9.15.2006

9141953


我本來唔係好肯定,不過一分鐘之後,我見msn上面online d acc個題標都轉晒「地震」、「1953 earthquake」,我肯定自己無感覺錯誤。平凡曾通的一天,又因為呢個輕微震動而泛起漣而漪。你仲會問「地震果時你係邊?做緊咩呀?」 我得到大部份答案都係「係公司,做緊野」 而小部份係「係咩?唔知喎!」「我做緊gym,唔覺喎」 「我岩岩去緊廁所,我仲以為係我打屎震添」(真係笑破肚皮) 還有我「我係屋企做緊野,我覺得真正地震唔係咁!」
去北海道拍攝「七年很癢」時,唔知點解要左轉右轉,早機去,到扎幌也經晚上八點,身心皆疲,食完飯就番酒店訓,衫褲都除唔切就訓著!第二朝七點幾,我俾野搖醒,係張床,張床好震!我醒左,定神三秒後同自己講「地震喎」!跟住就跌番落床繼續訓,幾個鐘後起身,出去做野先知原來早上七點八級地震,油田都因為咁燒著,四圍的公路爛晒!有位同事話「嘩!我地住酒店十樓,其實好危險!」 「其實塌起上黎,十樓同住地下係無分別!」然後果個下午不停有餘震,D餘震係可以震到你打橫行!之後去到一間餐廳食飯,突然又震,同事們發現原來現場來了一個二百幾三百磅的女人客,剛才只是她經過,但係個女人坐低唔夠一分鐘,再次震,仲要震到左搖右擺,我和同事望住肥女客人本來穩如泰山的坐著,突然整個人被震動埋牆,和同事異口同聲「地震呀!好震呀!」
我認為咁先係地震,不過聽過朋友在台灣大地震的所見,我呢D都唔算地震,佢用左八個字形容「風雲變色,地動山搖!」 所有係電影內見過的畫面活現眼前,但置身其中,不時戲院,無路可逃!
仲有唔夠一個星期,921大地震又不經不覺七周年! 大家有冇發覺,時間過得很快,但係我地行過路得好小!

8 comments:

Anonymous said...

Just have to say I enjoy your blog very much.

-kf

MM (Macau Melody) said...

我羅柚大, feel 唔到地震呀...
我記得前幾年都地震過一次, o個時我訓緊覺... 無啦啦張震, 張床震呀我意思~ 我以為有鬼添呀該煨~~

另外,灘灘, 小妹有個開心小發現呀... 關於環保o既, 所以有興趣黎小妹 yahoo blog 度睇下啦....

雖然係一張紙, 但做得幾多得幾多啦~~

http://hk.myblog.yahoo.com/jw!IJfxE6.aEQcgVdEKrnVK.pMXCSePwkvA0pWh/article?mid=466&prev=-1&next=465

Connie said...

我是住屯門村屋的connie。昨晚約八點時,我坐在二樓地下看書,那位置是在我妹房間外邊,突然連續幾秒的震動,還聽到一些擺設微微震動時碰撞所發出的一點聲音。而因為我是坐在地上的關係,對那種震動的感覺特別深,像是有一輛貸櫃車在身邊駛過,但震動頻率十分頻密,初時我還以為是我妹、弟,妹的男友在房搬什麼,還大聲叫入去﹕喂!你哋做乜搞到地震咁。我再行入去見妹、弟二人各坐一邊床打psp,而妹男友就坐在電腦枱旁上網,妹男友說可能是我妹一跳上床的衝力做成,我還向妹說了一句﹕嘩!乜你的噸位咁勁,勁到成間屋都震!

怎知,原來真係地震。不過當時只有約3秒的感受,真的來不及反應,反而令妹多了一個噸位大的笑話。

scarred v said...

我都係夜晚聽收音機才知,地震時我邊釣魚、邊睇夜宴。
90年我在柏斯放洋時,當時我身在10/F高的單位,突然眼前景象不停搖晃,仲以為自己頭暈眼花,後來睇新聞才知澳洲中部大地震。
十六年了,那次印象仍然記得。

小瑪 said...

昨天地震時候, 我在考緊試..寫寫下覺得張枱震震地..@.@

Anonymous said...

朋友二號---->
震個時我返緊工,因工作地點在碼頭上,所以感到的和平時不同,平時是左右搖擺,今次是向下一跌,還有'彭'一聲.這令我想到災難也有機會在身邊發生.

Anonymous said...

to:亞灘
from:唔係導彈女
我都係因為台灣921至返HK,讀完咯諗住長住,平時都有d餘震feel似頭暈咁,但921實在太
恐怖太恐怖唔想再諗,條街好多人死......
點解你咁迷戀女人對胸,
都係差個shape同肉多肉少而已,
有人話,迷戀大胸都係有戀母情意結,
friend話大胸好辛苦唔好去"睇"去"體諒"啦
好興幸唔係導彈女,
正如三姑話你大把女,
你話自己傾計大把仔,上床大把女!!
我感冒同咳好番啦!

Anonymous said...

台灣921大地震當年,我身處香港,正在忙忙忙,但忙得很有意義,很有衝勁,很有滿足感。
回想那年(99年),原來是我過得很順意很開心的一年,之後,不復再......