8.02.2006

你們近況


首先分成兩派人先,第一派,會常常問人「阿A同B最近點?聽講佢地成日嘈喎」或者「阿A同B係咪拍番拖?」呢個叫「人派」;第二派係「灘派」,永遠唔問人家感情事,如果太唔熟,你講我會行開!
其實人家的感情近況關你咩事呢?「我想關心下之麻!」係關心定八呀?「又關心又八羅!」
你係關心就應該好細心留意到啦,開心的情侶,你見唔到個人,佢地都有陣甜味會飄到你面前;到人家有事,唔代表想講你知,唔代想你關心!「點解個個都知我唔知喎!」咪就係因為你八!所以唔講你知羅!
有好多人會鐘意講感情近況俾「人派」成員知,當然係一些希望借你把嘴會四圍唱的說話,又或者將所有講晒你聽,你就成為要幫佢承擔的一份子,跟住「人派」的人就覺得對方煩,對方又覺得「人派」的人唔夠FRIEND,最後反面可能都係因為一個「八」字!知小D,就煩小D!

「人派」會員最多當然係C9同OLD嬋,佢地生活簡單,「八」係唯一運用到腦袋的創意部份,是關每一單八掛新聞,都會留好多談論空間俾佢地作簡單創作遊戲,「A都係同B有路架喇,唔係點會咁寫丫,我話一定係A襯C唔係度,B又知D同E有路,所以B咪同A發姣,諗住激下阿D,點知假戲真做.......」呢D創作,係佢地先諗到!
有供就有求,有人做馬騮戲,係因為有鐘意睇馬騮戲的客!但係唔係隻隻馬騮都識做戲,識做戲,趷起個紅仆仆屁股,懶CUTE咁搖下搖下,都仲還可以,但係唔識做戲果D,趷起個屁股,表演瀨到一地都係,之後仲要同場加演互相餵對方食屎,然後再瀨過出黎,再食、再瀨、再瀨、再食......我頂得住,你兩隻野都顧下自己丫!食得屎多講句野,流滴汗,噴啖氣都臭過人,D本來會餵香蕉俾你地食的客人就會走,你地就會餓死!不過係你地未餓死之前,我已經嘔到缺水而死!我已經好努力咁避,但係你地真係太臭!
Give Me A Break!

唔好意思,唔知點解要講英文,「俾我抖抖氣丫!真係好臭呀!」

9 comments:

Anonymous said...

嘻嘻嘻嘻嘻~~~~

Anonymous said...

講得好!

Anonymous said...

講得好岩..有時朋友所謂的關心,真的只是8而已. 俾人"關心"的我, 都有點無奈

Anonymous said...

唔同性格、品格、教養的人講的話可以有唔同效果。廢話可以聽到人好爆笑又無聊,相反聽多句都好嘔心、厭惡,走都走唔切。

Anonymous said...

unklebeach篇野好深bor..
我睇左好多次先明明地.
我果然唔係你個層次:<

Anonymous said...

你講緊柏C&風風.......

Anonymous said...

好深。

Anonymous said...

我也好討厭八卦的人, 所以對著這些人, 甚少提及自己, 提及朋友, 只會聽他們一輪嘴發言。

他們八回來的東西, 足夠自說自話大半天。
好狠煩~

Anonymous said...

Hi Unklebeach,
I was wondering if you are talking about "them" since I read this passage....kind of difficult to understand at the beginning, but very obvious at the end.... what a fantastic plan to express your feelings about this crazy couple...