1.25.2007

Seven



如果真有前世今生下世,我相信下一世我一定做龜,這個推測由「過來龜」七哥話我知!


七哥同其他龜一樣,生出來就要不停向前走,攀過前面所有阻礙物,直至不能不攀越,就會停在那個死角位,面壁自閉,最近我發現七哥愛上掘個窿俾自己匿埋.....


















禮成。然後如果我把海棉再推貼,七哥又會不屈不撓地,再掘出個天地,繼續面壁自閉。熟龜的人告訴我,原來龜一生不是想攀越前面阻礙物,牠只是想「搵個窿捐」,收埋自己,面壁自閉!我又問如果買多隻陪七哥,情況會開朗點嗎,答案是「無關係」,龜是喜歡離群獨處。

如果信前世因,今世果,相信七哥上一世性格一定開朗過吳君如,生活一定開心過徐子淇,朋友一定多過曾志偉,情人一定多過霍公子.....所以今世淪為做龜,悶到無朋友,孤孤獨獨,冷冷清清咁悶一生,仲要龜特別長壽,即係『有排受啦!』

講到呢度,大家應該明白我點解認為下世自己會做龜啦!








越睇七哥越覺得似自己,跟本我影相擺PO就係學佢,不過佢型D之麻!

24 comments:

Wenny said...

龜既生長速度應該好慢ga....
但係點解覺得七哥比之前大佐好多???

pvc said...

我諗响現實生活有唔少人好似一隻龜咁想"「搵個窿捐」,收埋自己,面壁自閉"!但係有時環境唔許可...咁其實同駝鳥分別大嗎?

Lolo said...

我都想「搵個窿捐」. 我喜歡龜﹐ 不過我不想好似它們咁長命。

~**~~*eunice*~~*~ said...

我以前屋企都有養龜, 啲龜每一日都係咁爬呀爬呀, 想走出個缸咁, 見到佢哋咁努力, 好似好有大志咁0既樣, 都有啲感動!
to wenny: 龜0既生長速度, 應該係一排排0架. 我以前啲巴西龜都係, 夏天生得好快, 冬天就唔長肉0既.

(淑)女(蘭)求 said...

你兜左個大圈黎讚自己喎

bo said...

你鍾意就得啦。瞓落去會有D涼涼地, 個shape剛剛好long住條頸。

估唔到你去到銅鑼灣都係去返嗰間, 睇黎你D男人都係懶得冧。見你地一班人費事同你打招呼, but it's good to see you.

Anonymous said...

滩叔,你果然够无聊,念埋D甘无聊野^^

小朱飛刀 said...

阿七越大越正!大得咁快既?都算証明牠好食好住啦!
我見親戚沒有用缸養龜,主人一回來, 牠便出來捉腳趾歡迎,你也可以考慮下!但記住出門時鎖緊廁所及露台門口!

bone said...

有酒就好今朝醉!
好好享受你嘅 " 花樣年華 " !

Ada0816 said...

請為(七哥)鼓掌,佢唔單止型重生命力好強,記得前陣子佢趺親, 現在咪又無事勁啊!其實做人同做龜都有點似, 好多人都係咁有事逼得就逼縮埋個頭,過左氣就申番個頭出黎!

Anonymous said...

灘叔你好,首次發言,不過其實已經看了很久你的blog了.

七哥.....真的越望越似灘叔呢.不止是神情,連樣子都.......

物似主人?主人似物?

Percy said...

大細路MATT﹐

其實﹐阿七仔係未想冬眠﹖
佢好似大隻左﹗

就算幾無朋友﹐七仔有你呢個朋友﹐米飯班主﹐都夠晒數﹗﹗﹗

又有DUCKDUCK﹐又有海棉。。。可能你要買個大D既缸咯。。。

pctxg said...

你好呀灘叔!
細個阿媽唔比我養龜, 8年前終於可以一個人住, 於是去旺角買咗一隻巴西龜養, 點知個半月就息勞歸主. 再買兩隻, 兩個月收工, 再買兩隻, 個半月. 好傷心, 好對佢地唔住. 朋友話我太火, 又話我家無陽光, 換水太密...唉! 之後就無再養啦! :(

su said...

越黎越中意你隻龜喎!
唔知你會唔會同佢講秘密? 哈哈。

美麗 said...

灘叔= =
我好中意你隻七哥......
好靚仔= =+

幻影 said...

如果e一世可以做到咁下一世做龜都冇所謂
其實做龜都要睇下做邊個隻龜既啫
做你隻龜起碼都衣食無憂啦

敢如果有前世今生
敢隻龜龜來生起碼可以活得幸福快樂
係佢既幸運定係我地既悲哀呢......

Joe said...

灘叔,估唔到原來你認為自己「性格開朗過吳君如,生活開心過徐子淇,朋友多過曾志偉,情人多過霍公子」......

玩沙 said...

七哥生命力強囉,哇,上次跌親依家好返十成十喇播。睇落佢都幾青靚白淨!龜黎講佢係吳彥祖喇,呵呵。仲有,係呢,七哥唔駛冬眠架咩?

qt芝士 said...

我最近都有收埋自己的衝動, 但朋友仔說我該知足, 一星期七日幾乎日日都有不同的人陪, 不可以玩自閉.....

人嘛, 總是犯賤的

Anonymous said...

海灘,每次看你寫blog主題我都好感覺,有一定影響力,好似一個人夜晚在電腦前工作,是果種平靜又期待的。

CONNIE said...

UNCLE BEACH , so cute by seven brother !

Every day see your blog , take me many many feel back (is ready ), so warm ! all the thing is so sweet and hurt my heart !

明仔 said...

講說物似主人形, 那七哥的頭部似你嗎??

賀少 said...

唔知點解
每個人都會鐘意掘個位比自己
尋找自己的空間
就算個位好細,都好鐘意塞入去
有時訓覺.明明訓床中間最舒服
但好多時d人都鐘意"痴"埋牆到訓
haha
面壁!!
唔知點解.睇住隻龜既行動
雖然只係少少的幾步
但係佢世界入面,就好似完成左一天既任務一樣

Anonymous said...

hello 周公子

我以前d龜冬天果陣都有搵窿捐,我地鋪石春,佢掘到自己鍾意既位就會冬眠番一頭半個月先出黎咖喇