8.29.2006

他鄉遇故知


凡事掉以輕心,心事唔夠細密,後果咪就係要擔驚受怕,浪費生命羅!不過我英國朋友有句金句
「i am so stupid,but i am lucky!」
要用多一倍時間機程回港,但係俾我係法蘭克福撞到個香港聽眾,上到機見佢隔離坐左對情侶,西人中國妹,兩個應該熱戀階段,嘩!hot到呢!佢坐係隔離真係唔知可以點反應,咁撞岩我隔離又無人坐,咪邀請佢過黎一齊坐羅,平時我一定唔會咁做,除時請個人過黎煩親自己,但果秒我腦裡面閃過「他鄉遇故知」呢五個字,最後亦証明到多野講果個其實係我,因為我訓唔到,但呢個機程,大家都的而且確無咁悶!
「他鄉遇故知」總給人被動,幸運的感覺,有被動就有主動,有幸就有不幸,被動變成主動,不幸會變成好運,試想想,當你遇上不幸,如果有人肯伸出援手幫你,你就變成好運,如果大家都肯咁做,主動去助人,有很多惡運是會易轉的!
第一次去london,回港後我發現有個一磅大銀無駛,我一直想帶佢返家鄉,但一次又一次都係上了機先發現忘記帶,到最近呢次情況都係咁,我開始懷疑佢係香港已經落地生根,帶佢番去,佢都唔知慣唔慣,既然我會咁假設,佢亦都有可能係好想番去,但番唔到,唯有係度孤獨終老!於是我係機場張應該洗清的外幣留起,(我唔鐘意捐左去,要捐就捐多d,唔好其實唔想羅,扮偉大施捨)帶佢地番香港陪下個鄉里!我唔知佢地相處成點,但起碼我好記得我有好多英磅未用,下次再去一定記得帶晒佢地走,再望望其他用剩的外幣,我知點可以帶番佢地走了,就係首先要帶多d佢d鄉里番黎,等佢地他鄉遇故之,然後下次我就可以一齊帶佢地番去,佢地命運改變左,我都因為咁下次去旅行多左錢駛,果個國家又會因為咁而多左生意,所有事情都會有連鎖的改變!
你可以覺得我講得誇,但係呢一秒你改變做法,世界將會由下一秒開始改變,在無關痛癢的小事上練習,訓練有素後,遇上大難題,你就知道點去改變厄運!
如果夠蠢真係可以得到運氣,這些運氣就是給你改變命運的機會!

15 comments:

玩沙 said...

哈哈,好imaginative呀!咁諗好似好傻,但係咁樣灘叔又幾可愛播。呵呵呵。(起緊雞皮未呢)

ckqueen said...

聖經有句話——萬事都互相效力。
講deep d,即係Butterfly Effect。

Brenda.66 said...

I think it is a little deep of what you write today. I need to think a little bit.
I am the opposite of you. I always make sure I empty my pocket before I leave a foreign country. May be I always think I might not have another chance to come back here anymore. Sad but true.

Anonymous said...

灘, 下次小心d啦!

bone said...

恭喜曬大餅遇見返D鄉里!

M said...

好鍾意你呢個"外幣他鄉遇故知"o既諗法, 可唔可以畀我用呢個idea寫番首歌?

高玉 said...

hello~琴夜聽完你地既節目之後,覺得你好好笑~好得e,重好可愛tim!
你家陣個頭重有冇痛呀?!嘻~小心d呀嗎~
咁你d行理之後點呀?!

Anonymous said...

海灘,你係一個編劇,用字應該小心D,"瞓"唔到,唔係"訓"唔到, 我好相信你係唔小心,但係可能有D人,好似我咁,睇你個BLOG除咗了解O下你之餘,都學O下你D文采,用詞.

莎朗

我喇沙 said...

打"訓"唔到,可能係因為個"瞓"字係香港字,唔係人人部電腦都睇到,呢個係網路度通用既規矩,都可以接受。

但「他鄉遇故之」就應該係「他鄉遇故"知"」啦!灘叔係才子文章寫得靚非常好睇,再小心少少執下d白字就更完美了!

joey said...

beach
知你係london 坐左成晚搵唔到路返去..又因為轉機要用多咁多時間...我唔覺搞笑...返而對我有d 提醒

scarred v said...

是否編劇的與生夲能?所有人和事都可以延伸出這麼多聯想,厲害!你有無白頭髮?怕唔怕諗到黐線?
衛斯理的「天書」講所有人一生事無大小、行為、選擇都記錄在此書裹,不存在人有自主的決定,人只跟隨這劇本去演繹一生。
好像有點灰、悲觀,如用另類的想法,但又未嘗不是一種可能性。

Kinki said...

海灘,我聽你講既野或寫既野都以為你同我都係係雙魚座(因為我地諗既野好似),但嚇發見原來你係我最愛既獅子座,哈哈,難怪難怪!
如果我地年紀相約既話我諗我會追你,哈哈。好啦,夠啦,你唔好諗咁多.

Anonymous said...

我聽完收音機淨係想同你講
小心d,唔好咁論盡整親喇=__________=

ght said...

Beach Beach,

好鍾意你寫o個種微妙,你好叻呀!令我諗起Einstein一句說話:『God does not play dice.』Anyway,o吾怪得之總識得有d人又stupid又lucky啦!

Meo...oo..ow

Nat said...

Matt,

where are the change you were supposed to leave me? now I have no coffee money!!!!!!