8.08.2006



中學時期,曾經被一個女同學幫我改左個花名叫「阿怪」,因而耿耿於懷!「我係唔靚仔!但係都唔算怪麻?!」 「你又唔算好醜樣,但你思想,打扮,行為真係好怪!」 「?!我呢d叫思想、打扮前衛,係型唔係怪呀!」 「咁樣叫做型?!我只係覺得怪!我真係接受唔到!」 佢講到咁,我就明白晒!
當我身邊的同學仲迷戀緊ALAN TAM或張國榮,我只愛達明一派,其實咁樣又幾前衛,達明概念咪又係來自英倫組合,只不過當時你地接受唔到長頭髮男子做主音,鬥雞眼結他手!我認為結婚係人類最蠢的發明,死左之後應該唔好再浪費金錢係喪禮同壽衣身上,你覺得我不孝,花弗,只是你們比我傳統!接受新鮮的事作能力低!如果這樣就導至你認為我「怪」,只係你太正常,唔抵得我D有別於你,所以就用一個可以打擊我地的TERM「怪」來穩守突擊!由果日開始,被人話怪我當作是一種讚美!
後來入到ESPRIT工作,我好介意自己唔夠怪,原來會有人剪河童頭(早過朗拿道十幾年),男人會著TIGHT PANT同化裝,女人會鏟光個頭,有人可以同你做左半年同事,但未同你講過一句說話!有人要求加班因為媽媽就快過身,唔想面對!喜歡睇極都唔的「進念」、聽SPK,基本上係挑戰人類聽覺極限的嘈音,一齊睇戲,有人因為隔離位不停傾偈,屢勸無效,那人毅然離開,不久又回來,手持一把軍刀,隔離位看見即刻收聲!
我無辦法入到佢地世界,我想怪但怪唔起,我開始質疑佢地係「扮怪」,為怪而怪!呢D係嘩眾取寵唔係怪!
有日那個從不對我說話的同事突然開腔「你做PUMA岩D!你太正常!呢度只會容納到我呢D怪人!」 「咁我唔夠怪點解佢地又請我呢?」 「請錯!」 當時我啞口無言,暗暗覺得佢講得有道理!我打算唔做了,不過最後呢位同事比我早離開,因為佢偷衫!似乎請錯果個係佢!我開始唔信D人係真怪,
「扮出黎搵食!」
近年扮怪真係可以搵到食,不過時代唔同,稱呼亦都改變,家下所謂「怪」,其實應該叫做「騎呢」,但細想其實「騎呢」同「怪」仍然係兩個不同類別!睇到「騎呢」的人,做騎呢的事,正常反應係放聲嘲笑!呢個係對佢地讚美的方法!真正「怪」係好有感染力,你今日唔鐘意,係因為你未識欣賞!終有一日,「怪」 字是你對我美麗的形容!
「若你喜歡怪人,其實我很美」
每個人都是出身自一張白紙,「怪」又好,「騎呢」又好,扮又好,真係咁都好,一個稱呼而已,不過做人最唔怕生壞命,最怕改壞名,被人叫「怪傑」定「騎呢怪」,就要睇你有冇揀錯!
揀岩一個適合你的角色,演好人生這場戲!

22 comments:

sugar19sugar said...

我想怪......奈何又太普通....."俗"

v said...

i always feel upset when my close friend call me 怪. it's kind of negative the way she said it! i tried very hard not to show my feeling by gave her back a big smile. it's so hard to deal with people other than myself!

Vince said...

其實我反而覺得太正常的人有點怪。每個人都應該有自己獨特的地方﹐如果沒有﹐才
真的怪﹐真正的獨特。

Anonymous said...

怪不過是一類人對那類人觀念中的一類人的一個看法而已。
在我而言,非褒非貶。
黃藥師也被稱東邪。
這跟怪亦同意思。
給人覺得怪並不是值得引起任何負面情緒的。

davismuizi said...

你寫既野幾有意思。
我鍾意聽達明一派既歌,大部份既歌我都熟哂嚕。
我d朋友覺得我鍾意既野另類,
但我反而係覺得佢地奇怪,
唔肯接受唔同既文化同事物。
 
不過我未聽過你節目。
但我想我會keep住睇你既blog。

=)

Anonymous said...

其實所有人都一樣咁怪,只係大家怪的方向及表達的方式不同而已!而另外一個形容怪的詞語就是特別!我曾經和朋友討論事情時,被朋友話我:你都幾特別喎!之後再傾傾吓,其實佢係覺得我好怪!

Isa said...

灘...你既人生經歷真係好特別
我呢廿幾年都過得太平凡...
不過..我甘於平凡...
得閒睇你既經歷已經夠晒有趣~

水金 said...

怪...
早幾年...大把野都怪!
但係我朋友講過,
一個人做怪事就怪,
兩個人做怪事都怪!

但係...
一班人做怪事就唔怪!^^

Scared V said...

若要人似我,除非两個我。
為何你的文章我總是認同,有共鳴?
為何走非主流路線的人便被標籤為怪?
要無視俗世眼光,繼續我行我素,須要多大的勇氣和堅持?
就算嗜好、習慣只是稍為異於常人,朋友都覺得你怪。不隨波逐流就變成孤獨精或獨家村。

高玉 said...

你好呀~我叫高玉~
我都幾鐘意睇你既blog,好有意思!!
我好認同你講既
「結婚係人類最蠢的發明,死左之後應該唔好再浪費金錢係喪禮同壽衣身上」!!
平凡既人,佢唔做le件事咪覺得怪lor!我覺得個怪字幾好聽呀!!人地話你怪,咪姐係重顯得自己特別lor!重好tim啦~

係呢,我想問下幅圖片叫咩名呀?!好令!!

Christie said...

你怪﹖ 唔覺wor﹗
我日日上來睇你個blog﹐ 仲俾埋comment﹐ 我就真係怪囉﹗

追求我所追求的 said...

hihi
好開心睇到你既blog

怪..只係對方接受唔到我喜愛既事物之ma
我好認同你所講, 佢地保守, 接受新事物能力低...

serina said...

平凡當中都會見特別的﹐每個人既人生路都唔同。。。

結婚無咩唔好﹐如果兩個人有相同價值觀﹐想commit﹐何樂而不為﹖

另外﹐曾經有個我識既牧師講過﹐搞喪禮係為在生既人。一個儀式﹐為最親既人做最後一件事﹐等同最親既人講聲byebye﹐內心的傷痛比較容易平伏。

Anonymous said...

.........
怪 ?

v said...

Dear Serina,
thanks for your theory about 喪禮, that's a very good point. However, i always believe the 儀式 is for someone not related to made big money, and i wouldn't want my family to waste money on a sad party. i'd rather hope they use the money to have fun, enjoy a nice dinner, life goes on. there are many ways to say goodbye or to memorize the one you loved.

chivy said...

其實某程度上我覺得每個人都系怪人

qt芝士 said...

在這個時勢, 就算有出眾美貌或智慧的人也會以怪異行徑來引人注目, 更何況平庸之輩 ?

似乎這是出位的捷徑, 萬試萬靈, 但效力長短及後果就閣下自理。

文文文 said...

我同意你講ga野,我地都係"怪"人XD
我今日生日丫^^

nD said...

做人怪怪地都幾好啦...起麻唔會悶阿嘛
太正常反而顯得人生更怪...因為根本就無正常

Anonymous said...

You are beautiful.

靖 said...

灘叔,

最尾o個幅圖係出自何處ga?
好「型」呀!!

鐘意這類東西的人算不算「怪」?!
我答:有taste而已

怪桐 said...

乜esprit sales係咁怪的嗎?我完全唔覺,佢地d衫真係超級正常
一個窮人死左仲要自己屋企人辛苦去搵錢搞個儀式俾佢出殯,呢d儀式對窮人來說只是負累