8.13.2006


對我黎講,今日係寫意的周末!由第一餐開始講起......
我開始懷疑,如果我有一日唔食過「薯仔」,係咪會變左做「薯仔」,香港的jacket potato無英國果d咁heavy!原因來自己其size、餡料全比英倫的細及小!但係我雖然係一個薯仔狂,但都無理由次次要食就撘飛機過倫敦食架,加上家下倫敦又咁亂,真係有錢都唔好過去住!
我鐘意食「蛋沙律焗薯」,其實我鐘意乜都加落個薯仔到,不過呢d只限係屋企自己整時做,但我諗我十年都唔會有一次係屋企整,所以每當出面有新選擇,我就一定會第一時間試下!
呢個餐其實就係多碗「栗米」,但加埋落d蛋沙律到,多左個唔同「咬口」感覺,個味道又甜左,好好食!
好羅!以後可以多個選擇!
我鐘意係呢類型的咖啡店到hae,呢類型包括「pacific coffe」、「starbucks」、「Delifrance」,因為夠平民,你坐半個鐘意,已經可以見到不同故事!「一家大細買一杯野飲嘆冷氣樂也融融」、「少情侶經濟式約會地方」、「相戀多年戀人hae時間各有各睇書總之唔會傾偈」、「自閉青年聽IPOD傻笑」、「失戀售貨員飲黑啡紅唇煲煙唏噓到熱淚盈眶」「成班ABC熱褲小背心wake完係度等去睇戲」
仲有好多好多,一個人一個故事,兩個人至小三個故事,等何咁上!去得多,就可以見得多,見黎為乜?!當然幫助到創作,但當你見多d,知多d故事,明白得d其他人,就會明白多d自己,明白多d人生!
如果你未夠十八歲,你無得睇「狗咬狗」,因為佢係三級,如果你而家有得睇,即係睇翻版!恭喜你!你成為另一位快速消減港產片的幸運兒!
鄭導演好尊重我,不但叫埋我上去個觀後研討會,仲一次又一次多謝我!其實應該我多謝你,你令我個劇本昇華左好多!同理做左咁多年編劇同電影,真係有d乏味!但今日播影後,八成觀眾留低,係為左睇edison,阿sam又好,為左睇我同導演都好內 感謝大家令我有番從前做電影的感覺!每次有戲上畫,前前後後都欲有很多談論、觀後交流,還有觀眾的反應,你地係屋企睇戲,我又點知你地睇時咩反應呢!我其實唔係覺得做電影乏味,只不過之前兩年做過d野對得佢地唔好!而家愧再面對,最佳修補方法就只有以後對佢要好過以前,用行動去感動佢,佢感動,其他人亦都會感動!
狗咬狗係一部好heavy的電影,佢其實唔係商業動作警匪片,如果你係電影迷,你會知道有d戲「一係好鐘意,一係好憎!」 呢部戲就係呢種類! 今日係討論會上,我講左原本要拍,但因時間問題而取消的「結局」出黎,希望成年的老友,有時間去捧下場,之後我可以講番個原本ending俾大家比較一下,多人睇就係呢度寫出黎!
離開後等朋友食飯,係海?四圍行,俾我係一個互動電子遊戲示範單位碰到佢地!
一對好可愛的twins,睇住佢地姊妹情深,合力過版,好認真但好純真,我企係度左十幾分鐘,寧願犧牲佢探相熟女sales的時間,因為佢地真係好鬼吸引,一個人有一個故事,一對孖女可能係同一個故事分裂出黎!「爆裂孖妹」 正!
食埋我心愛的「樓上樓」,返到屋企都係十點幾,回程時收到好多電話叫我出去玩,「NO喇!今日好開心,唔出黎玩喇!」 唔明都唔解釋喇,有d野你係明就明,唔明就點解釋都唔明!

20 comments:

Macau Lucia said...

我想問, 係咪delifrance全部變晒bistro?? 因為bistro delifrance冇我想食0既野, 我只係想食我以前次次一過親香港都會食0既delifrance~~

夢大人 said...

我星期六有去睇狗咬狗,it's really cool,會再同朋友睇,但請不要剪成2B級,會失真無味。這是我從美國回港覺得拍得最好的香港電影,有啲 (SEVEN) feel。你好勁!鄭保瑞都好勁,個故事好到。有時間到我個Blog看看,有介紹狗咬狗。

謝謝你和鄭保瑞製作一套這麼好的電影。

Anonymous said...

Most of the delifrance in UK have closed down already. It is because the food is not good enough to cope with other cafes or sandwich bars.I had tried once a year ago when I was in HK. Honestly, the food were below standard.

契丹人

ms_laugh said...

鄒海灘...

琴日又遇上你喇! 我無跟蹤你架, 真係咁岩架咋!

其實都幾攪笑, 我係門口等位既時候, 我男友就話 "可能陣間入去會撞到鄒凱光呢!" 點知一入到去, 行過左兩張枱, 鄒海灘真係坐左係到, 佢果然開口中!

今次叫你同我影相, 其實都幾唔適合, 咁多人既食市, 你又同朋友食緊野, 叫你影相其實都幾打擾, 真係唔好意思呀! 影完相仲傾左兩句, 個感覺好似好熟咁, 你臨走仲要同我揮一揮手, 好nice, 都好型呀!!

原來呢個blog 真係拉近左你同我地之間既距離, 睇呢到已經成為左我既習慣, 真係幾好呀!

仲有多謝你意見呀! Thanks!!

GOAL said...

我成日入她他她落ipod,係街度行行下笑,周圍d人都會望住我..以為我傻笑

Percy said...

What a simple day, your job being respected, met some interesting people around you....

Good to know you were happy and enjoying your day.

serina said...

點解你食到0甘lei hae??

0h... 唔聽樓上講都唔知英國delifrance做唔住﹗其實我幾鐘意delifrance個環境﹐但我食來食去只係碎蛋沙律包﹐因為真係無咩好choices

sugar19sugar said...

我成年架喇 !!!!一定支持~~~~"狗咬狗"

筠筠 said...

讀書時代經常到 delifrance 嘆下午茶, 工作後已沒有時間嘆, 要麼假日擠得很, 放棄了~

超喜歡白汁雞蛋, 配什麼包都好好味~

qt芝士 said...

讀書時代經常到 delifrance 嘆下午茶, 工作後已沒有時間嘆, 要麼假日擠得很, 放棄了~

超喜歡白汁雞蛋, 配什麼包都好好味~

kaka said...

灘叔~好在我啱啱係7號夠左18歲姐...其待去睇一部有heart既好電影...support!

chinKerbella said...

係啦,宜家好多人都覺得唔出夜街就唔算係充實既週末 -___-

p.s. goal's comment 好inspiring! 等我都save d achive入ipod聽先. 以後miss左個她他她都唔駛0係公司偷偷摸摸咁聽 - 有時無段段大笑會嚇親同事.

p.p.s.我都好想係街撞到unkle beach >___<

aeris said...

海灘:
我一早同朋友約左睇狗咬狗了
之前都無留意到係你編劇,
而家知道之後,會更留意個劇本,
俾返D意見你~~哈哈

之前睇雜誌,知道政府方面話唔知點CUT到2B,如果一定要CUT,就會破壞套電影,忽然覺得電檢處(係咪呢個名?)都會尊重電影架喎

scarred v said...

我有啲蔑delifrance的,蔑蛋沙律,尤其見到同事食時,口味不同吧。 但我锺意聞starbucks和pacific coffee的咖啡香。

有次看葉念琛的專欄講每天搭公車時與不同的陌生人擦身而過,有不同的故事,但沒有時間去瞭解已緣盡於落車。
真係講中我所想,又沈思在緣份的奧妙中。

kckentlee said...

終於睇左你個Blog啦,成日聽你在收音機你講你個Blog點樣點樣.最後都俾你吸引左黎睇下.
你又多左一個觀眾啦.

高玉 said...

hello matt chow哥,我唔想叫你灘叔,好似叫到特別old咁~
-> 你試過最簡單將d薯仔切薄片,放少少鹽同胡椒去焗黎食未呀?!咁樣都幾好食呀!簡簡單單~又食到薯仔味!
->怎樣才能成為一位編劇人呀??係咪要作多d故仔le訓練自己?!點樣可以多野諗d呀?!
->哈,起初"立"下你d相,e為係你影左個照緊鏡既o靚妹tim~佢地真係好似呀~不過如果係我,我都幾想有個同我差唔多樣既人一齊玩,感覺一定好得e!不過又一定比人囉去比較啦~

paul 仔 said...

套戲/戲名 靈感來自 Man Bites Dog ?
本來唔知你編,有諗過話睇定唔睇架勒~~~
原來灘兄係編戲`~咁就一定8去戲院捧場勒`~~

Anonymous said...

我係一個標準港產片電影迷, 不過我唔係香港, 但係一有新戲出碟, 我一定買正版支持
加油ar, 寫多d好似狗咬狗的劇本, 我一定支持你

茜皮大嫂 said...

我一邊睇一邊諗,如果套戲180度轉做「直女人版」,張柏芝係Edison,章子怡係阿Sam,鄧萃雯係林嘉華,唔係唔好睇架噃~~

來我對blog啦灘叔~~
http://hk.myblog.yahoo.com/hyper-bitch

http://hk.myblog.yahoo.com/blogfiction

仲有我個西
http://www.hyperbitch.com

Anonymous said...

我同我個朋友為左支持你而去睇狗咬狗,係真心覺得好睇架..好耐冇睇過咁好睇o既港產片!