8.30.2006

擁抱



唔好意思Yuki!妳寫給我的那EMAIL太精彩,我想大家分享下過箇中感受!放心!係分享唔係公開!
Yuki問我有冇特別渴望情人以外的擁抱,想感覺到那人的體溫........因為軟弱而變得眷戀,從而變得更軟弱!睇到呢度我千愁萬緒,以外的人,朋友、同事、親人?我最眷戀的擁抱是親人!因為其他的都可以得到!想到這裡,我想起黃偉文的「單車」,雖然呢首詞好多人都誤會係歌頌父愛,其實係黃生對父親愛恨交纏的控訴,渴望的只是父親的體溫,僅此而已,但你以為你降低要求,就可以得到所需咩?!
懷念單車給你我,懷緊貼背的擁
難離難捨想抱緊些 茫茫人生好像荒野
如孩兒能伏於爸爸的肩膊 誰要下車
任世間怨我壞 可知我只得你承受我的狂或野

我同家人關係並不是阿Y般覆雜,但中國人總是忌諱,細個鼻骨發大做過手術,但手術後有日傷口流血不止,父親背著我去醫院,身體溫暖但又一份從最深處浸透出來的抖震!「唯一有過的擁抱....」,至於母親,小時侯常躺在她大脾上,讓她給我採耳,我通常都會攬住佢條腰,躺在肚腩上,而佢已經下墮的胸哺就壓在我頭上,好有安全感,次次我都講大話謂仲有耳屎未挖清!果份體溫,果種媽媽的味道,我落棺材都仲會記得!「唯一有過的擁抱....」。細個跑去酒樓食飯,轟一聲推開道大門就衝入去,唔知道妹妹就跟在身後,砰一聲道門就撞落妹妹的額角,妹妹扑一聲就爆晒缸 ,然後係酒樓包紮傷口,我俾錫我個妹錫到癲個伯娘鬧到上天,當時我好想上去攬住妹妹話「唔駛驚...」但當時我仲驚!唔敢咁做!到而家我每次見到佢額角巴痕,我都好想攬住同佢講三個字....
無奈佢身材實在太堅!我做阿哥真係唔好意思攬落去!「唯一的擁抱也沒有....」不過無論在多遠,我們都是如此接近,一家人嘛!
今晚不是特別熱,偶意還有點涼風,可是我的T-SHIRT仍是濕透........

20 comments:

Cathy said...

"中國人總是忌諱擁抱" You are so right but WHY?
中國人 think hug is very odd or weird and it's only for 外國人,ABC or BBC ...but I think hug can actually make people feel very warm.

Anonymous said...

早晨。


剛剛畢業的時候,每天早上都很不情願的去上班。那個時候每次出家門都會抱住媽媽不放。

過路人 said...

其實擁抱果時係可以避開個心口o架...
但真係好想知道係咪中國人先會諗邪o野o架呢?

Zeph said...

來抱抱....
我都想有人抱....孤身一人在異邦工作時格外想有個人可以抱抱。

Miss said...

Hi. I am Miss. From my younger age till now. My parents and me are very closed. We're like friends. I always express my love directly to my parents and I give them hugs. I also give hugs to my relatives and grandma.For me, family is the most important and valuable thing. So don't need to feel shy when you express your love directly. We are modern Chinese.

高玉 said...

由懂事和我的記憶中,一直以來未被人擁抱過,所以不知道被擁抱的滋味....

Grace from US said...

其實擁抱對于每一種關繫來講都繫會好窩心

真繫會有種"過電"皆感覺!

chingwcf said...

Hi, 無意中發現你個blog, 再無意中睇到你個樣, 醒起我前日睇電視套戲見到你-secur wing.

同你一樣, 印象中都只係孩時抱過老豆, 阿媽,兩個妹好似仲係佢地bb個時抱過下.
但係我依家可以抱朋友,抱老公, 抱人地d仔女, 偏偏都係抱唔到屋企人, 不是關係不好, 但總係好難踏出呢一步!

Anonymous said...

No worries. 這小小的scar 令我看來更有性格! 兄妹情中的點點滴滴足巳填補了這小scar! Love – 珠如

candycandy said...

我可以同任何人好隨意地講"我愛你i love you"..但係偏偏最親最愛既家人..就運扮哂用玩玩下既語氣都講唔出..外國人會=覺得冇乜野..但係我地始終係中國人.
諗深1層.對住家人根本唔需要擁抱或者做任何野去表達愛.因為我地本身就係最親最接近既.

qt芝士 said...

我好喜歡與家人抱抱, 每次與 Aunties Uncles 見面總要抱一抱。

不過, 自小三後, 記憶中幾乎沒有抱過爸媽。
大家總是隔著一道牆, 怎也無法逾越的圍牆。

今天才有時間上網重聽你分享旅行遊歷。
我還是那個疑問 : 再過十幾年, 你的骨頭仍然捱得住猛烈碰撞嗎 ?

我也是非常心急的人, 但心越急, 就不斷叫自己冷靜, 情願動作相對慢半秒, 也不想為爭取一秒而得不償失。

灘叔叔, 大個仔啦~
你要好好照顧自己呀~

夢遊人 said...

我喜歡擁抱,除了情人之外,我曾給兩位友人擁抱過。

我喜歡擁抱的感覺,那份溫暖,那份安全感,真是難以用詞言形容。友人給我擁抱,我不介意,只要知道他們沒有對我有「抽水」的念頭便可以,但至於家人,長大之後,一直也沒有意欲去擁抱他們,可能知道自己是堅強的一郡,知道他們已再沒有能力去保護我,在角色對調之下,我保護番他們,所以唔想再給他們擁抱。

ZonnIe said...

so sweet!
你好幸福呀

不一定要擁抱,一個窩心的留言,已經令人很溫暖

MM said...

係881903留唔到言呀...

三姑,灘灘: 其實都冇乜特別野, 想發表下偷拍事件o者. 睇見 d 人成日執住幾個 point 反鬧 d 藝人搞事, 覺得點解可以咁是非黑白不分;
1. 最多人就話: 都影唔到 d 咩~~
喂, o個度更衣室呀大佬; 唔通要俾人影到全裸先有權出聲?

2. 成龍大哥有冇資格出聲? 個個都話成龍其身不正; 我想話o既係..一單還一單, 成龍以前o既傳聞,一直都係佢o既私事, 實情係點真係冇人會知; 佢o既歷史點都冇過一單 "偷拍其他人", 所以點解佢冇資格出黎講野呢? 係咪只係俾人偷拍過先可以渣咪講野?

3. 外國 d 人俾人影到係後花園裸曬, 藝人造愛 home video 俾人偷出黎上網賣, 都係上娛樂版冇上新聞版;
咁o個度外國黎家嘛... 外國還外國, 文化有差異; 外國平常唔代表香港o既人都要有同一個反應. 外國荷里活唔係呢個世界o既標準呀. 總之藝人感覺到私生活有威脅, 就有權出黎聲討; 更何況, 外國 d 人俾人偷拍, 佢地冇上新聞版, 係因為佢地冇香港咁團結成班出黎聲討遊行o者.. 佢地如果有咁做, 咪又一樣上新聞版...

不過睇到 d 人咁樣寫, 其實都幾失望; 因為佢地反而話我懶正義... 我只係覺得有 d 傳媒實在太過份. 劉華一句好o岩: 你地諗下如果阿嬌係你個妹你地會有咩感覺...

最後, 我覺得藝人唔好驚得失報紙, 而全城杯葛那一個傳媒雜誌. 除左佢地撲出黎問你地野時唔認佢地, 更加要連相約去影樓茶座o個 d 影相訪問都唔好去; 連最基本o既 content 都冇, 佢地一定做唔到落去架... 不過藝人真係要團結去咁樣做. 偶有一個因為要宣傳新碟新戲而接受訪問已經達唔到目標 (而且呢個方法可以殺一警百)

這只是小妹的愚見...如果有咩講錯, 多多見諒.

edmame said...

awww this post really warmed my heart, unkle beach!
same experience here: once hugged my dad, only to get "get it from your boyfriend next time" (bwahaha!)
animals nuzzle, lick, pick fleas for each other all the time.
damn culture for making us more "civilized":PP

Anonymous said...

不用吝啬你的拥抱!当你时刻准备好,就有用得着的时候!

SILBOBO

宛如 said...

擁抱嗎?是我最想要的東西!但現在人大了,見朋友時也沒跟從前一樣先來一個熊抱...不得不說一句:我不要長大!

kuromi said...

海灘, 讀完你的分享 "擁抱", 令我很懷念曾經跟我媽媽很接近, 令我憶起往日種種...今非昔比, 希望你這篇"擁抱", 能夠衝擊起我沉睡的心, 重拾往昔.....多謝你,海灘!

m&m said...

Bingo!!灘叔你的經歷為甚麼與我的會這樣接近!!莫非你跟我是同一年代的人?? 要不然就是我們的母親都同樣重視子女的耳部衛生及喜歡透過這含蓄的方式來親子。

如果不是看了你的blog, 也不會令我憶起與母親的「唯一有過的擁抱....」, 原來有些情感與記憶真是一生一世的跟著你, 只要一提起, 這些感覺便番口西口黎, 一切就好似昨天發生的一樣。

灘叔.灘叔.我支持你!!!!

Anonymous said...

久遺的記憶!!