剛，哎也哎也哦......DJ先生李志剛，哎也哎也哦.......」，我唔係唔記得歌詞，但係隻歌係不停重覆咁唱呢句，唱到隻歌完為止！」
第一次聽見呢個節目，我以為自己時光倒流番去八十年代，事關，港台DJ大部份由八十年代做到而家，有D仲早D，加埋DJ們磁性的聲線，得體的腔口，仲全播八十年隻歌曲，其實係幾RETRO！叫DJ點唱，其實係件LEUNG事，不過放係MADONNA身上，就變成RETRO，型！至於小生怕怕CROSSOVERDJ先生李志剛，唔止係RETRO，直情要 BACK TO THE FUTRUE！我覺得世界上有好多人同電影VILLAGE裡面條村一樣，係無進化過，永遠停留在一個年代！但係這些人通常都快樂！
今日去C3一個宣傳活動，有幸第一次接觸到DJ先生李志剛，李生乃今次宣傳大會司儀，身穿背心的他，充滿夏日氣息，但呢個造型做司儀，對我黎講係相當有突破性！我真係估你唔到！雖然多次讀錯演員名字，我都做左幾次雛凱光，部戲又叫左幾次新紮師兄，但搞氣氛手法有聲有色，十足十以前大躂地賣武！我最鐘意李生問FIONA同TAKUYA有冇親熱戲，然後叫FIONA即場同TAKUYA示範一次，我以為李生會引領全場起哄叫「嘴！嘴！嘴！」但李生見FIONA面有難色，即刻出手打圓場，都係賣個關子，入戲院就會睇到！能收能放！自問自答，一個人帶住個SHOW！現場人仕不禁讚嘆「DJ先生李志剛真係哽！」
可惜快樂時光真係過得特別快，個SHOW玩唔夠兩個鐘就完了，回家立刻上網聽番「DJ先生李志剛」節目重溫，先發現原來今日係最後一集！噢....撈！以後個新節目叫「made in HK李志剛」，有冇搞錯哦！咁我以後點懷舊呀！MADE IN HK個名咁近代！咁我聽番903LU！

“대한민국”

最後二十秒，敗局已定，你們仍然爭取最後一個機會進攻，比賽縱使輸了，卻永遠贏到球迷的心，除了韓國人之外，我凱灘亦再一次被你們不屈不撓的神精感動！

“대한민국”

調戲

收到個神秘EMAIL，題標寫住「你自己決定！」，內容首先是這一幅相，然後有如下一段文字

電台主持鄒凱灘有殺錯，無放過，向幾十歲施以咸豬手
唔想我揚呢幅相出去，送我兩張c3首影入場卷！

我睇完笑左成分鐘，相中是一個茶水阿E，一次我去拍攝現場探班時被拍下，你睇我個樣，伸晒舌，唔係調戲，仲係乜，唔怕坦白講，我暗戀左呢位阿E已經好耐，可惜阿E是無腳雀，安定下來就會死，所以我多次向她提親，都換來一句「阿灘！我唔岩妳~~~」，妳知因為呢句說話，我為你改變左幾多！樂基兒鐘意油畫，阿E鐘意山水畫，我為左阿E即刻去學，仲去國內桂林學，以為桂林山水甲天下，會學得好D，可惜我天資有限，只係學會整「山水豆腐」，但阿E對豆腐一點興趣也沒有，我但依然尊重妳，妳唔食，鐘意睇！我點肚餓都唔會食你豆腐！今日我同妳曖昧關係被揭穿，我唔會再迴避！我會同傳媒宣報，其實我同妳係......

跟住點，不如大家幫我續落去，再dum到我笑，首影飛就歸你地，否則就益左我朋友了！
〈都係星期一下午截止，星期一節目後到商台取飛〉

引人笑最緊要係夠無聊！

Eat Ate Eaten

我好佩服鐘意煮食的人，細心的鑽研，冷靜的觀察力，一絲不苟的處理過程，屢敗屢試的精神
，超乎常的人能耐！我再講多次「我服！」
對我黎講，食的用途是要來屙，常聽人家說「今夜呢餐好好食，食得好開心！」我亦不時遇到這樣的場面，不過我總認為開心不是來自那些食物，是因為大家可以聚首一堂！「咁齊人，食屎都好味！」除左屎，我最鐘意食就係「日本菜」，魚生唔駛烹調咁好食咪好羅！原汁原味，茹毛飲血！石器時代d祖先都係咁食，「好味！」
但總無可能一訓醒就食生，你試過係因為你有錢，我無能力！有時唔想起身，是因為恐懼又要想食什麼！有時好開心成日都唔肚餓，小左呢個煩惱，成日都順暢晒，但呢個屬「大奇蹟日」，好難先會有一次！食同唔食之間焗揀左食，咁煩食乜同是旦食，我梗係揀是旦食啦，但咪睇小是旦食，你以為你想是旦食就知食乜呀，最我後又番去煩食乜到！終於我想到一 個方法，因為生理解決而食的「餐單」

餐A：即食麵加當時心情想加的東西，仲要睇雪櫃有冇，呢餐我心情好，就「炸魚蛋辛辣麵」，辛辣麵加炸魚蛋好怪？正常同怪食完咪又係屙！食完整杯可樂加冰，跟住果下「暴龍式吼叫」！真係不得了！



餐.B：各式「一PAT東西」窩蛋免嘔飯，肉醬意粉，白汁芝士意粉，好處係夠惹味，食小小就夠飽，隔幾耐再食番都仲得！

鎖定左要食乜，食得多悶左，就唔食，等到夜晚食一餐自己鐘意食，日本菜貴，咪去打邊爐羅！都貴咪食番餐A，餐B羅！食黎都係屙。

我好小睇肥媽同阿蘇，JAMIE OLIVER更加小！但我勁鐘意睇「美女廚房」，點解整野食一定要好味，好食，難食，食完都係痾！你梗係揀好食啦！我揀難食喎，難食食小d，咪痾小d羅！

唔知點解，寫完之後好想去食餐日本菜~~~

Laugh u so much

我唔知笑聲係咪真係可以救地球，但每次我令到身邊的人發笑，心裡面就有一股暖意滲出，好舒服，我一舒服就會開懷笑，一笑就會繼續想方法令人笑，然後暖意又滲出，跟住又好舒服，舒服又開懷笑......但願呢個循環永遠唔會停！
大家快樂，所以我快樂，我快樂，所以大家快樂！多謝大家~~~並唔係靠把口！上面有兩張下星期二（27/6）係APM舉行的c3首影入場卷！當然係送俾大家其中一位幸運兒啦！
想得到飛好簡單，你dum得我開心咪送俾你羅，email來unklebeach@hotmail.com，講一樣會令我開心的東西，笑話，故事，相片......真係今到我開心，我就會email你星期二下午來到電台羅飛！星期一上午截止！
用下個腦喇喂~~~~ 記得要笑呀！

睇大圍

我話過要帶七仔離開露台，睇睇外面個世界，順便睇睇醫生，我真係唔想七仔變成跛腳七！呢隻鄉下仔，一上的士就嚇到賴屎，好彩我有個保鮮袋兜住，唔係就一褲都係！驚魂甫定，好竟然活躍起來，係咁爬，都唔知佢緊張定係好似細路仔去旅行咁，個心「創」晒！總之我就好辛苦先帶到七仔去到醫院！

一入到去，登記完，坐埋一邊等叫名，一放七記落椅上，唔駛五秒，七記就生猛到九秒九咁係咁爬，係咪爬... ... 大家睇下，邊似有事呀！

現場經常聽到護士叫「黃豬豬、小白白、車里子... 」呢d寵物名，真係聽一個，打一下屎震！到個護仕正準備叫「鄒.... 七...... 」我聽見個鄒字已經大聲叫「到！」實行以聲蓋聲！有d名，係屋企叫就還可以，出到黎仲用！真係會好惡頂，走果時聽見護士叫了一聲「honey！」我即刻加速走！但後來我想，個護士可能係叫我喎，噢.... 撈！

外藉醫生叫PETER，我大部份時間聽見醫生同七仔講的說話係「YOU ARE SO BEAUTIFUL！」原來七仔係叫做Yellow –Margined Box Turtle，學名Cistoclemys Flavomarginata，醫生唔知中文名係乜！但我找到了！七仔係"黃緣盒龜"，在魚街被叫作"湖南金錢龜"，個性膽小，溫馴，喜歡匿藏於隱閉處休息，愛探頭外望！但資料話呢種龜不善游泳，但醫生就說牠是「Good Swimmer，not Good Walker」
要再搵多d資料先知邊個岩！
但醫生話七仔無骨折，可能是撞傷了肌肉，慢慢就會復原，答得咁虛蕪飄渺，我忍唔住答番醫生「哦！」
細個有唔舒服，去睇完醫生，未食藥就覺得自己好番，希望七仔都會係咁，至於醫生講要整個Resort俾你，你等等啦，我得閒就帶你搞，總之你安心休養，快D行得走得！

我同大圍都算有感情，曾經因探親戚，我成日黎大圍，曾經因為探老友，我成日去大圍，曾經因為送女友，我成日黎大圍，但最多的原因，是因為入馬場，從前愛跑馬，去大圍代表果次賽事贏到錢，因為贏到錢先會食強記雞粥，乳鴿，炒麵！
今日行番呢D地方，懷緬之餘，覺得大圍表面上變了個老人區，但久下久又發現有外藉人仕居住，再睇清楚又有年青情侶... 其實都幾多元化！但d街道同建築，依然保持「新界Feel」，近火車站一帶，仲有很多平房，無高樓大廈地方會令人望得高D，睇得遠D，行得遠D .....

我行左好耐，先發現七記賴到一個保鮮袋都係，似乎七仔都係鐘意城市多D！

係咪FRIEND先？

一聽見有人問我「係咪friend先？」，我就知道大事不妙，呢句說話同用把刀指住你條頸一樣，除非你唔怕死，否則你乜都要應承！
「借五千銀黎丫！」
「我成到身家都係得咁多，點借晒俾你呀！？」
「嘩~~~我又無話唔還，你咁都唔幫手，係咪friend先？」
終於我俾佢問左好多次，每次五千，唔覺唔覺佢都爭我幾萬銀
「喂！呢排手緊，還番d錢黎先丫！」
「唔係麻？！你手緊？！你點用錢架？！我有就還左俾你啦！你咁都追，係咪friend先？！」
你咁都講得出，其實你有當過我係friend嗎？
男人得兩樣野會反面，錢銀同女人；我從來唔會同朋友因爭女而反面，因為d女一定係揀我朋友，至於錢呢方面，我借得俾人，就預左收唔番。「無左d錢！都好過無左個朋友！」，所以唔駛再問我「係咪FIREND先？」
有好多人求人做野，心知事情會麻煩到人，但又逼不得意要對方幫手，就會以友情掛帥，但心知大家友情有限，就會好心虛，先聲奪人「咁都唔幫？！係咪friend先？！」我試過答「唔係！」，對方即刻七情上面，數盡多年來在我背後如何支持我，暗中幫忙我，仲因為我食個七隻死貓，其中兩隻係摺耳，頂過十六隻鑊，總全部都係易潔鑊，無整污漕件衫！有時由於要求果樣東西太難，佢會再講誇d，直情講到原來幫我捱過兩刀，同埋捐過一邊腎俾我！講到咁，都係問「喂！幫我班xxx演唱會飛丫！」
報應！真係報應！我曾經都是一個成日搵人幫買演唱會飛的人，成日以為d做唱片公司，實好易買到飛，五年前做左商台之後，我知道買演唱會飛係好煩的事！
首先！買飛果個，當然想指定日子，最靚位，睇完先俾錢！但真相是你訂飛要先俾錢，無得揀日子，d位未必一定靚！你覺得先入錢無保障，同一樣錢但無得揀位唔公平，去到發現個位唔靚，番黎同我投訴，關我咩事呀！阿媽教落無錯，做乜都好唔好做「雞仔媒人」，所以為減小煩惱，原則上你叫我買飛，我都會話我無辦法，「咁都無辦法？！係咪FRIEND先？！」「唔好意思，不如我地絕交啦！」
今次軟硬「long time no see！」我已經訂左四十幾張飛，d「朋友」而家先續係浮面叫幫手訂，我估計仲有排加落去，其實我想過唔好理，訂一百張，我知到時實有人要，但唔該睇番上面條款，係要先入錢，大拿拿四萬銀，我真係唔捨得！
我知大家心裡面想什麼，「點解唔買一百張呀！我想要呀！」
如果你心裡面講過呢句說話，請scroll up再睇過我講乜！如果睇完個心仲係講「咁係丫麻，做咩唔要一百張飛呀！我真係想要呀！」
「喂！我唔幫人買飛架！你仲問？！係咪FRIEND先！？」

有誰共嗚十

深藍 盧巧音
作詞：喬靖夫　作曲：雷頌德　編曲：劉志遠

你壯闊廣博　但你永遠沉話把光彩都掩蓋
寧靜似最冷　最深奧藍綠的海
而我不懂去說謊
無力對抗　墮進你思海
人放鬆的躺　浮泊於這心深的藍光
隨同著你暗浪　帶我到陸地那方
全年尋覓希望　無盡浮盪中彼此滲入感覺
也許一天我變做魚　睡在你內　把心釋放
看透你深處　是個更闊更廣色彩更多的世界
能讓我　更透徹感覺存在
藍藍的這片海
而沒氧氣　怎麼呼吸愛
*人放鬆的躺　浮泊於這心深的藍光
連同著我美夢　帶到最寂靜那方
仍浮沉著希望　從你懷內可找到美妙感覺
也許一天我變做魚　活在你內
把心釋放*




我鐘意水底世界，寧靜地被水擁抱的感覺好奇妙，但我份人咁溜廢，我唔敢潛水，最多都係snorkeling，咁唔可以下下出埠做呢件事，退而求其次，我唯有浸浴缸，比細路仔時「洗面盆潛 水睇紅劍魚」，已經有所進步！

最安全又最多魚睇都係去水族館！

我是水族館迷，去到世界各地，都會問人有冇水族館可 以參觀，唔駛濕身，唔駛反壓，唔駛驚有意外；就算部電視 幾靚，都總是欠缺現場感，係水族館只是一塊玻璃之隔，就可以清楚通透看到海底世界的縮影，行到幾近都唔駛驚！

去過咁多水族館，我始終鐘意海洋公園個海洋館，其實都係果d魚，不過對住佢地，總係有一 份歸屬感，望到條虎鯊，我就想起當年何守信落去餵虎鯊的一幕，見到海龜又會想起從前女朋友指著海龜大叫「你呀！鄒海龜呀」，還有已經不在的唐阿哥，當年他在海洋公園工作，所以我可以免費入場.....我覺得水族館內的魚類其實知道有人睇，會知情識趣地游近玻璃，滿足一下大家，令館內嘩聲四起！
我鐘意寒冬去海洋館，外面點凍，入到去就暖，海水不再冰冷，揀岩音樂聽，我可以逗留一個下午！好正好正！

冬天有排先到，唯有睇住其他野先，leon the professional導演 luc besson早年出色作品！講一 個比魚更愛海的青年潛水員故事！

「也許一天我變做魚，活在你內」可能靈感係來自呢部戲！