9.30.2006

Caveur



第一次食松露是在多年前的十月尾,當時我對松露毫無研究,只知道它是一種主要生長在橡樹鬚根部底下、一年生的天然蕈菇,種類約有三十多種,其中白松露、黑松露是最美味。奇怪吸引的香味,有人用舊傳單、蒜頭、麝香,甚至連精液都曾被用來形容松露的味道,歐洲人更認為松露有催情作用!我就知咁多,但一句戲言,朋友生日任食我請,佢選擇食松露!
還記得廚師近距離拿著松露,我見朋友已經被那濃烈的香味迷得神暈癲倒,我則覺得好刺鼻,好想大聲打乞嗤,至於食落口之後,更加頭頂閃出無數問號「有咩好食呢?」
之後因為工作在同一間餐廳,老闆請客再食多次,感覺跟第一次一樣,直到老闆說「其實都唔知有咩咁好食!」我沒有回應其實我亦有同感,免得被誤會好擦鞋!「不過請客唔食又唔得!」 我猛咁點頭扮晒好有taste...其實心裡面已經係松露身上面蓋了『過譽』這個印章!

我唔鍾意食松露,但我好恨做一次Caveur!所謂caveur,即是松露獵人,但獵松露,並不是荷槍實彈去森林打獵,而是帶著獵狗,去橡樹林去尋找生長在地底下的松露!從前獵人帶同的並不是狗,而是豬,據說松露內含有讓母豬「性」致高昂的費洛蒙,所以不須經過訓練,母豬就能非常準確的找到松露。可惜世上除了人類鍾意吃松露外,豬也擁有同等的品味,千辛萬苦找到,發狂似的酹土 裡面的松露挖出來,交俾你d人類,你當佢豬咁蠢咩!梗係自己食落肚啦!於是獵人改訓練母狗來獵松露;亦有傳蒼蠅也特愛此味道,因此只要觀察哪裡有一群蒼蠅圍繞,就表示地底下可能有松露。當然地上有一堆屎亦都會惹到一大堆蒼蠅圍繞!
我並不是果種三十歲後想轉做另一個工作的人,我只想去一次,因為我知道意大利某小鎮是有「尋找松露」的森林之旅;對方會提供狗隻同導遊,聽講話有d會提供豬,一見到咁樣就知道綽頭行先,雖然聲稱尋獲的松露全歸你所有,但如果你信真係會搵到,你可能是一個極不浪漫的人,當然你可以叫自己做理性,但我想提醒你,如果咁都信,小心會被保藥黨呃到!我覺得可以同愛人手拖手,另一隻手拖住一隻豬,漫遊神秘得令人既驚又喜的森林,呢個畫面好cult!還有點像M Night Shyamalan的電影世界,「尋找松露,卻找出從未揚露的....」
不過我呢一秒認為,再cult的畫面是,我左右拖著父母,父母分別左右拖住一隻豬,一隻狗....淨係企係度影幅相都已經係「鎗火」親情版啦!Must Do!
其實要得到呢個畫面真的不易,但前輩常說,目標要SET遠大一些,理想在現實中會打折扣,SET去意大利,到頭來可以一家人去城門水塘野餐已經好滿足,好快樂!尋找松露可以在任何地方也找得到!

7 comments:

Anonymous said...

最後那句好metaphor!
甲之糖果、乙之肶霜。
是否高檔的人才識欣賞高檔的食物?

我覺得和愛人手拖手在濃密的森林漫步已好浪漫,或者去崇山峻嶺的地方行山、高眺遠望。
好似賣廣告那款。

Anonymous said...

haha豬至食松露~~~
烏蠅覺得松露似屎?!?!?

Anonymous said...

--唔係導彈女--
父母健在就對佢地好d, 講得出做得到呀!
我剛瞓醒買o左個越南檬粉o黎食,
唔好咁focus on 我o既留言,睇完咪算,
以免其他網友亂諗!

Anonymous said...

海攤~加油呀~
我好喜歡睇你D日記同編嗰D劇本
我大個要學你咁做個文筆好架編劇~

Anonymous said...

我超級鍾意食truffe,不過係用朱古力做成
形神俱似的dark truffe。至於真正的truffe就係得個知字,屋企人食過,都唔
明點解佢會賣到好似黃金咁貴,佢o地都唔
覺有乜咁特別好食

Anonymous said...

海灘~
其實好多食物都係有自己的fans...
喜歡的人也未必可以講得出...原因?!
就好似我亞哥咁...
食榴槤我都頂唔住,佢重要一食完馬上隊罐可樂.
你問佢點解,佢都係答你"正"囉?!

Anonymous said...

Hey Matt,
We just have some truffles on pasta in Italy...........delicious....... they charge 4 euro per gram, expensive but worth it!
Simon