1.27.2007

我有名你叫



『阿邊個邊個?羅d咩俾我!』 『阿邊個邊個?你明唔明我講緊咩?』
『阿邊個邊個,你男友(女友)叫咩名?』 『阿邊個邊個,你幫我叫阿邊個邊個過黎開會!』



凡事都有個起端,呢種咁黑人憎「稱呼」方法始於1990,電影「咖哩辣椒」中一個黑人憎的上司口中,但似乎大家都忘記說這句話是比問侯人家人更侮辱,不過傷害人而強化自己,是人生競賽中爭勝的重要板斧之一,因此我到現在仍無時無刻聽到有說「果個邊個,你過黎」

你識攻,我識守!仲識打反擊!

「阿邊個邊個?」 「阿邊個邊個!我叫阿Matt!」

但呢個世界,低處未算低,你以為自己高,跟本是年少氣盛,不知天高地厚!
果個人之後再無叫我「邊個邊個」

「阿咩呀!你幫我....」 「我有名架,我叫阿Matt!」 「咪叫左你名羅,阿咩丫嘛!」

貪勝不知輸,以為穩守特擊,點知作繭自縛,任人魚肉!

我深深不忿,多年來繼續拆解研究,首先由根部著手,除了負面的想法外,無記性亦可能是其中一個原因!
記憶是把事情密碼化,人家超級記數字大師,用的方法也是把1-100,A-Z,每個數字,字母變成一件自己能夠聯想到的東西,記人名亦是,記我叫阿MATT ,咪由個M字去記,想起我的M字額,就會記起我叫阿Matt !

當然大部份的名字是很普通,我就識八個Cindy,六個Ivy,六個Joe,五個Peter,無數阿儀,阿強.....咁又點記?

我個方法是幫他們改花名,八個Cindy中
Cindy Ma ```密碼是夜總會媽咪
Cindy Lo ```密碼是低能婆(Low B )
CIndy Yan ```密碼是煮野好好味(Yan can cook)
Cindy Wong ```密碼是咸濕(唔係因為記「黃」色,佢真係好咸濕)
Cindy Chan X3 ```呢種情況,要盡量將三個人變成一個種類,但不同型號,例如呢個個案,我會記三個都係
「C cup」,然後最簡單梗係分大中細,所以好多時我見到一個女仔,望住佢個胸,
只不過係記緊佢個名,並非咸濕~`

但改花名其實需要好強的創意,所以我呢個建議,並非個個適用。

「你好!你點稱呼?」 「重要嗎?」

這是我第一次見以故性格演員Joe lee(爆裂刑警內演反派首領毒儂那位)的開場白,「重要嗎?」,這句話如當頭棒喝,令我茅室頓開!


名字只是一個稱呼,忘記我的名字不要緊,還記得我才是最重要,你覺得我重要,還會搞錯我是「油魚」嗎?你有本事令人記住,你的本領就是你的綽號,記得你的綽號,就記得你的名字!你會唔會忘記七旋斬,萬人迷的名字是碧咸,唔會唔忘記三姑是笑死人果個吳君如,擺PO皇是吳鎮宇,新聞女皇是Paris Hilton,勤力皇是劉德華.....


你要記住的是我的型像,我的名字就是這型像的Label,你有出過力,用過心,你的品牌一定有人認同,曾幾何時, 有邊個會想到 「劉華腔」會成為值得談論的唱歌方法,一件冷衫跟豐高偉績一樣,都是織(積)番黎!




如你信,不要問,細心聽,用心看,放聲笑~``

10 comments:

小朱飛刀 said...

放心,我同我全家,繼續支持阿斐!
不過,問題一 : 阿斐隔住頂帽聽headphone,聽得清楚嗎?
問題二 :那隻是否熊扮兔?叫什麼名字呢?
我記得你節目中笑過阿斐帶住隻公仔開工,但我忘記了你話隻是什麼公仔。

pvc said...

我老闆有時想叫我嗰陣都會叫"阿邊個呀"..以前我都會應佢囉...但係耐咗覺得點解好似會淨係叫我嗰陣係叫"阿邊個",有次我問佢我個名係咪好難記!?佢話唔係,係有時UP快得滯諗唔切...我覺得個原因有啲牽強,自始之後每當佢叫阿邊個嗰陣,我唔會係第一個比反應佢囉..就算佢係叫我我會等佢真係叫到我個名嗰陣至應佢囉... 雖然宜家佢少咗咁叫我...anyway

睇完你呢一篇之後,我會嘗試唔計較咁多囉...因為我自問唔係一個唔做得嘢o既人呀~anyway..多謝你呢個post!

belleho said...

名字就是我的化號
化號就是我的標誌

bone said...

能夠欣賞別人,好!

Anonymous said...

额......你条新女真系同细JOE争几
远啵...ANYWAY,有时间都会继续支持
你...LOVE YOU BEACH... ^ ^

nick2046 said...

Thank you for making me laugh each night; 阿斐is almost like a happier version of Echo Chan, very colorful.

Candy said...

ha灘叔你又失眠??

賀少 said...

今時今日
邊個夠膽叫海灘仔做邊個邊個
拖出去斬啦

名唔重要
最重要係記得呢個人係咩黎
有時打份工,老細唔記得名唔重要
但幫你做野幾個月或者幾年,都仲係咁
唔通自己真係唔值得別人記入腦?

人生在世
每個人名都唔重要
但當你做左件轟烈既事
因為件事,人地先會記得你
所以呢,成世人都唔做單堅野
真係白過一世

賀少 said...

仲想講多句
戲名叫咖哩辣椒
令我諗起另一套
芝士火腿
好似係咁叫

scarred v said...

在節目中﹐聽眾不願講出真名﹐你哋話邊有人識你呀(忘了是出自那個talk show)。
我叮一聲﹐係喎﹐識你阿水咩!
但最近在大氣電波裏﹐連續出現兩次我的名字﹐903的黃金少年Season3和無記的突圍行動。嘩! 好邪啫!
不是開心自己出名了﹐而是想不知那些已失去聯絡的朋友和同學們看到聽到後﹐會否偶爾想起我呢?
喂! 搵我呀﹐吹水聚舊都好。